Isaías 39:7 - Li Santil hu

⁷ Ut cuanqueb ajcuiꞌ la̱ cualal a̱cꞌajol li teꞌcꞌamekꞌ. Eb aꞌan teꞌcua̱nk chokꞌ eunucos saꞌ li rochoch lix reyeb laj Babilonia, chan.

Q'eqchi Bible

⁷ Wanqeb' aawalal, siyanb'ilaqeb' aab'aan, li te'k'ame'q ut te'k'ehe'q chi ilok rochoch li awab'ej re Babilonia»”.

Isaías 39:7 ပူးပေါင်းရင်းမြစ်များ

2 Crónicas 36:10

Saꞌ li sakꞌehil re li chihab aꞌan laj Nabucodonosor lix reyeb laj Babilonia quixtakla xcꞌambal laj Joaquín re ta̱xic Babilonia. Laj Joaquín quicꞌameꞌ rochbeneb li cꞌaꞌak re ru terto xtzꞌak li cuan saꞌ lix templo li Ka̱cuaꞌ. Ut laj Nabucodonosor quixxakab laj Sedequías li rechꞌalal laj Joaquín chokꞌ xreyeb laj Judá ut eb laj Jerusalén.

2 Reyes 24:12

Li rey Joaquín quixkꞌaxtesi rib rubel xcuanquil li rey Nabucodonosor rochben lix naꞌ ut eb li ralal, joꞌ eb ajcuiꞌ li nequeꞌiloc re laj Joaquín ut eb li nequeꞌtenkꞌan re chi takla̱nc. Laj Nabucodonosor quixchapeb ut quixcꞌameb chi pre̱xil. Aꞌin quicꞌulman nak ac yo̱ cuakxakib chihab roquic chokꞌ xreyeb laj Babilonia laj Nabucodonosor.

Jeremías 39:7

Chirix aꞌan queꞌrisi li xnakꞌ ru laj Sedequías ut queꞌxbacꞌ riqꞌuin cadena re teꞌxcꞌam Babilonia.

2 Crónicas 36:20

Chixjunileb li incꞌaꞌ queꞌcamsi̱c, queꞌchapeꞌ ut queꞌcꞌameꞌ Babilonia. Ut aran queꞌcana chokꞌ xmo̱seb li rey ut chokꞌ xmo̱seb li ralal xcꞌajol toj quicuulac xkꞌehil nak eb laj Persia queꞌnumta saꞌ xbe̱neb laj Babilonia.

2 Crónicas 33:11

Joꞌcan nak li Ka̱cuaꞌ quixqꞌueheb li nequeꞌtaklan saꞌ xbe̱neb lix soldados lix reyeb laj Asiria chi numta̱c saꞌ xbe̱neb laj Judá. Queꞌxchap laj Manasés. Queꞌxbacꞌ riqꞌuin chꞌi̱chꞌ li rukꞌ ut li rok ut queꞌxcꞌam aran Babilonia.

2 Reyes 24:15

Quixcꞌam chi pre̱xil li rey Joaquín toj Babilonia joꞌ ajcuiꞌ lix naꞌ ut eb li rixakil ut eb li cui̱nk li nequeꞌtenkꞌan re chi taklac. Ut quixcꞌameb ajcuiꞌ chi pre̱xil li cui̱nk li cuanqueb xcuanquil saꞌ li tenamit Jerusalén.

2 Reyes 24:10

Saꞌ eb li cutan aꞌan eb li nequeꞌtenkꞌan re laj Nabucodonosor lix reyeb laj Babilonia queꞌco̱eb chi pletic Jerusalén. Ut queꞌxsut li tenamit.