Isaías 40:20 - Li Santil hu

²⁰ Li nebaꞌ naxsicꞌ li cheꞌ li incꞌaꞌ nakꞌumetoꞌ ut naxsicꞌ laj pechꞌ li naxnau xcꞌanjelanquil li cheꞌ re nak tixyi̱b lix jalam u̱ch li incꞌaꞌ na-ecꞌan saꞌ xnaꞌaj.

Q'eqchi Bible

²⁰ Naq junaq neb'a' namayejak, naxsik' junaq che' li ink'a' naq'aak, ut chirix a'an naxsik' junaq chaab'il aj peech' re naq tixyiib' junaq xjalam u li ink'a' taa'eek'anq sa' xna'aj.

Isaías 40:20 ပူးပေါင်းရင်းမြစ်များ

Isaías 46:7

Nequeꞌxpako saꞌ xbe̱n xtel ut nequeꞌxxakab saꞌ xnaꞌaj. Incꞌaꞌ naru ta̱e̱lk saꞌ li naꞌajej aꞌan. Usta li cristian teꞌxjap reheb chixtzꞌa̱manquil xtenkꞌanquil, abanan lix dios incꞌaꞌ tixsume. Lix dioseb incꞌaꞌ naru tixcoleb chiru li raylal li cuanqueb cuiꞌ.

Isaías 41:7

Laj pechꞌ quixqꞌue xcacuil xchꞌo̱l laj tenol plata. Ut li nati̱cobresin re li cheꞌ naxye re laj yi̱bom chꞌi̱chꞌ, “Us xeba̱nu. Anakcuan te̱letz ut te̱chap riqꞌuin li claux re nak li yi̱banbil dios incꞌaꞌ ta̱tꞌanekꞌ.”

Daniel 5:23

Xakꞌetkꞌeti ban a̱cuib chiru li Ka̱cuaꞌ cuan saꞌ choxa. Xatakla xcꞌambal li secꞌ li quicꞌanjelac saꞌ lix templo li Dios ut xerocsi saꞌ le̱ ninkꞌe. La̱at xat-ucꞌac vino chi saꞌ chiruheb li nequeꞌcꞌanjelac cha̱cuu, joꞌqueb ajcuiꞌ la̱ cuixakil ut eb la̱ concubina. Ut xalokꞌoni ajcuiꞌ li jalanil dios yi̱banbil riqꞌuin plata, oro, bronce, hierro, cheꞌ ut pec. Xaqꞌueheb xlokꞌal li yi̱banbil dios li ma̱cꞌaꞌeb xnaꞌleb, li incꞌaꞌ nequeꞌiloc chi moco nequeꞌabin. Ut incꞌaꞌ xaqꞌue xlokꞌal li tzꞌakal Dios. Aꞌan li naqꞌuehoc la̱ yuꞌam ut aꞌan li yal re saꞌ a̱be̱n.

Isaías 44:12

Junak laj tenol chꞌi̱chꞌ naxqꞌue lix chꞌi̱chꞌ saꞌ xam re tixyi̱b li cꞌaꞌru naraj. Riqꞌuin xmetzꞌe̱u naxten chi martillo. Abanan cui incꞌaꞌ ta̱tzaca̱nk, ta̱lajk lix metzꞌe̱u. Cui incꞌaꞌ ta̱ucꞌak, incꞌaꞌ chic tixcuy cꞌanjelac.

Daniel 5:4

Queꞌucꞌac vino ut queꞌxlokꞌoniheb li dios yi̱banbil riqꞌuin oro, plata, bronce, chꞌi̱chꞌ, cheꞌ ut pec.