Isaías 40:19 - Li Santil hu

¹⁹ Laj yi̱bom chꞌi̱chꞌ naxyi̱b li jalam u̱ch ut eb laj yi̱bom plata nequeꞌxletz li oro chirix ut nequeꞌxqꞌue lix sahob ru riqꞌuin cadena yi̱banbil riqꞌuin plata.

Q'eqchi Bible

¹⁹ Ink'a' naru xjuntaq'eetankil rik'in li jalam u naxyiib' junaq aj tenol ch'iich', ut laj pak'onel naruutz'u'uji rik'in oor ut naxyiib'atq xkareen plaat re xk'eeb'al chi xkux.

Isaías 40:19 ပူးပေါင်းရင်းမြစ်များ

Jeremías 10:9

Nequeꞌxcꞌam chak li plata toj Tarsis ut nequeꞌxcꞌam chak lix oro aran Ufaz. Ut eb li cui̱nk nequeꞌxletz chiru lix dioseb li queꞌxyi̱b. Ut nequeꞌxqꞌue rakꞌeb azul ut púrpura yi̱banbil xbaneb li nequeꞌxnau cꞌanjelac chi us.

Jueces 17:4

Laj Micaía quixqꞌue li tumin re lix naꞌ. Ut lix naꞌ quixqꞌue cuib ciento li tumin plata re jun aj tenol chꞌi̱chꞌ re nak tixyi̱b lix dios cheꞌ ut tixletz li plata chiru. Ut li yi̱banbil dios aꞌan quiqꞌueheꞌ saꞌ rochoch laj Micaía.

Oseas 8:6

Aꞌan moco dios ta. Yal yi̱banbil xban jun laj tenol chꞌi̱chꞌ re Israel. Li cuacax oro li nequeꞌxlokꞌoni aran Samaria ta̱puqꞌui̱k.

Isaías 2:20

Nak ta̱cꞌulma̱nk aꞌin, eb li cristian teꞌxcut chi najt lix dioseb yi̱banbil riqꞌuin plata ut oro. Teꞌxcut chiruheb li chꞌo ut li tzꞌu̱m xicꞌ lix dioseb li queꞌxyi̱b eb aꞌan re teꞌxlokꞌoni.

Salmos 135:18

Eb li queꞌyi̱ban reheb li jalanil dios aꞌin, chanchaneb ajcuiꞌ lix dios li queꞌxyi̱b. Ut eb li nequeꞌxcꞌojob xchꞌo̱l riqꞌuin li yi̱banbil dios, chanchaneb ajcuiꞌ lix dios li nequeꞌxlokꞌoni.

Salmos 135:15

Eb li dios li nequeꞌxlokꞌoni li jalaneb xtenamit, aꞌan yal yi̱banbil riqꞌuin plata ut oro. Yi̱banbil xbaneb li cui̱nk.

Isaías 2:8

Lix tenamit laj Israel numtajenak chi yi̱banbil dios. Li cuanqueb aran nequeꞌxlokꞌoni li jalanil dios, li yal yi̱banbil riqꞌuin ukꞌej. Nequeꞌxcuikꞌib ribeb chiruheb li dios li nequeꞌxyi̱b riqꞌuin rukꞌeb.

Isaías 30:22

La̱ex incꞌaꞌ chic te̱raj le̱ yi̱banbil dios li qꞌuebil plata ut oro chirixeb. Te̱tzꞌekta̱naheb joꞌ li mul. Ut te̱ye: —Incꞌaꞌ chic nakaj rilbaleb, chaꞌakex.

Daniel 5:4

Queꞌucꞌac vino ut queꞌxlokꞌoniheb li dios yi̱banbil riqꞌuin oro, plata, bronce, chꞌi̱chꞌ, cheꞌ ut pec.