Isaías 38:17 - Li Santil hu

¹⁷ Lix rahil inchꞌo̱l xasukꞌisi chokꞌ sahil chꞌo̱lej chokꞌ cue. Xban nak xcuulac cha̱cuu, joꞌcan nak xina̱col chiru li ca̱mc. Ut xacuy xasach lin ma̱c.

Q'eqchi Bible

¹⁷ Linrahilal xsutq'iik chaq chi sahil wank, xb'aan naq xakol li waanm chiru li kamk ut xawiiqa chixjunil linmaak.

Isaías 38:17 ပူးပေါင်းရင်းမြစ်များ

Isaías 43:25

Abanan la̱in li Ka̱cuaꞌ Dios. La̱in nincuyuc re le̱ ma̱c. Ninba̱nu aꞌan xban nak la̱in li Dios. La̱in tincuy le̱ ma̱c ut incꞌaꞌ chic ta̱julticokꞌ cue.

Jonás 2:6

Kꞌaxal cham cuiꞌchic xincuulac. Chanchan xchamal cuan cuiꞌ chak lix xeꞌ li tzu̱l. Quincꞌoxla nak aran tincana̱k chi junaj cua xban nak ma̱ bar chic naru nin-el chak. Abanan la̱at, at Ka̱cuaꞌ, quina̱col. Quina̱col chiru li ca̱mc, at inDios.

Jeremías 31:34

Moco tento ta nak toj teꞌxye re li ras ri̱tzꞌin “¿Ma nacanau ani li tzꞌakal Dios?” xban nak chixjunileb, joꞌ cocꞌ joꞌ ni̱nk, teꞌxnau nak la̱in li Ka̱cuaꞌ Dios. Ut la̱in tincuyeb tinsacheb lix ma̱queb ut incꞌaꞌ chic ta̱nak saꞌ inchꞌo̱l lix ma̱usilaleb, chan li Ka̱cuaꞌ.

Salmos 30:3

Xina̱col chiru li ca̱mc. Ac ca̱mc raj cue, abanan la̱at xaqꞌue cuiꞌchic inyuꞌam.

Salmos 86:13

Junelic niquina̱ra. Joꞌcan nak xina̱col chiru li ca̱mc.

Salmos 85:2

Incꞌaꞌ caqꞌue saꞌ a̱chꞌo̱l li ma̱usilal kaba̱nu. Cacuy ban li kama̱c la̱o la̱ tenamit.

Salmos 40:2

Aꞌan qui-isin cue saꞌ li raylal cuanquin cuiꞌ. Chanchan nak yo̱quin chi subu̱nc saꞌ lix sa̱b haꞌ ut osocꞌ cue. Ut li Ka̱cuaꞌ qui-isin cue. Nak quinixcol chanchan nak quinixqꞌue saꞌ jun li sako̱nac re nak ma̱cꞌaꞌ tincꞌul.

Salmos 10:2

Li incꞌaꞌ useb xnaꞌleb kꞌetkꞌeteb ut nequeꞌxrahobtesi li nebaꞌ. Aꞌaneb ta ajcuiꞌ cheꞌtꞌanekꞌ saꞌ li raꞌal li nequeꞌxyi̱b chokꞌ re jalan.

Li xHu LAJ JOB 29:18

La̱in nincꞌoxla saꞌ inchꞌo̱l ut ninye: Najt tincua̱nk saꞌ ruchichꞌochꞌ. Ut nak ac ti̱xin chic tinca̱mk saꞌ li cuochoch.

Li xHu LAJ JOB 33:24

Tixye raj re li cui̱nk, “Li Dios xril xtokꞌoba̱l a̱cuu. Aꞌan xcoloc a̱cue chiru li ca̱mc. Ac xtau ani ta̱tojok rix la̱ ma̱c.”

Salmos 55:23

At Ka̱cuaꞌ, la̱at ta̱sach ruheb li nequeꞌxcamsi ras ri̱tzꞌin ut ta̱sach ruheb laj balakꞌ. Toj ma̱jiꞌ ajcuiꞌ nacuulac yijach lix yuꞌameb arin saꞌ ruchichꞌochꞌ nak ta̱sacheb. Abanan la̱in, at Ka̱cuaꞌ, cau inchꞌo̱l a̱cuiqꞌuin.

Salmos 103:12

Quirisi li kama̱c. Chanchan nak quixtzꞌek chak chi najt. Joꞌ xnajtil li na-el cuiꞌ chak li sakꞌe riqꞌuin li na-oc cuiꞌ, chanchan joꞌcan xnajtil li quixtzꞌek cuiꞌ li kama̱c.

Isaías 38:15

¿Cꞌaꞌ ta cuiꞌ ru ta̱ru̱k tinye la̱in? Li Ka̱cuaꞌ, aꞌan li xqꞌuehoc re li raylal aꞌin saꞌ inbe̱n. La̱in tincua̱nk saꞌ tu̱lanil chixjunil lin yuꞌam xban li raylal li xincꞌul.

Salmos 103:3

Aꞌan naxcuy naxsach chixjunil lin ma̱c. Ut aꞌan li naqꞌuirtesin re chixjunil lin yajel.

Salmos 103:4

Aꞌan nacoloc cue chiru li ca̱mc. Aꞌan naruxta̱na cuu ut naxqꞌue xsahil inchꞌo̱l.

Jonás 2:7

Quicuecꞌa nak osocꞌ cue. Catjulticoꞌ cue at Ka̱cuaꞌ. Nak quintijoc cha̱cuu, lin tij quicuulac toj saꞌ la̱ santil templo.