Isaías 40:30 - Li Santil hu

³⁰ Usta toj sa̱jeb, nequeꞌlub. Ut li cauheb rib nalaj lix metzꞌe̱uheb ut nequeꞌtꞌaneꞌ.

Q'eqchi Bible

³⁰ Neke'tawaak ut neke'lub'k eb' li saaj winq, neke'lub'k ut neke't'ane'k eb' li kaweb' rib';

Isaías 40:30 ပူးပေါင်းရင်းမြစ်များ

Amós 2:14

Ma̱ ani ta̱ru̱k ta̱e̱lelik chicuu. Li kꞌaxal cau naa̱linac incꞌaꞌ ta̱ru̱k ta̱e̱lelik chicuu. Li kꞌaxal cau rib tixsach lix cacuilal ut li cau xchꞌo̱l chi pletic incꞌaꞌ ta̱ru̱k tixcol rib.

Salmos 34:10

Li nequeꞌxye nak cauheb rib xjuneseb chanchaneb li cakcoj. Eb aꞌan teꞌraj ru cuaꞌac xban nak teꞌtzꞌoca̱k. Abanan li nequeꞌxtzꞌa̱ma xtenkꞌanquil chiru li Dios, aꞌan incꞌaꞌ napaltoꞌ li cꞌaꞌru us chiruheb.

Salmos 33:16

Li acuabej re li ruchichꞌochꞌ ma̱ jokꞌe ta̱colekꞌ yal xbaneb lix soldados. Ut li cau rib incꞌaꞌ tixcol rib yal riqꞌuin xmetzꞌe̱u xjunes rib.

Eclesiastés 9:11

Cuan jun chic xinqꞌue retal saꞌ ruchichꞌochꞌ nak ma̱cuaꞌeb li kꞌaxal se̱beb li nequeꞌe̱chanin re li ma̱tan saꞌ li a̱linac, chi moco eb li cauheb rib li nequeꞌnumta saꞌ li ple̱t. Ut eb li cuanqueb xnaꞌleb incꞌaꞌ nequeꞌxtau xtzacae̱mkeb yal xban nak cuanqueb xnaꞌleb. Ut eb li se̱beb xchꞌo̱l incꞌaꞌ nequeꞌbiomoꞌ yal xban nak se̱beb xchꞌo̱l. Ut eb li tzolbileb moco rajlal ta nequeꞌcꞌuleꞌ saꞌ usilal. Chixjunil aꞌin moco nequeꞌxnau ta jokꞌe teꞌxcꞌul li chꞌaꞌajquilal.

Isaías 13:18

Riqꞌuin lix tzimaj telajeꞌxcamsiheb li cui̱nk li toj sa̱jeb. Incꞌaꞌ teꞌril xtokꞌoba̱l ruheb li cocꞌal chi moco teꞌril xtokꞌoba̱l ruheb li cꞌulaꞌal.

Isaías 9:17

Joꞌcan nak incꞌaꞌ quixtokꞌoba ruheb li sa̱j cui̱nk li Ka̱cuaꞌ, chi moco quiril xtokꞌoba̱l ruheb li nebaꞌ ut eb li xma̱lcaꞌan. Chixjunileb li tenamit incꞌaꞌ useb xnaꞌlebeb. Incꞌaꞌ nequeꞌxqꞌue xcuanquil li Ka̱cuaꞌ. Junes ma̱usilal nequeꞌxye. Joꞌcan nak li Dios toj ma̱jiꞌ nanumeꞌ xjoskꞌil saꞌ xbe̱neb. Toj tixqꞌue chixtojbal xma̱queb li tenamit.

Jeremías 6:11

Cꞌajoꞌ lin joskꞌil saꞌ xbe̱neb joꞌ la̱ joskꞌil la̱at, at Ka̱cuaꞌ. Incꞌaꞌ chic nincuy, chanquin re. Ut li Ka̱cuaꞌ quixye cue: —Isi la̱ joskꞌil saꞌ xbe̱neb li cocꞌal li cuanqueb saꞌ be ut saꞌ xbe̱neb li sa̱j al li nequeꞌxchꞌutub ribeb. Eb li be̱lomej teꞌcꞌamekꞌ chi pre̱xil rochbeneb li rixakil joꞌ eb ajcuiꞌ li ti̱xeb.

Salmos 39:5

Cha̱cuu la̱at caꞌchꞌin ajcuiꞌ lin yuꞌam arin saꞌ ruchichꞌochꞌ. Lin yuꞌam chanchan li ma̱cꞌaꞌ cha̱cuu. Jun jikꞌoc ajcuiꞌ. Moco nim ta cuan cuiꞌ lin yuꞌam.

Jeremías 9:21

Li ca̱mc xchal saꞌ kabe̱n. Chanchan nak x-oc saꞌ li kaventana. Chanchan nak x-oc saꞌ eb li cab li cauresinbil chi us re takacol cuiꞌ kib. Queꞌcamsi̱c li cocꞌal saꞌ be ut queꞌcamsi̱c li cui̱nk li toj sa̱jeb saꞌ eb li cꞌayiba̱l.

Jeremías 48:15

Eb li tenamit Moab ut eb li cristian teꞌsachekꞌ ruheb. Eb li sa̱j cui̱nk li sicꞌbileb ru camsinbilakeb chi chꞌi̱chꞌ nak teꞌosokꞌ, chan li tzꞌakal Rey, li “Nimajcual Dios” xcꞌabaꞌ.

1 Samuel 30:10

aran queꞌcana cuib ciento li cui̱nk xban nak queꞌlub chi numecꞌ saꞌ li nimaꞌ. Ut li ca̱hib ciento chic queꞌco̱eb chirix laj David.