Isaías 38:16 - Li Santil hu

¹⁶ At Ka̱cuaꞌ, riqꞌuin li usilal li nacaba̱nu eb li cristian teꞌcua̱nk xyuꞌam. Ut riqꞌuin ajcuiꞌ chixjunil li usilal nacaqꞌue cua̱nk inyuꞌam la̱in. La̱at tina̱qꞌuirtesi ut ta̱qꞌue inyuꞌam.

Q'eqchi Bible

¹⁶ Chixjunileb' li k'aak'alenb'ileb' xb'aan li Qaawa' te'wanq xyu'am ut laa'in tinwanq rik'ineb'. Xinaak'irtasi, at Qaawa', ut xak'e wi' chik inyu'am.

Isaías 38:16 ပူးပေါင်းရင်းမြစ်များ

1 Corintios 11:32

Ut nak narakman a̱tin saꞌ kabe̱n xban li Ka̱cuaꞌ nocokꞌuseꞌ re nak incꞌaꞌ tzꞌekta̱nanbilako kochbeneb li incꞌaꞌ nequeꞌpa̱ban.

San Mateo 4:4

Quichakꞌoc li Jesús ut quixye: —Incꞌaꞌ tinba̱nu aꞌan xban nak tzꞌi̱banbil retalil saꞌ li Santil Hu: Ma̱cuaꞌ caꞌaj cuiꞌ riqꞌuin li naxtzaca yoꞌyo cuiꞌ li cui̱nk; riqꞌuin ban li a̱tin li naxye li Dios.— (Deut. 8:3)

Salmos 119:25

Ca̱mc cue nak nacuecꞌa. Kꞌaxal ra cuanquin. Joꞌcan nak china̱col taxak chiru li ca̱mc joꞌ cayechiꞌi.

Isaías 64:5

La̱at nacattenkꞌan reheb li nequeꞌxba̱nu li us chi anchaleb xchꞌo̱l ut junelic cuan saꞌ xchꞌo̱leb li cꞌaꞌru nacacuaj la̱at. Abanan xban nak junelic yo̱co chi ma̱cobc cha̱cuu, joꞌcan nak xatjoskꞌoꞌ kiqꞌuin. ¿Ma naru ta biꞌ nak tocolekꞌ xban li ma̱c xkaba̱nu?

Salmos 71:20

Usta xina̱canab chixcꞌulbal nabal li raylal ut li chꞌaꞌajquilal, abanan la̱at ta̱qꞌue cuiꞌchic incacuilal. Chanchan cuanquin saꞌ li chamal jul nak yo̱quin chixcꞌulbal li raylal. Abanan la̱at tatcolok cue.

Deuteronomio 8:3

Usta quexcanab chixcuybal raylal ut chixcuybal e̱tzꞌocajic, abanan mokon quixqꞌue li maná re te̱cuaꞌ, li ma̱ jun sut e̱cuaꞌom chi moco le̱ xeꞌto̱nil yucuaꞌ queꞌcuaꞌoc re. Quixba̱nu chi joꞌcan re nak te̱qꞌue retal nak ma̱cuaꞌ caꞌaj cuiꞌ riqꞌuin li cua yoꞌyo cuiꞌ li cui̱nk. Riqꞌuin ban li a̱tin li naxye li Ka̱cuaꞌ.

2 Corintios 4:17

Li raylal li nakacꞌul arin saꞌ ruchichꞌochꞌ, aꞌan junpa̱t ajcuiꞌ ut nakacuy xnumsinquil. Li raylal nakacꞌul, yo̱ chikacauresinquil re jun li kalokꞌal ma̱cꞌaꞌ joꞌ xchakꞌal ru ut ta̱cua̱nk chi junelic.

Hebreos 12:9

Saꞌ kacaꞌchꞌinal, li kanaꞌ kayucuaꞌ nocoeꞌxkꞌus ut naka-oxlokꞌiheb. ¿Ma tojaꞌ ta chic li kachoxahil yucuaꞌ incꞌaꞌ takapa̱b nak toxkꞌus? Cui nakapa̱b li kakꞌusbal naxqꞌue li Dios, cua̱nk kayuꞌam chi junelic.

Salmos 39:13

Chacuuxta̱na taxak cuu ut chaqꞌue taxak caꞌchꞌinak chic xsahil inchꞌo̱l nak toj ma̱jiꞌ nincam.—

Salmos 119:71

Kꞌaxal us chokꞌ cue nak xincꞌul li raylal xban nak riqꞌuin li raylal li xincꞌul, xinqꞌue inchꞌo̱l chixtzolbal la̱ chakꞌrab.

Salmos 119:75

At nimajcual Dios, la̱in ninnau nak nacatrakoc a̱tin saꞌ ti̱quilal. Ut xban nak cha̱bilat cuiqꞌuin, niquina̱kꞌus.

Salmos 30:3

Xina̱col chiru li ca̱mc. Ac ca̱mc raj cue, abanan la̱at xaqꞌue cuiꞌchic inyuꞌam.