Isaías 40:8 - Li Santil hu

⁸ Li ichaj nequeꞌchakic ut li utzꞌuꞌuj nequeꞌosoꞌ. Abanan li ra̱tin li kaDios incꞌaꞌ na-osoꞌ. Cuan ban chi junelic.—

Q'eqchi Bible

⁸ Nachaqik li pim ut natz'umaak li uutz'u'uj, a'ut li raatin li qaYos wank chi junelik”.

Isaías 40:8 ပူးပေါင်းရင်းမြစ်များ

San Marcos 13:31

Li choxa ut li ruchichꞌochꞌ talajeꞌosokꞌ. Abanan li cꞌaꞌru ninye incꞌaꞌ ta̱cana̱k yal chi joꞌcan. Talajcꞌulma̱nk ban chixjunil li cꞌaꞌak re ru xinye.

1 Pedro 1:25

Aban li ra̱tin li Dios, aꞌan cuan chi junelic. (Isa. 40:6-8) Ut li a̱tin aꞌin, aꞌan resil li colba-ib li yebil chak e̱re.

San Mateo 24:35

Li choxa ut li ruchichꞌochꞌ talajeꞌosokꞌ. Abanan li cua̱tin incꞌaꞌ ta̱cana̱k yal chi joꞌcan chi incꞌaꞌ ta ta̱cꞌulma̱nk chixjunil li cꞌaꞌak re ru xinye.

San Mateo 5:18

Relic chi ya̱l tinye e̱re nak ta̱osokꞌ li choxa, ta̱osokꞌ li ruchichꞌochꞌ, ut yal ta jun xle̱tril chi moco junak retalil li chakꞌrab ta̱sachk xcuanquil. Toj retal talajeꞌcꞌulma̱nk chixjunil.

San Juan 10:35

Nakanau nak incꞌaꞌ naru takaye nak incꞌaꞌ ya̱l li tzꞌi̱banbil saꞌ li Santil Hu. Li Dios quixye “dios” reheb li quixxakab.

Zacarías 1:6

Abanan li a̱tin li quinye quicꞌulman joꞌ quinye. Quicꞌulman joꞌ quinye reheb lin profeta re teꞌxye reheb li tenamit. Queꞌxcꞌul li raylal le̱ xeꞌto̱nil yucuaꞌ joꞌ quinye. Joꞌcan nak queꞌyotꞌeꞌ xchꞌo̱l ut queꞌxjal xcꞌaꞌuxeb. Queꞌxye, “Xkacꞌul ajcuiꞌ li cꞌaꞌru quixye chak saꞌ kabe̱n li Ka̱cuaꞌ li nimajcual Dios joꞌ kacꞌulub xcꞌulbal xban li kayehom kaba̱nuhom,” chanqueb.—

Isaías 59:21

Li Ka̱cuaꞌ quixye: —La̱in tinba̱nu jun li contrato e̱riqꞌuin. La̱in ninye nak lin musikꞌ ta̱cua̱nk e̱riqꞌuin. Ut li cua̱tin quinqꞌue e̱re ta̱cua̱nk saꞌ e̱chꞌo̱l chi junelic. Junelic te̱chꞌolob lix ya̱lal chiruheb le̱ ralal e̱cꞌajol ut eb le̱ ralal e̱cꞌajol teꞌxchꞌolob xya̱lal chiruheb li ralal xcꞌajoleb li teꞌcua̱nk mokon, chan li Dios.

San Juan 12:34

Eb li qꞌuila tenamit queꞌxye re: —Saꞌ li kachakꞌrab la̱o aj judío tzꞌi̱banbil retalil nak li Cristo li Mesías ta̱cua̱nk xyuꞌam chi junelic. ¿Cꞌaꞌut nak nacaye la̱at nak li Cꞌajolbej ta̱qꞌuehekꞌ chiru cruz? ¿Ani li Cꞌajolbej li yo̱cat chixyebal? chanqueb.

Números 23:19

Li Dios moco cui̱nk ta. Li Dios incꞌaꞌ naticꞌtiꞌic chi moco naxjal xcꞌaꞌux. Junelic naxba̱nu li cꞌaꞌru naxye. Ut junelic naxba̱nu li cꞌaꞌru naxyechiꞌi.

Salmos 111:8

Quixxakab xcuanquil lix chakꞌrab chi junelic kꞌe cutan. Quixba̱nu saꞌ xya̱lal ut saꞌ ti̱quilal.

Jeremías 44:29

La̱ex te̱nau nak xakxo xcuanquil li cua̱tin nak xinye nak tinqꞌue raylal saꞌ e̱be̱n. La̱in li Ka̱cuaꞌ tinqꞌue junak li retalil che̱ru nak la̱in texinqꞌue chixtojbal e̱ma̱c saꞌ li naꞌajej aꞌin.