Isaías 40:31 - Li Santil hu

³¹ Aꞌut eb li nequeꞌyoꞌonin riqꞌuin li Ka̱cuaꞌ teꞌqꞌuehekꞌ lix metzꞌe̱u. Cua̱nkeb xmetzꞌe̱u joꞌ xmetzꞌe̱u li tꞌiu li naxicꞌan chi najt ut incꞌaꞌ nalub. Teꞌa̱linak ut incꞌaꞌ teꞌlubk; teꞌbe̱k ut incꞌaꞌ teꞌtacua̱k. Incꞌaꞌ teꞌchꞌina̱nk xchꞌo̱l xban nak li Ka̱cuaꞌ cua̱nk riqꞌuineb.

Q'eqchi Bible

³¹ a'ut li neke'oyb'enink rik'in li Qaawa' junelik kawaqeb' rib' ut te'rupupiq jo'eb' li t'iw; te'aanilaq chi ink'a' te'lub'q, ut te'b'eeq chi ink'a' te'tawaaq.

Isaías 40:31 ပူးပေါင်းရင်းမြစ်များ

2 Corintios 4:16

Joꞌcan nak incꞌaꞌ nachꞌinan kachꞌo̱l. Li katibel yo̱ chi lajc, yo̱ chi osocꞌ. Abanan li ka̱m acꞌobresinbil rajlal cutan xban li Dios.

Salmos 103:5

Aꞌan naxcꞌojob inchꞌo̱l ut naxqꞌue cue li cꞌaꞌru us chokꞌ cue. Tixqꞌue inmetzꞌe̱u joꞌ xmetzꞌe̱uheb li toj sa̱jeb ut joꞌ xmetzꞌe̱u li tꞌiu.

Hebreos 12:1

Numtajenak xqꞌuialeb laj pa̱banel li queꞌcuan chak najter. Kaqꞌuehak retal chanru lix pa̱ba̱leb. Chanru nak queꞌpa̱ban chak aꞌan, joꞌcan ajcuiꞌ takaba̱nu la̱o. Cui junak naraj a̱linac, narisi chixjunil li naa̱lobresin re ut naxyal xkꞌe chi a̱linac. Joꞌcan ajcuiꞌ takaba̱nu la̱o. Takacanab chixjunil li cꞌaꞌak re ru nachꞌiꞌchꞌiꞌin ke saꞌ li kapa̱ba̱l ut takacanab ajcuiꞌ li ma̱c li nachapoc ke. Chikacuyak taxak li cꞌaꞌak re ru tento xcuybal re nak takaba̱nu joꞌ naraj li Dios.

Gálatas 6:9

Joꞌcan nak mextitzꞌ chixba̱nunquil li us. Cui incꞌaꞌ nachꞌinan kachꞌo̱l nak ta̱cuulak xkꞌehil la̱o take̱chani li kakꞌajca̱munquil.

Romanos 8:25

Aban li cꞌaꞌru nakoybeni incꞌaꞌ nakil ru ut tento takacuy roybeninquil.

Isaías 30:18

Abanan li Ka̱cuaꞌ yo̱ chiroybeninquil re ta̱ruxta̱na e̱ru. Naraj xcꞌutbesinquil che̱ru nak aꞌan naxtokꞌoba e̱ru. Li Ka̱cuaꞌ li nimajcual Dios aꞌan ti̱c xchꞌo̱l. Us xak reheb li nequeꞌxcꞌojob xchꞌo̱l riqꞌuin li Ka̱cuaꞌ.

Salmos 84:7

Yo̱k chi cacuuc xmetzꞌe̱uheb ut teꞌril a̱cuu aran Sión.

Salmos 37:34

Cauhak e̱chꞌo̱l riqꞌuin li Ka̱cuaꞌ ut chexpa̱ba̱nk chiru. Ut aꞌan tixqꞌue e̱lokꞌal nak tixqꞌue le̱ naꞌaj li yechiꞌinbil e̱re xban. Ut te̱ril ajcuiꞌ nak teꞌsachekꞌ li incꞌaꞌ useb xnaꞌleb.

San Lucas 18:1

Li Jesús quixye li jaljo̱quil ru a̱tin aꞌin reheb lix tzolom re xcꞌutbal chiruheb nak tento teꞌtijok junelic ut incꞌaꞌ ta̱chꞌina̱nk xchꞌo̱leb.

Isaías 25:9

Saꞌ li cutan aꞌan eb li tenamit teꞌxye: —Relic chi ya̱l li Ka̱cuaꞌ, aꞌan li kaDios. Xkacꞌojob kachꞌo̱l riqꞌuin ut aꞌan xcoloc ke. Aꞌan li Ka̱cuaꞌ li kaDios. Xkapa̱b li Dios ut anakcuan aꞌan xcoloc ke. Joꞌcan nak sa saꞌ kachꞌo̱l, chaꞌakeb.

Salmos 138:3

Nak quintzꞌa̱ma intenkꞌanquil cha̱cuu, la̱at casume li cꞌaꞌru quintzꞌa̱ma cha̱cuu. Caqꞌue incacuilal ut caqꞌue inmetzꞌe̱u.

Salmos 25:5

China̱beresi ut cꞌut chicuu lix ya̱lal la̱ cua̱tin xban nak la̱at lin Dios ut la̱at laj Colol cue. Cau inchꞌo̱l a̱cuiqꞌuin chi junelic.

Salmos 25:3

Li ani cauheb xchꞌo̱l riqꞌuin li Dios incꞌaꞌ teꞌxuta̱nobresi̱k. Abanan li ani incꞌaꞌ nequeꞌxpa̱b li Dios, aꞌaneb li teꞌcꞌutekꞌ xxuta̱n.

Éxodo 19:4

La̱ex xeril chanru xinba̱nu reheb laj Egipto. La̱ex xexcuisi saꞌ xya̱nkeb ut xexincꞌam cuiqꞌuin joꞌ naxba̱nu li cꞌuch riqꞌuin li cocꞌ ral.

Hebreos 12:3

Cheqꞌuehak retal chanru nak quixcuy li rahobtesi̱c li Jesucristo xbaneb laj ma̱c. Joꞌcan ajcuiꞌ la̱ex. Checuyak li ra xi̱cꞌ ut incꞌaꞌ chichꞌina̱nk e̱chꞌo̱l saꞌ le̱ pa̱ba̱l.

Li xHu LAJ JOB 17:9

Abanan li ti̱c xchꞌo̱l cau cua̱nk saꞌ lix pa̱ba̱l ut xban nak ti̱c xchꞌo̱l, cauhak rib.

Salmos 40:1

La̱in xincuy roybeninquil intenkꞌanquil riqꞌuin li Ka̱cuaꞌ. Ut aꞌan quirabi nak xinya̱ba lix cꞌabaꞌ.

Apocalipsis 2:3

Ninnau nak nabal li raylal xecꞌul saꞌ incꞌabaꞌ la̱in. Abanan nequecuy xnumsinquil. Ut incꞌaꞌ xchꞌinan e̱chꞌo̱l. Ninnau nak cau nequexcꞌanjelac yal xban inra̱bal la̱in.

Salmos 25:21

At Ka̱cuaꞌ, la̱at ti̱c la̱ chꞌo̱l ut cha̱bilat. China̱col xban nak caꞌaj cuiꞌ a̱cuiqꞌuin ninyoꞌoni.

Salmos 123:2

At Ka̱cuaꞌ, at kaDios, joꞌ nak eb li mo̱s nequeꞌxtzꞌa̱ma xtenkꞌanquil chiruheb lix patrón, joꞌcan nak nakatzꞌa̱ma katenkꞌanquil cha̱cuu la̱at toj retal ta̱cuuxta̱na ku.

Zacarías 10:12

La̱in tinqꞌue xcacuilal xchꞌo̱leb lin tenamit. Ut saꞌ incꞌabaꞌ la̱in teꞌcua̱nk saꞌ xya̱lal. La̱in li Ka̱cuaꞌ ninyehoc re aꞌin.

2 Corintios 4:1

Yal xban rusilal li Dios nak quixqꞌue ke li cꞌanjel aꞌin re xchꞌolobanquil xya̱lal li acꞌ contrato. Joꞌcan nak incꞌaꞌ nachꞌinan kachꞌo̱l.

Isaías 8:17

Usta quixmuk rib li Ka̱cuaꞌ chiruheb li ralal xcꞌajol laj Jacob, abanan la̱in cau inchꞌo̱l ut cꞌojcꞌo inchꞌo̱l riqꞌuin.

Salmos 92:13

Chanchanakeb li cheꞌ li aubil cuan cuiꞌ lix templo li Dios, li yo̱queb chi atzꞌumac.

1 Ts 1:10

Ut yo̱queb ajcuiꞌ xserakꞌinquil chanru nak yo̱quex chiroybeninquil nak ta̱cha̱lk chak toj saꞌ choxa li Jesucristo li Ralal li Dios, li quicuaclesi̱c cuiꞌchic chi yoꞌyo saꞌ xya̱nkeb li camenak xban li Dios ut aꞌan li ta̱colok ke chiru li rakba a̱tin li ta̱cha̱lk saꞌ kabe̱n.

Jueces 16:28

Laj Sansón quitijoc ut quixye re li Ka̱cuaꞌ: —At nimajcual Dios, chacuil taxak xtokꞌoba̱l cuu ut china̱tenkꞌa taxak. Chaqꞌue taxak inmetzꞌe̱u usta yal jun sut raj chic re nak tinqꞌue re̱kaj chi junaj cua reheb laj filisteo li raylal xeꞌxba̱nu cue nak queꞌrisi li xnakꞌ cuu, chan.

Salmos 92:1

At Ka̱cuaꞌ Dios, kꞌaxal us xqꞌuebal a̱lokꞌal. Takabicha li bich re xlokꞌoninquil a̱cuu, at nimajcual Dios.

Cantares 8:5

¿Ani li yo̱ chak chi cha̱lc saꞌ li chaki chꞌochꞌ kꞌalkꞌo xban li cui̱nk li narahoc re? Rubel xmu li cheꞌ mansana xincuajsi a̱cuu. Saꞌ li naꞌajej aꞌan quiticla xraylal la̱ naꞌ. Saꞌ li naꞌajej aꞌan catyoꞌla.

Apocalipsis 4:7

Li xbe̱n li chanchan ángel, aꞌan chanchan na-iloc jun li cakcoj; li xcab, aꞌan chanchan na-iloc jun li cuacax; li rox, aꞌan cuan xnakꞌ ru chanchan ru jun cui̱nk; ut li xca̱, aꞌan chanchan jun li nimla cꞌuch yo̱ chi xicꞌa̱nc.

Apocalipsis 12:14

Quiqꞌueheꞌ cuib lix xicꞌ li ixk re ta̱rupupik chanchan xxicꞌ li nimla cꞌuch re nak ta̱e̱lelik ut ta̱xic toj saꞌ li chaki chꞌochꞌ saꞌ li naꞌajej ac cauresinbil chokꞌ re bar ma̱cꞌaꞌ cuan. Ut aran ta̱chꞌolani̱k xban li Dios chiru oxib chihab riqꞌuin cuakib po. Ut aran tixmuk rib chiru li cꞌantiꞌ.

Deuteronomio 32:11

Li Ka̱cuaꞌ quitenkꞌan e̱re ut quicꞌamoc be che̱ru joꞌ nak li tꞌiu naxcoleb li cocꞌ ral saꞌ lix soc ut naxcꞌameb saꞌ xbe̱n lix xicꞌ nak toj ma̱jiꞌ nequeꞌxnau rupupic.

Isaías 41:1

Li Dios naxye: —Ex tenamit li cuanquex chire li palau, cherabihak li oc cue chixyebal. Cauresihomak e̱rib ut xaklinkex chicuu. A̱tinankex re xcolbal e̱rib ut kacꞌu̱bak ru saꞌ comonil saꞌ li rakleb a̱tin.

Isaías 64:4

Ma̱ jun sut qui-abi̱c chi moco qui-ileꞌ junak chic Dios li natenkꞌan reheb li nequeꞌxcꞌojob xchꞌo̱l riqꞌuin. Caꞌaj cuiꞌ la̱at li tzꞌakal Dios.

Jeremías 48:15

Eb li tenamit Moab ut eb li cristian teꞌsachekꞌ ruheb. Eb li sa̱j cui̱nk li sicꞌbileb ru camsinbilakeb chi chꞌi̱chꞌ nak teꞌosokꞌ, chan li tzꞌakal Rey, li “Nimajcual Dios” xcꞌabaꞌ.

Deuteronomio 33:25

Li oqueba̱l re lix tenamit yi̱banbilakeb riqꞌuin bronce ut hierro. Ut junelic cua̱nkeb xmetzꞌe̱u joꞌ najtil yoꞌyo̱keb.

Josué 14:11

Abanan lin metzꞌe̱u toj cuan ajcuiꞌ anakcuan joꞌ saꞌ li cutan aꞌan nak quinixtakla laj Moisés chixqꞌuebal retal li naꞌajej. Chanru lin metzꞌe̱u saꞌ li cutan aꞌan, joꞌcan ajcuiꞌ xcacuilal inmetzꞌe̱u anakcuan. Toj cau cuib re xic chi pletic, malaj ut re xba̱nunquil li cꞌaꞌru tincuaj.

Salmos 20:9

At Ka̱cuaꞌ, chatenkꞌa taxak li rey re nak aꞌan ta̱numta̱k saꞌ xbe̱neb li xicꞌ nequeꞌiloc re. Chasume taxak li cꞌaꞌru nakatzꞌa̱ma cha̱cuu.

Salmos 84:8

Chacuabi taxak lin tij, at nimajcual Dios. China̱sume taxak, at inDios. La̱at li Dios li catxlokꞌoni laj Jacob.

Proverbios 30:19

Incꞌaꞌ nintau ru chanru nak narupupic li cꞌuch chiru choxa, chi moco nintau ru chanru nak naxquelo rib li cꞌantiꞌ chiru li pec, chi moco nintau ru chanru nak nequeꞌbe̱c li ni̱nki jucub chiru li palau. Ut incꞌaꞌ nintau ru cꞌaꞌut nak naxic xchꞌo̱l junak cui̱nk chirix junak ixk.

Isaías 30:15

Ut quixye ajcuiꞌ li Ka̱cuaꞌ li Dios Santo li nequeꞌxlokꞌoni eb laj Israel: —Sukꞌinkex cuiqꞌuin. Cꞌojobomak le̱ chꞌo̱l cuiqꞌuin ut texcolekꞌ. Cui la̱ex tex-oybeni̱nk cuiqꞌuin, te̱tau le̱ cacuilal, chan li Dios. Abanan la̱ex incꞌaꞌ queraj.