Isaías 38:5 - Li Santil hu

⁵ —Ayu riqꞌuin laj Ezequías ut ta̱ye re, “Joꞌcaꞌin xye a̱cue li Ka̱cuaꞌ lix Dios laj David, la̱ xeꞌto̱nil yucuaꞌ. La̱in xcuabi la̱ tij ut xinqꞌue retal nak yo̱cat chi ya̱bac. Anakcuan tatinqꞌuirtesi ut tinqꞌue oꞌlaju chihab chic la̱ yuꞌam.

Q'eqchi Bible

⁵ “Sutq'in ut ye re laj Esekías: «Jo'ka'in xye li Qaawa', li xYos laj David laayuwa': Xwab'i laatij ut xwil li xya'al laawu. Tatink'irtasi, ut sa' rox li kutan tatxik sa' rochoch li Qaawa'. O'laju chihab' chik tatyo'yooq sa' ruuchich'och'.

Isaías 38:5 ပူးပေါင်းရင်းမြစ်များ

Apocalipsis 7:17

Ut li Jun li chanchan carner li cꞌojcꞌo aran saꞌ xyiheb li cꞌojariba̱l, aꞌan ta̱ilok reheb joꞌ jun li cha̱bil pastor narileb lix carner. Ut aꞌan ta̱qꞌuehok re lix yuꞌameb chi junelic. Incꞌaꞌ chic teꞌya̱bak xban nak li Dios ta̱cꞌojoba̱nk xchꞌo̱leb.—

Salmos 56:8

La̱at nacanau jarub sut xine̱lelic chiruheb. La̱at nacanau jarub sut xinya̱bac cha̱cuu xban li raylal xincꞌul. La̱in ninnau nak tzꞌi̱banbil retalil saꞌ la̱ hu.

San Lucas 1:13

Ut li ángel quixye: —At Zacarías, matxucuac. Li Dios xrabi li cꞌaꞌru xatzꞌa̱ma. Lix Elisabet la̱ cuixakil ta̱cua̱nk jun xcꞌulaꞌal ut Juan ta̱qꞌue chokꞌ xcꞌabaꞌ.

Salmos 147:3

Junelic naxtenkꞌaheb li teꞌyotꞌekꞌ xchꞌo̱l ut narisi lix raylaleb.

Salmos 116:15

Chiru li Ka̱cuaꞌ lokꞌ lix yuꞌameb li ralal xcꞌajol, ut ra narecꞌa nak nacam junak.

2 Corintios 7:6

Abanan li Dios naxcꞌojob xchꞌo̱leb li raheb saꞌ xchꞌo̱l. Ut aꞌan quixqꞌue xcacuilal kachꞌo̱l riqꞌuin lix cꞌulunic laj Tito.

2 Reyes 19:20

Li profeta Isaías, li ralal laj Amoz, quixtakla xyebal re laj Ezequías: —Aꞌan aꞌin li naxye a̱cue li Ka̱cuaꞌ li kaDios la̱o aj Israel. “La̱in xcuabi li cꞌaꞌru xatzꞌa̱ma chicuu chirix laj Senaquerib lix reyeb laj Asiria.

San Mateo 22:32

“La̱in lix Dios laj Abraham, lix Dios aj Isaac, ut lix Dios laj Jacob.” Li Dios, aꞌan ma̱cuaꞌ xDioseb li camenakeb; xDioseb ban li yoꞌyo̱queb, chan li Jesús. (Joꞌcan nak li Dios quixcꞌut nak cuan xcuaclijiqueb chi yoꞌyo li camenak.)

2 Reyes 18:2

O̱b xcaꞌcꞌa̱l (25) chihab cuan re laj Ezequías nak qui-oc saꞌ xcuanquil. Bele̱b xcaꞌcꞌa̱l (29) chihab quicuan chokꞌ rey aran Jerusalén. Lix naꞌ, aꞌan lix Abi, lix rabin laj Zacarías.

1 Reyes 8:25

Joꞌcan ut at Ka̱cuaꞌ, at kaDios la̱o aj Israel, chaba̱nu taxak li cꞌaꞌru cayechiꞌi chak re laj David lin yucuaꞌ nak caye chi joꞌcaꞌin, “Junelic ta̱cua̱nk junak reheb la̱ cualal a̱cꞌajol li teꞌoc saꞌ li cuanquilal. Abanan tento nak teꞌcua̱nk saꞌ xya̱lal chicuu ut teꞌcua̱nk saꞌ ti̱quilal.”

Hechos 27:24

Li ángel xye cue, “Matxucuac, at Pablo, xban nak tento nak tatcuulak riqꞌuin li acuabej César. Xban xnimal rusilal li Ka̱cuaꞌ, ma̱ jun reheb li cuanqueb a̱cuochben teꞌca̱mk,” chan cue.

Salmos 39:12

At Ka̱cuaꞌ, chacuabi taxak lin tij. Chacuabi taxak nak yo̱quin chi ya̱bac xban li raylal ut china̱tenkꞌa nak yo̱quin chixya̱banquil la̱ cꞌabaꞌ. Cha̱cuu la̱at, yal aj numelin arin joꞌqueb ajcuiꞌ lin xeꞌto̱nil yucuaꞌ yal aj numeleb ajcuiꞌ nak xeꞌcuan arin.

Li xHu LAJ JOB 14:5

Ac chꞌolchꞌo cha̱cuu joꞌ najtil teꞌcua̱nk xyuꞌam li cristian saꞌ ruchichꞌochꞌ. Ut li cꞌaꞌru nacaye la̱at, ma̱ ani naru ta̱jalok re.

2 Reyes 18:13

Yo̱ ca̱laju chihab roquic chokꞌ xreyeb laj Judá laj Ezequías nak laj Senaquerib lix reyeb laj Asiria qui-oc chi pletic riqꞌuineb laj Judá saꞌ eb li tenamit li cuanqueb cuiꞌ li cab li nequeꞌxcol cuiꞌ ribeb. Laj Senaquerib quire̱chaniheb li tenamit aꞌan saꞌ li ple̱t.

1 Reyes 15:4

Li Ka̱cuaꞌ Dios incꞌaꞌ quirisi lix cuanquileb li ralal xcꞌajol laj David. Quixqꞌue ban jun li ralal laj Abiam chi oc chokꞌ rey chokꞌ re̱kaj re nak tixcol li tenamit Jerusalén. Quixba̱nu aꞌan xban nak naxra laj David laj cꞌanjel chiru.

2 Crónicas 34:3

Ac yo̱ chic cuakxakib chihab roquic chokꞌ rey laj Josías ut toj sa̱j chi us nak qui-oc chixsicꞌbal li Dios li quixlokꞌoni li rey David lix xeꞌto̱nil yucuaꞌ. Ut nak ac yo̱ chic cablaju chihab roquic saꞌ lix cuanquil, qui-oc chirisinquileb li yi̱banbil dios saꞌ li tenamit Judá ut Jerusalén, joꞌ ajcuiꞌ lix naꞌajeb li yi̱banbil dios, ut eb lix jalam u̱ch lix Asera. Quirisiheb ajcuiꞌ li jalanil dios li yi̱banbileb riqꞌuin chꞌi̱chꞌ ut pec.

Isaías 38:4

Li Ka̱cuaꞌ quia̱tinac cuiꞌchic riqꞌuin laj Isaías ut quixye re:

Salmos 6:9

Li Ka̱cuaꞌ xrabi lin tij. Ut xrabi ajcuiꞌ li cꞌaꞌru xintzꞌa̱ma chiru.

Eclesiastés 3:3

Cuan li ho̱nal re camsi̱nc ut cuan li ho̱nal re banoc. Cuan xcutanquil li sachoc, ut cuan ajcuiꞌ xcutanquil xcuaclesinquil cuiꞌchic li ac tꞌanenak.

Isaías 37:21

Ut li profeta Isaías quixtakla xyebal re li rey Ezequías li cꞌaꞌru quixye li Ka̱cuaꞌ. Quixye re: —At rey, aꞌan aꞌin li naxye a̱cue li Ka̱cuaꞌ lix Dioseb laj Israel. La̱in xcuabi li cꞌaꞌru xatzꞌa̱ma chicuu chirix laj Senaquerib lix reyeb laj Asiria.

Lamentaciones 3:56

Cacuabi li cꞌaꞌru quinye nak quintzꞌa̱ma cha̱cuu nak tina̱col. Incꞌaꞌ xacanab yal chi joꞌcan li cꞌaꞌru quintzꞌa̱ma cha̱cuu.