Isaías 40:23 - Li Santil hu

²³ Naxcubsi xcuanquileb li ni̱nkeb xcuanquil ut naxcanabeb chi ma̱cꞌaꞌ nequeꞌoc cuiꞌ li nequeꞌtaklan saꞌ ruchichꞌochꞌ.

Q'eqchi Bible

²³ Li Qaawa' naxjuk' xwankileb' li xninqal ru winq, ut eb' li neke'awab'ejink sa' ruuchich'och' naxsacheb' ru.

Isaías 40:23 ပူးပေါင်းရင်းမြစ်များ

Salmos 107:40

Li Dios quichal xjoskꞌil saꞌ xbe̱neb li yo̱queb chi rahobtesi̱nc reheb lix tenamit ut quixqꞌueheb chixbeninquil ribeb yalak bar ut incꞌaꞌ nequeꞌxtau bar nequeꞌxic.

Li xHu LAJ JOB 12:21

Li Dios naxba̱nu nak incꞌaꞌ chic teꞌqꞌuehekꞌ xlokꞌal li cuanqueb saꞌ xcuanquil. Ut eb li cauheb rib ma̱cꞌaꞌak chic xmetzꞌe̱uheb.

Isaías 34:12

Incꞌaꞌ chic ta̱cua̱nk rey chi takla̱nc saꞌ li naꞌajej aꞌan. Ut chixjunileb li cuanqueb xcuanquil ma̱cꞌaꞌakeb chic.

Isaías 23:9

Li Ka̱cuaꞌ li nimajcual Dios, aꞌan li quicꞌu̱ban ru xba̱nunquil li raylal re li tenamit Tiro re nak ta̱cubsi̱k xcuanquileb li kꞌetkꞌeteb. Ta̱isi̱k xlokꞌaleb li nequeꞌqꞌueheꞌ xlokꞌal yalak bar saꞌ ruchichꞌochꞌ.

Salmos 76:12

Qꞌuehomak xlokꞌal xban nak aꞌan li na-isin re xyuꞌameb li cuanqueb saꞌ xcuanquil. Eb li rey li cuanqueb saꞌ ruchichꞌochꞌ nequeꞌxucuac chiru xban nak kꞌaxal nim xcuanquil.

Isaías 5:21

Raylal ta̱cha̱lk saꞌ e̱be̱n la̱ex li nequeye nak cuan e̱naꞌleb e̱junes e̱rib ut la̱ex li se̱b e̱chꞌo̱l nak nequecꞌoxla e̱rib.

Amós 2:3

Tincuisi chiruheb li tenamit lix reyeb ut tincamsi rochbeneb li nequeꞌcꞌanjelac chiru, chan li Ka̱cuaꞌ.

Li xHu LAJ JOB 12:19

Li Dios naxcubsi xcuanquileb laj tij joꞌqueb ajcuiꞌ li cuanqueb saꞌ xcuanquil.

Isaías 2:11

Ta̱cubsi̱k xcuanquileb li nequeꞌxnimobresi ribeb. Ut teꞌcubsi̱k xcuanquileb li kꞌetkꞌeteb. Saꞌ eb li cutan aꞌan caꞌaj cuiꞌ li nimajcual Dios nimak xcuanquil.

Isaías 2:12

Saꞌ eb li cutan aꞌan li Ka̱cuaꞌ li kꞌaxal nim xcuanquil ta̱rakok a̱tin saꞌ xbe̱neb li nequeꞌrecꞌa nak ni̱nkeb xcuanquil. Ta̱risi xcuanquileb li nequeꞌxnimobresi ribeb ut eb li nequeꞌxkꞌetkꞌeti ribeb.