Isaías 38:19 - Li Santil hu

¹⁹ Caꞌaj cuiꞌ li yoꞌyo̱queb teꞌqꞌuehok a̱lokꞌal. Joꞌ la̱in yoꞌyo̱quin ut yo̱quin chixqꞌuebal a̱lokꞌal anakcuan. Eb li yucuaꞌbej nequeꞌxserakꞌi reheb li ralal xcꞌajol nak kꞌaxal cha̱bilat.

Q'eqchi Bible

¹⁹ Li yo'yo, li wank xyu'am, a'an nanimank aawu, jo' naq ninb'aanu laa'in anaqwan. Li yuwa'b'ej naxtzoleb' li ralal xk'ajol chirix li xtiikilal laach'ool.

Isaías 38:19 ပူးပေါင်းရင်းမြစ်များ

Deuteronomio 6:7

Ut te̱chꞌolob xya̱lal chiruheb le̱ ralal e̱cꞌajol. Rajlal te̱cꞌut lix ya̱lal chiruheb saꞌ le̱ rochoch, ut nak yo̱kex chi be̱c, joꞌ ajcuiꞌ nak oc e̱re chi cua̱rc ut nak texcuacli̱k.

Salmos 119:175

Chaqꞌue taxak inyuꞌam re nak tinqꞌue a̱lokꞌal. Ut aꞌ taxak la̱ chakꞌrab chiqꞌuehok re xcacuilal inchꞌo̱l.

Deuteronomio 4:9

Joꞌcan nak junelic taxak cua̱nk saꞌ e̱chꞌo̱l li cꞌaꞌru xeril joꞌ najtil yoꞌyo̱kex ut incꞌaꞌ taxak ta̱sachk saꞌ e̱chꞌo̱l. Ut junelic taxak te̱serakꞌi reheb le̱ ralal e̱cꞌajol li cꞌaꞌru quixba̱nu li Ka̱cuaꞌ.

Joel 1:3

Cheserakꞌi reheb le̱ ralal e̱cꞌajol li raylal li yo̱quex chixcꞌulbal. Ut eb aꞌan teꞌxye reheb li ralal xcꞌajoleb aꞌan. Ut eb li ralal xcꞌajoleb aꞌan teꞌxye cuiꞌchic reheb li ralal xcꞌajol li toj teꞌyoꞌla̱k mokon.

Salmos 146:2

Tinlokꞌoni li nimajcual Dios joꞌ najtil tincua̱nk. Tinbicha̱nk re xqꞌuebal xlokꞌal li Ka̱cuaꞌ joꞌ najtil tincua̱nk saꞌ ruchichꞌochꞌ.

Salmos 145:4

At nimajcual Dios, ta̱qꞌuehekꞌ a̱lokꞌal chi junelic kꞌe cutan xban li cꞌaꞌru calaja̱ba̱nu. Eb li naꞌbej yucuaꞌbej teꞌxye reheb li ralal xcꞌajol li cꞌaꞌru caba̱nu riqꞌuin la̱ cuanquil. Ut eb aꞌan teꞌxye resil reheb li ralal xcꞌajoleb li teꞌcua̱nk mokon.

Salmos 118:17

Toj ma̱jiꞌ taxak tinca̱mk re nak tinye resil chixjunil li usilal li quixba̱nu li Ka̱cuaꞌ.

Deuteronomio 11:19

Ut te̱cꞌut ajcuiꞌ li ra̱tin li Dios chiruheb le̱ ralal e̱cꞌajol. Junelic te̱serakꞌi reheb nak cua̱nkex saꞌ le̱ rochoch ut nak yo̱kex chi be̱c, nak oc e̱re chi cua̱rc, ut joꞌcan ajcuiꞌ nak texcuacli̱k.

Génesis 18:19

Ac xinsicꞌ ru re ta̱cꞌamok be chiruheb li ralal xcꞌajol. Aꞌan ta̱chꞌoloba̱nk re xya̱lal chiruheb re nak teꞌxpa̱b li cua̱tin ut teꞌcua̱nk saꞌ usilal ut saꞌ ti̱quilal. Cui teꞌxba̱nu aꞌin, la̱in tinba̱nu chixjunil li cꞌaꞌru xinyechiꞌi re laj Abraham, chan li Dios.

Eclesiastés 9:10

Chixjunil li naru ta̱ba̱nu saꞌ ruchichꞌochꞌ, chaba̱nuhak, aꞌ yal joꞌ qꞌuial ta̱cuy xba̱nunquil. Nak tatca̱mk, ma̱cꞌaꞌ chic ta̱ru̱k ta̱ba̱nu. Nak ac cua̱nkat chic saꞌ li jul, incꞌaꞌ chic tatcꞌanjelak. Ma̱cꞌaꞌak chic a̱cꞌaꞌux ut ma̱cꞌaꞌak chic a̱naꞌleb.

San Juan 9:4

Tento nak tinse̱ba cuib chixba̱nunquil li cꞌaꞌru naraj li Dios li xtaklan chak cue. Anakcuan xcutanquil xba̱nunquil xban nak ta̱cuulak xkꞌehil nak ma̱ ani chic ta̱ru̱k ta̱cꞌanjelak.

Éxodo 10:2

Chi joꞌcan la̱ex te̱ye reheb le̱ ralal e̱cꞌajol chanru xinba̱nu riqꞌuineb laj Egipto nak xincꞌutbesi lin cuanquilal chiruheb. La̱ex te̱nau nak relic chi ya̱l nak la̱in li Ka̱cuaꞌ Dios, chan.

Deuteronomio 4:10

Chijulticokꞌ e̱re li cutan nak quexinchꞌutub chiru li Ka̱cuaꞌ le̱ Dios aran Horeb nak quixye cue li Ka̱cuaꞌ, “Chꞌutubeb chixjunileb li tenamit re teꞌrabi lin chakꞌrab re nak teꞌxqꞌue inlokꞌal joꞌ najtil chic yoꞌyo̱keb. Ut re ajcuiꞌ nak teꞌxcꞌut chiruheb li ralal xcꞌajol”, chan li Dios.