Isaías 40:22 - Li Santil hu

²² Li Dios cuan chak toj saꞌ choxa. Ut eb li cristian saꞌ ruchichꞌochꞌ chanchaneb laj sa̱cꞌ chiru li Dios. Li Dios naxhel ru li choxa. Chanchan jun li muheba̱l nequeꞌcuan cuiꞌ li cristian.

Q'eqchi Bible

²² K'ojk'o chaq li Yos sa' xb'een li ruuchich'och', ut eb' li poyanam li wankatqeb' chisa' kama'eb' laj saak'. A'an xhelok re li choxa jo' junaq t'ilkem, ut xkupu ru jo' junaq muheb'aal re hilank chisa'.

Isaías 40:22 ပူးပေါင်းရင်းမြစ်များ

Salmos 104:2

Numtajenak la̱ lokꞌal. La̱at li cutan saken. La̱at cayi̱b li choxa chanchan nak cahel jun li tꞌicr.

Isaías 42:5

Li Ka̱cuaꞌ li quiyi̱ban re li choxa ut quixhel ru, li quiyi̱ban re li ruchichꞌochꞌ ut chixjunil li cuan chiru, li quiyoꞌobtesin reheb li tenamit ut quixqꞌue xyuꞌameb naxye chi joꞌcaꞌin re laj cꞌanjel chiru:

Proverbios 8:27

Li cha̱bil naꞌleb ac cuan ajcuiꞌ chak nak toj ma̱jiꞌ queꞌyi̱ba̱c li choxa li cuan takecꞌ saꞌ xbe̱n li ruchichꞌochꞌ ut li palau.

Isaías 66:1

Aꞌan aꞌin li naxye li Ka̱cuaꞌ li nimajcual Dios: —Li choxa, aꞌan lin cꞌojariba̱l ut li ruchichꞌochꞌ, aꞌan xnaꞌaj li cuok. ¿Ma naru ta biꞌ te̱yi̱b jun li ochoch re tincua̱nk cuiꞌ? ¿Ma naru ta biꞌ te̱yi̱b innaꞌaj re tinhila̱nk cuiꞌ?

Jeremías 10:12

Li Ka̱cuaꞌ Dios, aꞌan li quiyi̱ban re li ruchichꞌochꞌ riqꞌuin xnimal xcuanquil. Riqꞌuin lix naꞌleb quixyi̱b li ruchichꞌochꞌ saꞌ xnaꞌaj ut quixyi̱b ajcuiꞌ li choxa.

Isaías 40:17

Chiru li Ka̱cuaꞌ ma̱cꞌaꞌ nequeꞌoc cuiꞌ li xni̱nkal ru tenamit. Chi ti̱c ma̱cꞌaꞌ nequeꞌoc cuiꞌ.

Salmos 68:33

Cheqꞌuehak xlokꞌal li Ka̱cuaꞌ li quicꞌamoc be saꞌ chok chiruheb lix tenamit junxil. Cherabihak li cꞌaꞌru naxye li Ka̱cuaꞌ li quia̱tinac chi cau xya̱b xcux riqꞌuin xnimal xcuanquil.

Li xHu LAJ JOB 22:14

La̱at nacacꞌoxla nak li chok naramoc re chiru li Dios xnaubal li ma̱c li na-uxman. Abanan li Dios cuan yalak bar ut naxnau chixjunil li cꞌaꞌru na-uxman.

Li xHu LAJ JOB 9:8

Ma̱ ani quitenkꞌan re nak quixyi̱b li choxa. Ut aꞌan ajcuiꞌ yal re saꞌ xbe̱n li palau.

Isaías 51:13

¿Cꞌaꞌut nak ninsach saꞌ a̱chꞌo̱l la̱in li Ka̱cuaꞌ li quinyoꞌobtesin a̱cue? La̱in li quinyi̱ban re li choxa ut chixjunil li cuan chiru ut la̱in ajcuiꞌ li quinyi̱ban re li ruchichꞌochꞌ ut quinqꞌue saꞌ xnaꞌaj. ¿Cꞌaꞌut nak junelic yo̱ a̱xiu xbaneb li nequeꞌrahobtesin a̱cue? ¿Cꞌaꞌut nak nacaxucuaheb li nequeꞌraj a̱sachbal? Eb aꞌan ma̱cꞌaꞌ naru teꞌxba̱nu a̱cue.

Isaías 44:24

Aꞌan aꞌin li quixye li Ka̱cuaꞌ: —La̱in li Ka̱cuaꞌ laj Colol e̱re. La̱in quinyoꞌobtesin e̱re nak toj ma̱jiꞌ nequexyoꞌla. La̱in li Ka̱cuaꞌ. La̱in quinyi̱ban re chixjunil li cꞌaꞌru cuan. La̱in quinyi̱b li choxa ut quinhel ru. Ma̱ ani quitenkꞌan cue nak quinyi̱b li ruchichꞌochꞌ.

Isaías 40:15

Chiru li Ka̱cuaꞌ eb li xni̱nkal ru tenamit ma̱cꞌaꞌ nequeꞌoc cuiꞌ. Chanchaneb jun tzꞌukul chi haꞌ malaj ut chanchan li poks li na-osoꞌ. Ma̱cꞌaꞌ na-oc cui. Ut eb li chꞌochꞌ li sutsu saꞌ haꞌ naxqꞌue chi sachc.

Salmos 2:4

Abanan li Ka̱cuaꞌ Dios, toj saꞌ choxa naseꞌec xban li cꞌaꞌru nequeꞌxcꞌoxla xba̱nunquil.

Números 13:33

Ut queꞌkil ajcuiꞌ chak li ni̱nki cui̱nk li ralal xcꞌajol laj Anac. La̱o chanchano laj sa̱cꞌ nak nocoeꞌril eb aꞌan xban nak kꞌaxal cocꞌo chiruheb, chanqueb.

Zacarías 12:1

Li Ka̱cuaꞌ li kꞌaxal nim xcuanquil li quiyi̱ban re li choxa ut quixakaban re li ruchichꞌochꞌ saꞌ xnaꞌaj, li quiqꞌuehoc xmusikꞌ li cui̱nk, aꞌan li xyehoc re aꞌin chirix li tenamit Israel:

Salmos 29:10

Li Ka̱cuaꞌ aꞌan li cuan xcuanquil saꞌ xbe̱n li butꞌi haꞌ, ut aꞌan li tzꞌakal rey li nataklan chi junelic.

Li xHu LAJ JOB 36:29

Ma̱ ani naxtau ru chanru nak nabe̱c li chok chiru choxa. Ut ma̱ ani ajcuiꞌ naxtau ru cꞌaꞌut nak namok li ca̱k saꞌ li choxa.

Isaías 19:1

Aꞌan aꞌin li resil li cꞌaꞌru tixcꞌul li tenamit Egipto. Li Ka̱cuaꞌ ta̱cha̱lk Egipto saꞌ junpa̱t saꞌ jun li chok. Li Dios tixqꞌueheb chi ecꞌa̱nc saꞌ xnaꞌajeb lix dioseb laj Egipto. Cꞌajoꞌ nak ta̱oc xxiuheb laj Egipto.

Li xHu LAJ JOB 37:18

¿Ma xatenkꞌa ta biꞌ li Dios chixyi̱banquil li choxa? Ut, ¿ma xatenkꞌa ta biꞌ chixyi̱banquil chi chꞌinaꞌus joꞌ li chꞌi̱chꞌ li nalemtzꞌun?

Génesis 1:6

Ut li Dios quixye: —Chicua̱nk li choxa re tixjach li haꞌ li cuan takꞌa riqꞌuin li cuan takecꞌ.— Ut quicꞌulman joꞌ quixye li Dios.

Salmos 18:11

Li Ka̱cuaꞌ quixmuk rib saꞌ li kꞌeki chok li nacꞌamoc chak re li hab.

Salmos 19:4

Saꞌ chixjunil li ruchichꞌochꞌ jun sut rubel choxa na-ilman xlokꞌal li Dios. Li Dios quixqꞌue li sakꞌe saꞌ choxa.

Isaías 37:16

—At nimajcual Dios, la̱at lix Dioseb laj Israel. Cuancat saꞌ xyiheb li querubines. Caꞌaj cuiꞌ la̱at li tzꞌakal Dios. La̱at cuan a̱cuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. La̱at catyi̱ban re li choxa ut li ruchichꞌochꞌ.

Li xHu LAJ JOB 26:7

Li Dios quixyi̱b li choxa saꞌ xnaꞌaj chi ma̱cꞌaꞌ nachapoc re. Joꞌcan ajcuiꞌ li ruchichꞌochꞌ. Quixyi̱b saꞌ xnaꞌaj chi ma̱cꞌaꞌ nacu̱tun re.

Isaías 42:4

Aꞌan incꞌaꞌ ta̱lubk chi moco ta̱chꞌina̱nk xchꞌo̱l toj retal tixxakab li ti̱quilal saꞌ ruchichꞌochꞌ. Ut chixjunileb li tenamit riqꞌuin aꞌan teꞌyoꞌoni̱nk.