Isaías 39:8 - Li Santil hu

⁸ Laj Ezequías quixye re laj Isaías: —Sa rabinquil li ra̱tin li Dios li xaye cue, chan. Quixye chi joꞌcan xban nak quixcꞌoxla nak joꞌ najtil yoꞌyo̱k cꞌojcꞌo̱k xchꞌo̱l ut ta̱cua̱nk saꞌ tuktu̱quil usilal.

Q'eqchi Bible

⁸ Toja' naq laj Esekías kixye re laj Isaías: “Q'axal chaab'il li raatin li Qaawa' xaye we”. Kixye chi jo'kan xb'aan naq kixk'oxla sa' xch'ool: “A' yaal naq taawanq li tuqtuukilal ut li sahilal chiru linyu'am”, chan sa' xch'ool.

Isaías 39:8 ပူးပေါင်းရင်းမြစ်များ

2 Crónicas 32:26

Quiyotꞌeꞌ xchꞌo̱l laj Ezequías ut quixcubsi rib chiru li Ka̱cuaꞌ. Joꞌcan ajcuiꞌ queꞌxba̱nu li cuanqueb Jerusalén. Joꞌcan nak li Ka̱cuaꞌ incꞌaꞌ quixqꞌueheb chixtojbal xma̱queb nak toj yoꞌyo laj Ezequías.

2 Crónicas 34:28

Incꞌaꞌ tintakla li raylal aꞌin saꞌ xbe̱neb laj Jerusalén nak toj cua̱nkat la̱at. Tatca̱mk ut tatmukekꞌ saꞌ xya̱lal saꞌ li naꞌajej li xeꞌmukeꞌ cuiꞌ la̱ xeꞌto̱nil yucuaꞌ,” chan li Dios re li rey. Ut eb li cui̱nk queꞌsukꞌi cuiꞌchic riqꞌuin li rey Josías ut queꞌxye re chixjunil li quixye li Ka̱cuaꞌ.

1 Pedro 5:6

Checubsi biꞌ e̱cuanquil chiru li Dios li kꞌaxal nim xcuanquil re nak li Dios tixnimobresi le̱ cuanquil nak tixtau xkꞌehil.

Zacarías 8:19

—Li ayu̱n li nequeba̱nu rajlal chihab saꞌ xca̱ li po, saꞌ roꞌ li po, saꞌ xcuuk li po ut saꞌ xlaje li po ta̱sukꞌisi̱k chokꞌ ninkꞌe re sahil chꞌo̱lejil chokꞌ e̱re la̱ex li ralal xcꞌajol laj Judá. Joꞌcan nak qꞌuehomak e̱chꞌo̱l chi cua̱nc saꞌ xya̱lal ut saꞌ tuktu̱quil usilal, chan li Ka̱cuaꞌ.

Zacarías 8:16

Aꞌan aꞌin li tento te̱ba̱nu la̱ex. Ya̱l chex-a̱tinak riqꞌuineb le̱ ras e̱ri̱tzꞌin. Ut chexrakok a̱tin saꞌ ti̱quilal ut saꞌ xya̱lal re nak cua̱nk li tuktu̱quil usilal saꞌ e̱ya̱nk.

Lamentaciones 3:39

¿Cꞌaꞌut nak ta̱rahokꞌ xchꞌo̱l li cui̱nk xban li raylal li naxcꞌul, cui aꞌan ajcuiꞌ li yo̱ chi ma̱cobc?

Lamentaciones 3:22

Xban nak junelic naruxta̱na ku li Ka̱cuaꞌ, joꞌcan nak incꞌaꞌ xo-osoꞌ. Junelic naril xtokꞌoba̱l ku.

Salmos 39:9

Incꞌaꞌ tina̱tinak. Ma̱cꞌaꞌ tinye xban nak la̱at xina̱canab chixcꞌulbal li raylal aꞌin.

Li xHu LAJ JOB 1:21

Ut quixye: —Ma̱cꞌaꞌ cuan cue saꞌ li ruchichꞌochꞌ aꞌin nak quinyoꞌla ut ma̱cꞌaꞌ ajcuiꞌ tincꞌam chicuix nak tinca̱mk. Li Ka̱cuaꞌ xqꞌuehoc cue chixjunil li cꞌaꞌru cuan cue ut aꞌan x-isin re chicuu. Lokꞌoninbil taxak xcꞌabaꞌ li Ka̱cuaꞌ, chan.

2 Samuel 15:26

Abanan cui incꞌaꞌ sa saꞌ xchꞌo̱l cuiqꞌuin, chixba̱nuhak cuiqꞌuin joꞌ naraj aꞌan, chan.

1 Samuel 3:18

Joꞌcan nak laj Samuel quixye re chixjunil li quixye li Ka̱cuaꞌ. Ma̱cꞌaꞌ quixmuk chiru. Ut laj Elí quixye: —Li Ka̱cuaꞌ, aꞌan li nimajcual Dios. Chixba̱nu taxak li cꞌaꞌru naxcꞌoxla nak us xba̱nunquil, chan.

Levítico 10:3

Tojoꞌnak laj Moisés quixye re laj Aarón: —Aꞌan aꞌin li quiraj xyebal li Ka̱cuaꞌ nak quixye: “Ta̱cꞌutu̱nk lin santilal chiruheb li ani nequeꞌxba̱nu li cꞌaꞌru ninye. Ut chiruheb chixjunileb li tenamit ta̱qꞌuehekꞌ inlokꞌal.”— Ut laj Aarón incꞌaꞌ quichakꞌoc nak quirabi li cꞌaꞌru quixye.