Isaías 39:3 - Li Santil hu

³ Ut laj Isaías quicuulac riqꞌuin li rey Ezequías ut quixye re: —At rey, ¿bar xeꞌchal chak li cui̱nk aꞌin? ¿Cꞌaꞌru xeꞌxye a̱cue? chan. Ut li rey Ezequías quixye re: —Toj Babilonia xeꞌchal chak saꞌ najtil tenamit, chan.

Q'eqchi Bible

³ Toja' naq li propeet Isaías kiwulak rik'in laj Esekías, li awab'ej, ut kixpatz' re: “K'aru xe'xye aawe eb' li winq a'an ut b'ar xe'chalk chaq?”, chan. Kichaq'ok laj Esekías ut kixye: “Xe'chalk chaq sa' jun najtil tenamit, Babilonia xk'ab'a'”, chan.

Isaías 39:3 ပူးပေါင်းရင်းမြစ်များ

Deuteronomio 28:49

Li Ka̱cuaꞌ tixcꞌameb chak chi najt eb li jalan xtenamit. La̱ex incꞌaꞌ te̱tau ru li ra̱tinoba̱leb. Chanchanakeb li xul tꞌiu nak teꞌcha̱lk chi junpa̱t chixsachbal e̱ru.

Jeremías 5:15

Li Ka̱cuaꞌ quixye ajcuiꞌ reheb: —La̱in tintaklaheb li najtil tenamit chi pletic e̱riqꞌuin la̱ex li ralal xcꞌajol laj Israel. Aꞌaneb kꞌaxal cauheb rib chalen najter. La̱ex incꞌaꞌ nequenau li ra̱tinoba̱leb chi moco te̱tau ru li cꞌaꞌru teꞌxye.

2 Crónicas 16:7

Saꞌ eb li cutan aꞌan, li profeta Hanani co̱ riqꞌuin laj Asa lix reyeb laj Judá, ut quixye re: —La̱at incꞌaꞌ xacꞌojob a̱chꞌo̱l riqꞌuin li Ka̱cuaꞌ la̱ Dios. Xacꞌojob ban a̱chꞌo̱l riqꞌuin laj Ben-adad lix reyeb laj Siria. Riqꞌuin aꞌin xeꞌxcol ribeb laj Siria cha̱cuu.

2 Samuel 12:1

Li Ka̱cuaꞌ quixtakla li profeta Natán riqꞌuin laj David. Nak quicuulac riqꞌuin, laj Natán quixye re: —Queꞌcuan cuib li cui̱nk saꞌ jun li tenamit. Jun li cui̱nk biom ut li jun chic nebaꞌ.

Isaías 38:5

—Ayu riqꞌuin laj Ezequías ut ta̱ye re, “Joꞌcaꞌin xye a̱cue li Ka̱cuaꞌ lix Dios laj David, la̱ xeꞌto̱nil yucuaꞌ. La̱in xcuabi la̱ tij ut xinqꞌue retal nak yo̱cat chi ya̱bac. Anakcuan tatinqꞌuirtesi ut tinqꞌue oꞌlaju chihab chic la̱ yuꞌam.

Isaías 38:1

Saꞌ eb li cutan aꞌan quiyajer li rey Ezequías. Nak nim xyajel quicuulac li profeta Isaías li ralal laj Amoz riqꞌuin ut quixye re: —Joꞌcaꞌin xye a̱cue li Ka̱cuaꞌ. Yi̱b ru chixjunil li cꞌaꞌru tento ta̱yi̱b ru saꞌ la̱ cuochoch xban nak ca̱mc a̱cue. Incꞌaꞌ chic tatqꞌuira̱k, chan.

2 Crónicas 25:15

Cꞌajoꞌ nak quixchikꞌ xjoskꞌil li Dios laj Amasías. Li Dios quixtakla lix profeta riqꞌuin ut li profeta quixye re: —¿Cꞌaꞌut nak nacalokꞌoniheb li yi̱banbil dios aꞌin li incꞌaꞌ queꞌru xcolbaleb laj Edom cha̱cuu la̱ex? chan.

Josué 9:9

Ut eb aꞌan queꞌchakꞌoc ut queꞌxye: —La̱o xochal chak saꞌ najtil tenamit xban nak xkabi chixjunil li yo̱ chixba̱nunquil li Ka̱cuaꞌ le̱ Dios. Xkabi resil chixjunil li quilajxba̱nu chak aran Egipto.

Josué 9:6

Queꞌcuulac Gilgal saꞌ li naꞌajej li yo̱queb cuiꞌ chi hila̱nc laj Israel. Ut queꞌxye re laj Josué: —La̱o xochal saꞌ najtil tenamit ut takaj nak ta̱ba̱nu junak contrato kiqꞌuin, chanqueb.

2 Crónicas 19:2

Li profeta Jehú li ralal laj Hanani co̱ chixcꞌulbal li rey Josafat ut quixye re: —Nacatenkꞌaheb li incꞌaꞌ useb xnaꞌleb. Nacaraheb li xicꞌ nequeꞌiloc re li Ka̱cuaꞌ Dios. Li Dios xjoskꞌoꞌ saꞌ a̱be̱n xban li cꞌaꞌru xaba̱nu.

Isaías 39:4

Quixye cuiꞌchic laj Isaías: —¿Cꞌaꞌru xeꞌril saꞌ li palacio?— Ut laj Ezequías quixye re: —Xeꞌril chixjunil li cꞌaꞌru cuan cue. Xincꞌut chiruheb li cꞌaꞌru cuan saꞌ li cuochoch ut xincꞌut ajcuiꞌ chiruheb li cuan saꞌ eb li naꞌajej li naxocman cuiꞌ li cꞌaꞌak re ru. Ma̱cꞌaꞌ cꞌaꞌ re ru cue incꞌaꞌ ta xincꞌut chiruheb, chan.

Jeremías 4:16

Yehomak resil reheb li xni̱nkal ru tenamit ut reheb laj Jerusalén nak yo̱queb chak chi cha̱lc saꞌ najtil tenamit eb li xicꞌ nequeꞌiloc reheb. Teꞌxjap reheb nak teꞌoc chi pletic saꞌ eb li tenamit li cuanqueb Judá.

Jeremías 8:19

Chacuabi taxak lix ya̱beb lin tenamit li cuanqueb chi najt nak nequeꞌxye, “¿Ma ma̱cꞌaꞌ ta biꞌ li Ka̱cuaꞌ aran Sión? ¿Ma ma̱ ani chic lix reyeb aran?” chanqueb. Li Ka̱cuaꞌ quixye re: —¿Cꞌaꞌut nak queꞌxqꞌue injoskꞌil riqꞌuin xlokꞌoninquileb li jalanil dios? ¿Cꞌaꞌut nak nequeꞌxqꞌue xlokꞌal li yi̱banbil dios li ma̱cꞌaꞌ nequeꞌoc cuiꞌ? chan.