Isaías 40:10 - Li Santil hu

¹⁰ Li Ka̱cuaꞌ Dios ta̱cha̱lk riqꞌuin xnimal xcuanquil ut aꞌan chic ta̱takla̱nk saꞌ xbe̱n chixjunil. Ut tixcꞌam chak lix kꞌajca̱munquileb li ac xcoleb.

Q'eqchi Bible

¹⁰ K'ehomaq reetal, yo chi chalk li Qaawa' rik'in xnimal xwankil: chixjunil wank rub'el roq rub'el ruq'! K'ehomaq reetal, rochb'een chaq li xtojb'al ut k'amol b'e chaq chiru li q'ajkamunk.

Isaías 40:10 ပူးပေါင်းရင်းမြစ်များ

Apocalipsis 22:12

—Qꞌuehomak retal, chan li Jesús. —La̱in chi se̱b tincha̱lk ut tincꞌam chak le̱ kꞌajca̱munquil. Tinqꞌue xkꞌajca̱munquil li junju̱nk aꞌ yal chanru lix yehom xba̱nuhom.

Isaías 62:11

Li Ka̱cuaꞌ quixye reheb chixjunileb li cuanqueb saꞌ ruchichꞌochꞌ: —Yehomak reheb li cuanqueb Sión nak li Ka̱cuaꞌ ta̱cha̱lk chixcolbaleb. Ut tixcꞌam chak lix kꞌajca̱munquileb li ac xcoleb.

Apocalipsis 17:14

Eb li rey teꞌpletik riqꞌuin li Jun li chanchan carner. Abanan aꞌan ta̱numta̱k saꞌ xbe̱neb xban nak aꞌan li Ka̱cuaꞌ, li kꞌaxal nim xcuanquil saꞌ xbe̱n chixjunil. Ut aꞌan li tzꞌakal rey li nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Ut li sicꞌbileb ru, li ti̱queb xchꞌo̱l chixta̱kenquil, teꞌnumta̱k ajcuiꞌ saꞌ xbe̱neb li rey, rochbeneb li Jun li chanchan carner.—

San Mateo 28:18

Li Jesús quinachꞌoc riqꞌuineb ut quixye reheb: —Chixjunil li cuanquil qꞌuebil cue xban li Dios, joꞌ saꞌ choxa joꞌ saꞌ ruchichꞌochꞌ.

Isaías 49:4

Abanan la̱in quincꞌoxla nak yo̱quin chi cꞌanjelac chi ma̱cꞌaꞌ rajbal. Saꞌ inchꞌo̱l la̱in nak yo̱quin chixchoybal inmetzꞌe̱u chi ma̱cꞌaꞌ aj e. Abanan, li Dios naxnau ma us ma incꞌaꞌ us li yo̱quin chixba̱nunquil. Aꞌan ta̱qꞌuehok re lin kꞌajca̱munquil.

Isaías 59:15

Ma̱cꞌaꞌ chic ti̱quilal. Li ani naraj cua̱nc saꞌ ti̱quilal, nequeꞌxba̱nu raylal re. Li Ka̱cuaꞌ incꞌaꞌ quicuulac chiru li cꞌaꞌru queꞌxba̱nu xban nak incꞌaꞌ chic nequeꞌcuan saꞌ ti̱quilal.

1 Juan 3:8

Li ani yo̱ chi ma̱cobc, aꞌan re laj tza xban nak laj tza aꞌan aj ma̱c chalen chak saꞌ xticlajic li ruchichꞌochꞌ. Aꞌan aj e nak col-e̱lk li Ralal li Dios re xsachbal xcꞌanjel laj tza.

San Juan 12:15

Mexxucuac la̱ex li cuanquex Sión xban nak yo̱ chak chi cha̱lc le̱ rey. Chirix jun ral bu̱r yo̱ chak chi cha̱lc. (Zac. 9:9)

Salmos 110:6

Li Ka̱cuaꞌ ta̱rakok a̱tin saꞌ xbe̱neb chixjunileb li tenamit. Nabaleb li teꞌcamsi̱k ut teꞌcanaba̱k aran. Ut tixsach ruheb li nequeꞌcꞌamoc be saꞌ li xni̱nkal ru tenamit yalak bar saꞌ ruchichꞌochꞌ.

Hebreos 2:14

Ya̱l nak la̱o ut li Jesucristo junaj li kachoxahil Yucuaꞌ. Li Jesucristo quitzꞌejcualoꞌ joꞌ la̱o. Quicuan xquiqꞌuel. Quicuan xbakel ut xtibel. Li Jesucristo quicam. Riqꞌuin lix camic, li Ka̱cuaꞌ Jesucristo quixsach xcuanquil laj tza, xban nak saꞌ xcꞌabaꞌ laj tza nak cuan li ca̱mc.

San Juan 12:13

Quilajeꞌxcꞌam chak xxak li moco̱ch ut queꞌchal chixcꞌulbal li Jesús. Japjo̱queb re chixyebal: —Lokꞌoninbil taxak li Ka̱cuaꞌ. Osobtesinbil taxak li xchal saꞌ xcꞌabaꞌ li Ka̱cuaꞌ Dios. Osobtesinbil taxak li karey, la̱o aj Israel, chanqueb.

Isaías 53:12

Joꞌcan ut nak saꞌ xya̱nkeb li xni̱nkaleb ru li Dios tixqꞌue lix naꞌaj ut tixqꞌue lix lokꞌal xban nak aꞌan incꞌaꞌ quixra lix yuꞌam. Quixtoj rix lix ma̱queb laj ma̱c nak quixqꞌue rib chi ca̱mc saꞌ xcꞌabaꞌ laj ma̱c. Ut quicam joꞌ nak nequeꞌcam laj ma̱c. Ut quitijoc ut quixtzꞌa̱ma chiru li Dios nak tixcuyeb xma̱c.

Salmos 66:3

Joꞌcaꞌin te̱ye re li Dios: —Sachba chꞌo̱lej rilbal li cꞌaꞌru nacaba̱nu. Xban xnimal la̱ cuanquilal, eb li xicꞌ nequeꞌiloc a̱cue teꞌxcuikꞌib ribeb cha̱cuu.

Apocalipsis 20:11

Ut quicuil jun li saki cꞌojariba̱l. Ut li Jun li chunchu aran kꞌaxal nim xcuanquil. Xban xnimal xcuanquil, ma̱cꞌaꞌ chic li ruchichꞌochꞌ ut ma̱cꞌaꞌ chic li choxa. Queꞌsach chi junaj cua nak quicuil.

Malaquías 3:1

Li Dios quixye: —La̱in tintakla lin takl laj cꞌamol be chicuu. Aꞌan ta̱chꞌoloba̱nk xya̱lal chiruheb li tenamit re nak eb aꞌan yoꞌon cua̱nkeb chixcꞌulbal li Jun li tintakla. Chi se̱b ta̱cha̱lk li Ka̱cuaꞌ li yo̱quex chixsicꞌbal ut ta̱oc saꞌ li templo. Li ani cha̱lc re, aꞌan ta̱xakaba̱nk re xcuanquil li contrato, li yo̱quex chiroybeninquil, chan li Dios.

Isaías 28:2

Qꞌuehomak retal. Li Ka̱cuaꞌ ac xcauresi jun li cui̱nk cuan xmetzꞌe̱u li tixcut saꞌ chꞌochꞌ li tenamit. Chanchan li cacuil hab sakbach xsaꞌ. Chanchan li ca̱k-sut-ikꞌ li naxsach chixjunil. Malaj ut chanchan li butꞌ li naxtzꞌap chixjunil li chꞌochꞌ.

Isaías 33:2

At Ka̱cuaꞌ, chacuuxta̱na taxak ku. La̱at li kayoꞌon. Chaqꞌue taxak xcacuil li kok kukꞌ chi cuulaj cuulaj. Ut choa̱col nak yo̱ko chixcꞌulbal li raylal.

Isaías 51:5

Chi se̱b tinba̱nu li cꞌaꞌru xinye. Chi se̱b tincoleb lin tenamit. La̱in tinrakok a̱tin saꞌ xbe̱neb li tenamit. Eb li xni̱nkal ru tenamit yo̱queb chicuoybeninquil. Teꞌxqꞌue retal lin cuanquil ut cuiqꞌuin teꞌyoꞌoni̱nk.

Isaías 59:16

Li Ka̱cuaꞌ quisach xchꞌo̱l chirilbal nak ma̱ ani natenkꞌan reheb li rahobtesinbileb. Ma̱ ani na-oquen chirixeb. Joꞌcan nak riqꞌuin xcuanquil quixcoleb ut quixxakab xcuanquil li ti̱quilal.

Isaías 59:18

Tixqꞌue re̱kaj reheb li queꞌxba̱nu li ma̱usilal aꞌ yal chanru lix yehom xba̱nuhomeb. Tixqꞌueheb chixtojbal xma̱queb li xicꞌ nequeꞌiloc re usta kꞌaxal najt cuanqueb saꞌ jalan tenamit.

Isaías 63:5

Quicuil nak ma̱ ani natenkꞌan cue. Quisach inchꞌo̱l nak ma̱ jun xtenkꞌan cue. Xban nak yo̱ injoskꞌil, xincacuubresi inchꞌo̱l ut yal injunes xinnumta saꞌ xbe̱neb.

Génesis 15:1

Chanchan matqꞌuec yo̱ laj Abram nak li Dios quixcꞌutbesi rib chiru saꞌ visión. Li Dios quixye re: —Matxucuac, Abram, xban nak la̱in tin-ilok a̱cue. Kꞌaxal numtajenak la̱ kꞌajca̱munquil tinqꞌue, chan li Dios.

Jeremías 31:16

Joꞌcaꞌin quixye li Ka̱cuaꞌ: —Ex ixk, canabomak ya̱bac xban nak li raylal li yo̱quex chixcꞌulbal ta̱cua̱nk xkꞌajca̱munquil. Eb le̱ ralal e̱cꞌajol teꞌe̱lk saꞌ xtenamiteb li xicꞌ nequeꞌiloc reheb ut teꞌsukꞌi̱k cuiꞌchic saꞌ lix naꞌajeb.