Isaías 38:18 - Li Santil hu

¹⁸ Eb li cuanqueb saꞌ xnaꞌajeb li camenak incꞌaꞌ naru tateꞌxlokꞌoni. Eb li camenak incꞌaꞌ naru teꞌxqꞌue a̱lokꞌal. Eb aꞌan incꞌaꞌ naru teꞌxcꞌojob xchꞌo̱l a̱cuiqꞌuin.

Q'eqchi Bible

¹⁸ Eb' li xe'q'ajk xe'sutq'iik ink'a' neke'xloq'on aawu, at Qaawa'; eb' li kamenaq ink'a' neke'xnima laak'ab'a', chi moko eb' li neke'xik sa' xb'alb'a neke'yo'onink rik'in li xtiikilal laach'ool.

Isaías 38:18 ပူးပေါင်းရင်းမြစ်များ

Eclesiastés 9:10

Chixjunil li naru ta̱ba̱nu saꞌ ruchichꞌochꞌ, chaba̱nuhak, aꞌ yal joꞌ qꞌuial ta̱cuy xba̱nunquil. Nak tatca̱mk, ma̱cꞌaꞌ chic ta̱ru̱k ta̱ba̱nu. Nak ac cua̱nkat chic saꞌ li jul, incꞌaꞌ chic tatcꞌanjelak. Ma̱cꞌaꞌak chic a̱cꞌaꞌux ut ma̱cꞌaꞌak chic a̱naꞌleb.

Salmos 6:5

Li ac camenakeb moco naru ta chic tateꞌxcꞌoxla, chi moco naru tateꞌxlokꞌoni saꞌ xnaꞌajeb li camenak.

Salmos 30:9

Ut xinye, ¿cꞌaꞌru aj e nak tinca̱mk? ¿Cꞌaꞌru aj e nak tinmukekꞌ? ¿Ma teꞌxqꞌue ta biꞌ a̱lokꞌal lix poksil li camenak? ¿Ma teꞌxchꞌolob ta biꞌ la̱ cuusilal?

San Mateo 25:46

Ut eb aꞌan teꞌxic saꞌ li tojba ma̱c chi junelic. Abanan li ti̱queb xchꞌo̱l cua̱nkeb xyuꞌam chi junelic.—

San Mateo 8:12

Aꞌut nabaleb laj judío li teꞌe̱chani̱nk raj re lix nimajcual cuanquilal li Dios, eb aꞌan chic li teꞌisi̱k ut teꞌqꞌuehekꞌ saꞌ li kꞌojyi̱n. Ut aran ta̱cua̱nk li ya̱bac ut li cꞌuxuxi̱nc ruch e, chan li Jesús reheb li tenamit.

Proverbios 14:32

Li ani incꞌaꞌ useb xnaꞌleb, aꞌ ajcuiꞌ lix ma̱usilaleb nasachoc reheb. Ut eb li ti̱c xchꞌo̱leb incꞌaꞌ nequeꞌxxucua ru li ca̱mc xban nak cuan li cꞌaꞌru nequeꞌroybeni.

Números 16:33

Toj yoꞌyo̱queb nak queꞌtꞌaneꞌ saꞌ xchamal li chꞌochꞌ rochbeneb chixjunil li cꞌaꞌru cuan reheb. Ut li chꞌochꞌ quixtzꞌap cuiꞌchic rib saꞌ xbe̱neb. Joꞌcan nak queꞌsacheꞌ ruheb saꞌ xya̱nkeb laj Israel.

Salmos 28:1

At Ka̱cuaꞌ, at aj Colol cue, yo̱quin xya̱banquil la̱ cꞌabaꞌ. China̱cuabi ut chasume taxak li cꞌaꞌru nintzꞌa̱ma cha̱cuu re nak incꞌaꞌ tinca̱mk joꞌ nak nequeꞌcam li incꞌaꞌ useb xnaꞌleb.

Salmos 6:6

Tacuajenakin xban li raylal cuanquin cuiꞌ. Ninlub chi ya̱bac. Rajlal kꞌojyi̱n yo̱quin chi ya̱bac saꞌ incuariba̱l. Ut natꞌaka lix soc injolom xban lix yaꞌal cuu.