Isaías 40:17 - Li Santil hu

¹⁷ Chiru li Ka̱cuaꞌ ma̱cꞌaꞌ nequeꞌoc cuiꞌ li xni̱nkal ru tenamit. Chi ti̱c ma̱cꞌaꞌ nequeꞌoc cuiꞌ.

Q'eqchi Bible

¹⁷ Chiru li Qaawa' chixjunileb' li tenamit sa' ruuchich'och' chanchan naq maak'a'eb'; maak'a' neke'ok wi', tik maak'a'eb' aj e.

Isaías 40:17 ပူးပေါင်းရင်းမြစ်များ

Salmos 62:9

Li cristian ma̱cꞌaꞌ nequeꞌoc cuiꞌ. Usta cuanqueb xcuanquil, usta ma̱cꞌaꞌeb xcuanquil ma̱cꞌaꞌ nequeꞌoc cuiꞌ. Nak ta̱rakekꞌ a̱tin saꞌ xbe̱neb, aran ta̱cꞌutu̱nk nak chixjunileb juntakꞌe̱teb. Chanchan nak nabiseꞌ junak cꞌaꞌ re ru incꞌaꞌ a̱l. Na-apu̱c xban li ikꞌ.

Isaías 29:7

Ut chixjunileb li tenamit li yo̱queb chi pletic riqꞌuineb laj Jerusalén joꞌ eb li nequeꞌrahobtesin reheb telajeꞌosokꞌ. Chanchanakeb li matcꞌ malaj ut jun li visión chiru kꞌojyi̱n li yal nanumeꞌ.

2 Corintios 12:11

Chanchan nak ma̱cꞌaꞌ innaꞌleb nak ninserakꞌi e̱re chixjunil li xincꞌul. Incꞌaꞌ raj xinye e̱re. Abanan e̱ban la̱ex nak xinba̱nu xban nak la̱ex incꞌaꞌ nequeqꞌue incuanquil chokꞌ apóstol. La̱ex raj li xexqꞌuehoc incuanquil. Moco cubenak ta incuanquil la̱in chiruheb li nequeꞌxqꞌue rib chokꞌ apóstol usta ma̱cꞌaꞌ incuanquil injunes.

Li xHu LAJ JOB 25:6

Cui eb aꞌan incꞌaꞌ nequeꞌxtau xlokꞌal li Dios, ¿ma tojaꞌ ta chic li cui̱nk tixtau xlokꞌal li Dios? Aꞌan saꞌ ruchichꞌochꞌ quiyoꞌla. Chanchan li motzoꞌ, chan laj Bildad.

Isaías 2:22

Me̱cꞌojob e̱chꞌo̱l saꞌ xbe̱neb li cristian xban nak eb aꞌan ma̱cꞌaꞌ nequeꞌoc cuiꞌ. Moco najt ta nequeꞌcuan. ¿Cꞌaꞌru aj e nak te̱qꞌueheb xlokꞌal?

Salmos 62:10

Me̱cꞌojob e̱chꞌo̱l saꞌ xbe̱n li pletic. Ut me̱cꞌoxla nak yal riqꞌuin elkꞌac te̱tau li tzꞌakal biomal. Usta cuan cꞌaꞌru e̱re, abanan me̱cꞌojob e̱chꞌo̱l saꞌ xbe̱n.

Daniel 4:32

—Tat-isi̱k saꞌ xya̱nkeb li tenamit ut saꞌ pim chic tatcua̱nk saꞌ xya̱nkeb li xul. Cuukub chihab ta̱cuaꞌ li pim joꞌqueb li bo̱yx. Tatcua̱nk saꞌ pim toj ta̱qꞌue retal nak li nimajcual Dios, aꞌan li kꞌaxal nim xcuanquil saꞌ xbe̱neb li cuanqueb xcuanquil saꞌ ruchichꞌochꞌ. Ut aꞌan naxqꞌue xcuanquil li ani naraj xqꞌuebal xcuanquil, chan li ángel.