Isaías 40:9 - Li Santil hu

⁹ At aj yehol esil, taken saꞌ li nimla tzu̱l re nak chi cau xya̱b a̱cux ta̱ye li cha̱bil esil reheb li tenamit Sión. Ta̱ye reheb laj Jerusalén chi ma̱cꞌaꞌ a̱xiu. Chayehak resil reheb chixjunileb li tenamit li cuanqueb xcue̱nt Judá ut ta̱ye, “cha̱lc re li Ka̱cuaꞌ le̱ Dios.”

Q'eqchi Bible

⁹ Taqen sa' xb'een junaq tzuul najt xteram, at aj yehol esil re Sión; aatinan chi kaw xyaab' aakux ut chi maak'a'aq aaxiw, at aj yehol esil re Jerusalén. Ye reheb' li tenamit re Judá: “Arin wank leeYos”.

Isaías 40:9 ပူးပေါင်းရင်းမြစ်များ

Isaías 12:2

Li Ka̱cuaꞌ, aꞌan li nacoloc cue. Cau inchꞌo̱l riqꞌuin. Joꞌcan nak incꞌaꞌ tinxucuak. Li Ka̱cuaꞌ, li nimajcual Dios, aꞌan naqꞌuehoc xcacuil inchꞌo̱l ut aꞌan li ninbicha ru, chaꞌakeb.

Isaías 25:9

Saꞌ li cutan aꞌan eb li tenamit teꞌxye: —Relic chi ya̱l li Ka̱cuaꞌ, aꞌan li kaDios. Xkacꞌojob kachꞌo̱l riqꞌuin ut aꞌan xcoloc ke. Aꞌan li Ka̱cuaꞌ li kaDios. Xkapa̱b li Dios ut anakcuan aꞌan xcoloc ke. Joꞌcan nak sa saꞌ kachꞌo̱l, chaꞌakeb.

Efesios 6:19

Ut chextijok ajcuiꞌ chicuix la̱in re nak chixqꞌue taxak cua̱tin li Dios re xyebal resil li colba-ib ut chixqꞌue taxak xcacuilal inchꞌo̱l chixyebal resil nak li colba-ib reheb ajcuiꞌ li ma̱cuaꞌeb aj judío.

Isaías 61:1

Lix musikꞌ li nimajcual Dios cuan cuiqꞌuin. Li Dios quixsicꞌ cuu ut quinixtakla chixyebal li cha̱bil esil reheb li rahobtesinbileb. Quinixtakla chixtenkꞌanquileb li cuanqueb saꞌ raylal. Quinixtakla chixcolbaleb li cuanqueb chi pre̱xil joꞌqueb ajcuiꞌ li cuanqueb saꞌ tzꞌalam.

1 Pedro 3:14

Abanan cui cuan junak ta̱rahobtesi̱nk e̱re xban nak yo̱quex chixba̱nunquil li usilal, osobtesinbilex xban li Dios. Me̱xucuaheb ru li teꞌrahobtesi̱nk e̱re ut mi-oc e̱cꞌaꞌux xbaneb.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

Romanos 10:18

Ut la̱in ninye, ¿ma ya̱l ta biꞌ nak eb laj Israel incꞌaꞌ queꞌrabi chak resil junxil? Queꞌrabi. ¿Cꞌaꞌut nak incꞌaꞌ? Xban nak tzꞌi̱banbil chi joꞌcaꞌin saꞌ li Santil Hu: Saꞌ chixjunil li ruchichꞌochꞌ qui-el resil ut jun sut rubel choxa quicuulac li ra̱tineb. (Sal. 19:4)

Hechos 4:29

Ut anakcuan, at Ka̱cuaꞌ, chaqꞌue taxak retal li kaseꞌbesinquil yo̱queb, ut choa̱tenkꞌa la̱o aj cꞌanjel cha̱cuu re nak takaye la̱ cuesilal chi cau kachꞌo̱l.

Hechos 4:13

Queꞌril nak cauheb xchꞌo̱l laj Pedro ut laj Juan chi a̱tinac. Queꞌxqꞌue retal nak moco tzolbileb ta ut ma̱cꞌaꞌeb xcuanquil. Ut queꞌxsach xchꞌo̱leb chirabinquil li cꞌaꞌru queꞌxye. Ut queꞌxqꞌue retal nak eb li cui̱nk aꞌin queꞌbe̱c chak rochben li Jesús.

Hechos 2:14

Tojoꞌnak quixakli laj Pedro rochbeneb li junlaju chic chi apóstol ut qui-oc chi a̱tinac chi cau xya̱b xcux. Quixye reheb li qꞌuila tenamit: —Ex cuech tenamitil aj judío ut che̱junilex la̱ex li cuanquex Jerusalén, la̱in tinye e̱re cꞌaꞌru xya̱lal aꞌin. Qꞌuehomak retal chi us li oc cue xyebal e̱re.

San Lucas 24:47

Tzꞌi̱banbil ajcuiꞌ retalil nak ta̱julticama̱nk chiruheb chixjunileb li tenamit nak tento teꞌxyotꞌ xchꞌo̱leb ut teꞌxjal xcꞌaꞌuxeb re ta̱cuyma̱nk ta̱sachma̱nk lix ma̱queb saꞌ xcꞌabaꞌ aꞌan. Ta̱ticla̱k xchꞌolobanquil arin Jerusalén.

Jeremías 22:20

La̱ex aj Jerusalén, ayukex Líbano ut japomak e̱re. Japomak e̱re saꞌ eb li tzu̱l li cuanqueb Basán. Ut chi-abi̱k xya̱b le̱ cux yalak bar xban nak xeꞌxsach xcuanquileb chixjunileb li queꞌxjunaji ribeb e̱riqꞌuin.

Isaías 58:4

Nak yo̱quex chi ayunic yo̱quex ajcuiꞌ chi pletic ut nequesacꞌ e̱rib chi ribil e̱rib. Incꞌaꞌ naru te̱ba̱nu le̱ ayu̱n chi joꞌcan cui te̱raj nak la̱in tincuabi le̱ tij toj saꞌ choxa.

Isaías 51:12

Li Ka̱cuaꞌ quixye: —La̱in li Ka̱cuaꞌ ninqꞌuehoc xcacuilal a̱chꞌo̱l. ¿Cꞌaꞌut nak nacaxucua ruheb li cui̱nk li nequeꞌcam? Eb aꞌan teꞌosokꞌ joꞌ li pim.

Isaías 51:7

Cherabihak li cꞌaꞌru ninye, la̱ex li nequenau li us, la̱ex li nequecꞌu̱la lin chakꞌrab saꞌ le̱ chꞌo̱l. Mexxucuac nak eb li tenamit nequexseꞌe ut michꞌinan e̱chꞌo̱l nak nequexhobeꞌ.

Isaías 41:27

La̱in li Ka̱cuaꞌ. La̱in li xbe̱n quincꞌutuc chiruheb laj Israel cꞌaꞌru ta̱cꞌulma̱nk. La̱in quintaklan re li takl chixyebal resilal li sahil chꞌo̱lej li ta̱cha̱lk.

2 Crónicas 13:4

Laj Abías quixakli saꞌ xbe̱n li tzu̱l Zemaraim li cuan saꞌ lix naꞌajeb li ralal xcꞌajol laj Efraín, li tzu̱l ru. Ut quixye reheb, —China̱cuabi, at Jeroboam, joꞌ ajcuiꞌ la̱ex aj Israel.

Jueces 9:7

Nak laj Jotam quirabi resil li queꞌxba̱nu, quitakeꞌ saꞌ xbe̱n li tzu̱l Gerizim. Ut toj aran quixjap chak re chixyebal: —Ex cui̱nk aj Siquem, cherabihak li cꞌaꞌru oc cue chixyebal ut chirabihak ta ajcuiꞌ li Dios li cꞌaꞌru te̱ye la̱ex.

Isaías 1:1

Aꞌan aꞌin li quicꞌutbesi̱c chiru laj Isaías li ralal laj Amoz xban li Dios. Li cꞌaꞌru quicꞌutbesi̱c chiru saꞌ visión, aꞌan chirixeb laj Judá ut laj Jerusalén. Aꞌin quicꞌutbesi̱c chiru nak queꞌcuan chokꞌ xreyeb laj Judá laj Uzías, laj Jotam, laj Acaz ut laj Ezequías.

Isaías 35:2

Li chaki chꞌochꞌ ta̱bicha̱nk xban xsahil xchꞌo̱l. Cꞌajoꞌak xchꞌinaꞌusal. Chanchanak li tzu̱l li cuanqueb Líbano ut kꞌaxal cha̱bilak chic li chꞌochꞌ. Chanchanak li chꞌochꞌ li cuan Carmelo ut chanchanak li chꞌochꞌ li cuan Sarón. Ut chixjunileb teꞌril li quilajxba̱nu li Dios ut teꞌxqꞌue retal lix lokꞌal ut lix cuanquilal.

Isaías 44:26

Abanan, la̱in ninba̱nun re nak ta̱uxma̱nk li cꞌaꞌru nequeꞌxye laj cꞌanjel chicuu. Us ta̱e̱lk lix cꞌanjeleb li tintaklaheb. La̱in ninye nak teꞌcua̱nk cuiꞌchic cristian saꞌ li tenamit Jerusalén. Ut teꞌyi̱ba̱k cuiꞌchic li tenamit li cuanqueb Judá, li queꞌsacheꞌ junxil.

Jeremías 29:11

Caꞌaj cuiꞌ la̱in ninnau cꞌaꞌru xincꞌu̱b ru xba̱nunquil chokꞌ e̱re. Xincꞌu̱b ru e̱tenkꞌanquil. Ma̱cuaꞌ raylal tinba̱nu e̱re. Usilal ban tinba̱nu e̱re, joꞌ yo̱quex chiroybeninquil.

Nahum 1:15

Yo̱ chak chi cha̱lc saꞌ xbe̱n li tzu̱l li taklanbil chak li yo̱ chak chi cꞌamoc re li cha̱bil esilal chirix li tuktu̱quil usilal. Anakcuan ba̱nuhomak le̱ ninkꞌe joꞌ cꞌaynakex xba̱nunquil la̱ex aj Judá ut ba̱nuhomak li cꞌaꞌru xeyechiꞌi re li Dios xban nak incꞌaꞌ chic teꞌnumta̱k saꞌ e̱be̱n li xicꞌ nequeꞌiloc e̱re. Xeꞌsacheꞌ ruheb chi junaj cua.

Isaías 52:6

Joꞌcan nak ta̱cuulak xkꞌehil nak eb lin tenamit teꞌxqꞌue retal ut teꞌxnau nak la̱in li Ka̱cuaꞌ li yo̱quin chi a̱tinac riqꞌuineb.—