Isaías 38:20 - Li Santil hu

²⁰ At Ka̱cuaꞌ, la̱at tatcolok cue. Takachꞌeꞌ li ka-arpa ut takabicha la̱ lokꞌal. Takabicha la̱ lokꞌal saꞌ la̱ templo joꞌ najtil yoꞌyo̱ko, chan laj Ezequías.

Q'eqchi Bible

²⁰ At Qaawa', kim chinkolb'al, ut toob'ichanq toowajb'aq chiru chixjunil li qayu'am sa' rochoch li qaYos.

Isaías 38:20 ပူးပေါင်းရင်းမြစ်များ

Salmos 116:2

Xban nak li Ka̱cuaꞌ naxsume li cꞌaꞌru nintzꞌa̱ma chiru, la̱in tintzꞌa̱ma intenkꞌanquil chiru joꞌ najtil tincua̱nk saꞌ ruchichꞌochꞌ.

Salmos 150:4

Te̱tochꞌ le̱ pandero ut texxajok re xqꞌuebal xlokꞌal li Ka̱cuaꞌ. Cheqꞌue taxak xlokꞌal li Ka̱cuaꞌ riqꞌuin le̱ cuajb ut riqꞌuin le̱ xo̱lb.

Salmos 145:2

Rajlal cutan tatinlokꞌoni ut tinqꞌue xlokꞌal la̱ cꞌabaꞌ junelic.

Habacuc 3:19

Li Ka̱cuaꞌ, li nimajcual Dios, aꞌan li ta̱qꞌuehok xcacuilal inchꞌo̱l. Tixqꞌue chi se̱bocꞌ li cuok joꞌ xse̱bal li rokeb li quej li kꞌaxal cau nequeꞌa̱linac. Ut tinixqꞌue chi cua̱nc saꞌ jun naꞌajej bar ma̱cꞌaꞌ tincꞌul.

Salmos 68:25

Eb li nequeꞌcꞌamoc be, aꞌaneb li nequeꞌbichan ut chirixeb aꞌan yo̱queb chi xic li xkaꞌal li nequeꞌchꞌeꞌoc pandero ut chirixeb aꞌan yo̱queb chi xic laj cuajb.

Salmos 51:15

At Ka̱cuaꞌ, chatehak taxak lix tzꞌu̱mal cue re nak ta̱ru̱k tatinlokꞌoni.

Salmos 33:2

Chexbicha̱nk chiru li Ka̱cuaꞌ riqꞌuin li arpa. Chebicha lix lokꞌal riqꞌuin li cuajb salterio xcꞌabaꞌ.

Salmos 33:1

La̱ex li ti̱c e̱chꞌo̱l, chexbicha̱nk chi sa saꞌ e̱chꞌo̱l saꞌ xcꞌabaꞌ li Ka̱cuaꞌ ut cheqꞌuehak xlokꞌal xban nak kꞌaxal lokꞌ xqꞌuebal xlokꞌal li Ka̱cuaꞌ.

Salmos 68:24

At Ka̱cuaꞌ, at inDios, la̱at li tzꞌakal rey. Quicuil nak yo̱cat chi oc saꞌ la̱ santil templo a̱cuochbeneb la̱ tenamit.

Salmos 104:33

Junelic tinbicha xlokꞌal li Ka̱cuaꞌ joꞌ najtil tincua̱nk saꞌ ruchichꞌochꞌ. Junelic tinqꞌue xlokꞌal li Dios toj chirix incamic.

Salmos 146:2

Tinlokꞌoni li nimajcual Dios joꞌ najtil tincua̱nk. Tinbicha̱nk re xqꞌuebal xlokꞌal li Ka̱cuaꞌ joꞌ najtil tincua̱nk saꞌ ruchichꞌochꞌ.

Salmos 145:1

At inDios, junelic tinqꞌue a̱lokꞌal. At inRey, junelic tinnima a̱cuu.

Isaías 12:2

Li Ka̱cuaꞌ, aꞌan li nacoloc cue. Cau inchꞌo̱l riqꞌuin. Joꞌcan nak incꞌaꞌ tinxucuak. Li Ka̱cuaꞌ, li nimajcual Dios, aꞌan naqꞌuehoc xcacuil inchꞌo̱l ut aꞌan li ninbicha ru, chaꞌakeb.

Jonás 2:10

Ut li Ka̱cuaꞌ Dios quixtakla li car re nak tixcanab chak laj Jonás chi chꞌochꞌel. Joꞌcan nak li car quixxaꞌcua chak laj Jonás chi chꞌochꞌel.