Isaías 38:3 - Li Santil hu

³ —At Ka̱cuaꞌ, at inDios, la̱in nintzꞌa̱ma cha̱cuu, chijulticokꞌ taxak a̱cue nak la̱in xincꞌanjelac cha̱cuu chi anchal inchꞌo̱l ut saꞌ ti̱quilal. Xinba̱nu li us joꞌ nacuulac cha̱cuu, chan. Ut quiya̱bac chi kꞌaxal ra saꞌ xchꞌo̱l.

Q'eqchi Bible

³ “At Qaawa', jultikaq taxaq aawe naq tiik ru linyu'am; xinwank chawu sa' chaab'ilal ut xinb'aanu li nawulak chawu”. K'ajo' naq kiyot'e'k xch'ool laj Esekías chi yaab'ak.

Isaías 38:3 ပူးပေါင်းရင်းမြစ်များ

Hebreos 6:10

Li Dios ti̱c xchꞌo̱l. Naxnau chanru le̱ cꞌanjel. Li Dios naxnau nak nequera aꞌan. Nacꞌutun ajcuiꞌ nak nequera li Dios xban nak xetenkꞌa le̱ rech aj pa̱banel junxil ut toj yo̱quex ajcuiꞌ chixtenkꞌanquileb anakcuan. Incꞌaꞌ nasach saꞌ xchꞌo̱l li Dios le̱ cꞌanjel li nequeba̱nu.

Hebreos 5:7

Nak li Jesucristo quicuan arin saꞌ ruchichꞌochꞌ quiya̱bac nak quitijoc. Chi cau xya̱b xcux quitzꞌa̱man chiru li Dios, li cuan xcuanquil chi coloc re chiru li ca̱mc. Ut li Dios quirabi lix tij xban nak quixkꞌaxtesi rib re xba̱nunquil lix cꞌanjel li Dios.

Nehemías 13:14

—At inDios, chijulticokꞌ taxak a̱cue li joꞌ qꞌuial li us ninba̱nu. Ut misach taxak saꞌ a̱chꞌo̱l chixjunil li us ninba̱nu chokꞌ re la̱ templo ut re la̱ cꞌanjel.—

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

San Juan 1:47

Li Jesús quiril nak laj Natanael yo̱ chak chi cha̱lc riqꞌuin ut quixye: —Cueꞌ chak jun cui̱nk tzꞌakal aj Israel. Cha̱bil xnaꞌleb. Aꞌan incꞌaꞌ nabalakꞌic, chan li Jesús.

Nehemías 13:22

Chirix aꞌan quinye ajcuiꞌ reheb laj levita nak teꞌxsantobresi ribeb joꞌ naxye saꞌ li chakꞌrab. Ut quinye ajcuiꞌ reheb nak teꞌxcꞌacꞌaleheb li oqueba̱l re li tenamit re nak ma̱ ani ta̱muxuk re li hiloba̱l cutan. —At inDios, riqꞌuin aꞌin chijulticokꞌ taxak a̱cue li joꞌ qꞌuial li us ninba̱nu ut chacuy taxak inma̱c xban xnimal la̱ cuuxta̱n.—

Nehemías 5:19

Chinjulticokꞌ taxak a̱cue, at inDios, riqꞌuin li joꞌ qꞌuial li us li xinba̱nu reheb li tenamit aꞌin.

Deuteronomio 6:18

Cheba̱nuhak li ti̱quilal ut li cha̱bilal joꞌ nacuulac chiru li Ka̱cuaꞌ re nak us tex-e̱lk ut tex-oc chi cua̱nc saꞌ li cha̱bil naꞌajej li quixyechiꞌi riqꞌuin juramento li Ka̱cuaꞌ reheb le̱ xeꞌto̱nil yucuaꞌ.

Salmos 6:8

La̱ex aj ba̱nuhom ma̱usilal, canabomak inchꞌiꞌchꞌiꞌinquil xban nak li Ka̱cuaꞌ Dios xrabi nak xinya̱bac chiru.

1 Crónicas 29:19

Nintzꞌa̱ma cha̱cuu nak ta̱tenkꞌa laj Salomón li cualal. Ti̱cak taxak xchꞌo̱l re nak tixba̱nu li cꞌaꞌru naxye saꞌ la̱ chakꞌrab. Tixba̱nu taxak chixjunil li cꞌanjel ut tixyi̱b taxak la̱ templo li ac xincauresi chixjunil li cꞌaꞌak re ru re xyi̱banquil, chan laj David.

Oseas 12:4

Saꞌ li naꞌajej Bet-el quipletic riqꞌuin li ángel ut quinumta saꞌ xbe̱n. Laj Jacob quiya̱bac ut quixtzꞌa̱ma li rosobtesinquil toj retal nak li Dios quia̱tinac riqꞌuin ut quirosobtesi ut co-osobtesi̱c ajcuiꞌ la̱o.

Salmos 119:80

Chinqꞌuehak taxak inchꞌo̱l chixba̱nunquil li cꞌaꞌru naxye la̱ chakꞌrab. Ut tzꞌakalak taxak re ru li cua̱m cha̱cuu re nak incꞌaꞌ xuta̱nal tine̱lk.

Salmos 102:9

Cꞌajoꞌ li raylal nincꞌul. Chanchan chic incua li cha xban nak aran nincuan. Li xyaꞌal cuu naxjunaji rib riqꞌuin li cuucꞌa xban nak junes ya̱bac ninba̱nu.

Salmos 32:2

Us xak re li ani incꞌaꞌ nabalakꞌic, li nayeheꞌ re xban li Dios nak ma̱cꞌaꞌ xma̱c.

Salmos 101:2

La̱in nacuaj cua̱nc saꞌ ti̱quilal. Chasume taxak li cꞌaꞌru nintzꞌa̱ma cha̱cuu ut china̱tenkꞌa. Ut la̱in saꞌ xya̱lal tincua̱nk nak cua̱nkin saꞌ li cuochoch.

Salmos 26:3

La̱in ninnau nak junelic niquina̱ra. La̱in ninnau chic lix ya̱lal ut ninba̱nu li nacaye la̱at.

Salmos 16:8

La̱in junelic nincꞌoxla li Dios ut aꞌan cuan cuiqꞌuin. Ma̱cꞌaꞌ cꞌaꞌru ta̱isi̱nk cue riqꞌuin li Dios.

Nehemías 13:31

Ut quinxakabeb ajcuiꞌ li ani teꞌcꞌamok chak li siꞌ saꞌ xkꞌehil. Ut quinye reheb li tenamit nak teꞌxkꞌaxtesi li xbe̱n ru li racui̱mkeb saꞌ xkꞌehil. —At inDios, chaqꞌue taxak retal chixjunil li us li xinba̱nu ut ta̱cuuxta̱na taxak cuu.—

Nehemías 1:4

Nak quicuabi resil cꞌaꞌru yo̱queb chixcꞌulbal, cꞌajoꞌ nak quirahoꞌ inchꞌo̱l. Quinchunub cuib ut quin-oc chi ya̱bac. Quintijoc chiru lin Dios cuan saꞌ choxa ut quinba̱nu in-ayu̱n cuib oxib cutan.

Esdras 10:1

Nak yo̱ chi tijoc laj Esdras, cuikꞌcuo chiru lix templo li Dios. Yo̱ chi ya̱bac ut yo̱ chixpatzꞌbal xcuybal xma̱queb li tenamit. Queꞌcuulac riqꞌuin jun chꞌu̱taleb laj Israel, joꞌ cui̱nk, joꞌ ixk, joꞌ cocꞌal. Yo̱queb chi ya̱bac chi cꞌajoꞌ xrahil xchꞌo̱leb.

2 Crónicas 25:2

Laj Amasías quixba̱nu li us chiru li Ka̱cuaꞌ. Abanan moco anchal ta xchꞌo̱l nak quixba̱nu.

2 Crónicas 16:9

Li nimajcual Dios junelic yo̱ chixqꞌuebal retal li cꞌaꞌru yo̱queb chixcꞌulbal li cuanqueb saꞌ ruchichꞌochꞌ re nak tixqꞌue xcacuilal xchꞌo̱leb li ani ti̱queb xchꞌo̱l chiru. Abanan anakcuan la̱at incꞌaꞌ us xaba̱nu. Joꞌcan nak chalen anakcuan junelic ta̱cua̱nk li pletic saꞌ le̱ tenamit, chan li profeta Hanani.

1 Crónicas 29:9

Cꞌajoꞌ nak queꞌsahoꞌ xchꞌo̱leb li cristian xban nak chi anchaleb xchꞌo̱l queꞌxqꞌue re li Ka̱cuaꞌ li joꞌ qꞌuial qui-ala saꞌ xchꞌo̱leb.

1 Reyes 2:4

Cui tatcua̱nk saꞌ ti̱quilal chiru li Dios, li Dios tixba̱nu chixjunil li cꞌaꞌru quixyechiꞌi cue. Aꞌan quixye cue, “Cui eb la̱ cualal a̱cꞌajol teꞌcua̱nk saꞌ ti̱quilal chicuu ut cui teꞌxba̱nu li cꞌaꞌru ninye chi anchaleb xchꞌo̱l ut chi anchaleb li ra̱m, junelic eb la̱ cualal a̱cꞌajol teꞌoc chokꞌ xreyeb laj Israel.”

Génesis 17:1

Nak ac bele̱laju roꞌcꞌa̱l (99) chihab cuan re laj Abram, li Ka̱cuaꞌ Dios quixcꞌutbesi rib chiru ut quixye re: —La̱in li Ka̱cuaꞌ Dios li kꞌaxal nim incuanquil. Chatcua̱nk saꞌ xya̱lal chicuu ut ti̱cak a̱chꞌo̱l.

Génesis 6:9

Laj Noé aꞌan jun cui̱nk ti̱c xchꞌo̱l. Tzꞌakal re ru lix yuꞌam nak cuan saꞌ xya̱nkeb li ras ri̱tzꞌin ut ti̱c lix yuꞌam chiru li Dios. Aꞌan aꞌin retalil li ralal xcꞌajol laj Noé.

1 Reyes 15:14

Usta incꞌaꞌ quixpoꞌ chixjunileb li naꞌajej li queꞌxlokꞌoni cuiꞌ li jalanil dios, abanan laj Asa junelic cuan saꞌ ti̱quilal chiru li Dios toj chalen nak quicam.

1 Crónicas 28:9

Ut la̱at, at Salomón, at cualal, chapa̱b li Ka̱cuaꞌ lix Dios la̱ yucuaꞌ ut chatcꞌanjelak chiru chi anchal a̱chꞌo̱l ut saꞌ ti̱quilal. Li Ka̱cuaꞌ, aꞌan naxnau cꞌaꞌru cuan saꞌ xchꞌo̱l li junju̱nk ut naxnau chanru lix naꞌleb. Cui la̱at ta̱sicꞌ li Dios, aꞌan ta̱tenkꞌa̱nk a̱cue. Cui ut ta̱tzꞌekta̱na, aꞌan tatxtzꞌekta̱na ajcuiꞌ la̱at chi junaj cua.

Salmos 6:6

Tacuajenakin xban li raylal cuanquin cuiꞌ. Ninlub chi ya̱bac. Rajlal kꞌojyi̱n yo̱quin chi ya̱bac saꞌ incuariba̱l. Ut natꞌaka lix soc injolom xban lix yaꞌal cuu.

Isaías 38:2

Laj Ezequías quixsukꞌisi rib saꞌ lix chꞌa̱t ut qui-iloc chiru li tzꞌac. Quitijoc chiru li Dios ut quixye:

Isaías 38:4

Li Ka̱cuaꞌ quia̱tinac cuiꞌchic riqꞌuin laj Isaías ut quixye re:

2 Reyes 18:3

Laj Ezequías quixba̱nu li us chiru li Dios joꞌ quixba̱nu laj David lix xeꞌto̱nil yucuaꞌ.