Isaías 38:12 - Li Santil hu

¹² Saꞌ inchꞌo̱l la̱in nak li Dios xrisi lin yuꞌam. Chanchan jun li muheba̱l li na-isi̱c saꞌ xnaꞌaj. Malaj ut chanchan jun li tꞌicr li na-isi̱c saꞌ li quemleb. Quincꞌoxla nak li Dios ac xrak lin yuꞌam.

Q'eqchi Bible

¹² Juk'b'il linmuheb'aal ut maq'b'il chiwu jo' xmuheb'aaleb' laj ilol ketomq. Xinb'ot linyu'am jo' naxb'aanu laj kemonel, ut laa'at xaset xnoq'al linkemom. Chi q'eq ut chi kutan yookat chinsachb'al,

Isaías 38:12 ပူးပေါင်းရင်းမြစ်များ

Hebreos 1:12

Junak tꞌicr na-osoꞌ ut najalman. Joꞌcan ajcuiꞌ nak ta̱osokꞌ li ruchichꞌochꞌ ut li choxa. Aban la̱at incꞌaꞌ nacatjaleꞌ. Cua̱nkat ban chi junelic kꞌe cutan. (Sal. 102:25-27)

2 Corintios 5:1

Li katzꞌejcual arin saꞌ ruchichꞌochꞌ chanchan jun li ochoch li na-osoꞌ. La̱o nakanau nak li katzꞌejcual arin saꞌ ruchichꞌochꞌ na-osoꞌ. Abanan ta̱cua̱nk chic jun katzꞌejcual saꞌ choxa li tixqꞌue ke li Dios. Moco joꞌ ta li ochoch arin saꞌ ruchichꞌochꞌ li na-osoꞌ xban nak yi̱banbil xban cui̱nk. Li katzꞌejcual aran saꞌ choxa incꞌaꞌ ta̱osokꞌ. Cua̱nk ban chi junelic.

Salmos 73:14

xban nak rajlal cutan nincꞌul li raylal. Junelic ninqꞌueheꞌ chixtojbal inma̱c.

Santiago 4:14

Aban la̱ex incꞌaꞌ nequenau cꞌaꞌru te̱cꞌul cuulaj caꞌbej xban nak li kayuꞌam chanchan li chok. Junpa̱t ajcuiꞌ nacuan ut junpa̱t chic ac ma̱cꞌaꞌ chic.

2 Corintios 5:4

Nak cuanco arin saꞌ ruchichꞌochꞌ riqꞌuin li katzꞌejcual aꞌin, noco-ayaynac xban li raylal nakacꞌul. Incꞌaꞌ raj chic nakaj li katzꞌejcual li na-osoꞌ. Ma̱cuaꞌ xban nak nakaj ca̱mc. Xban nak nakaj ta ac xkatau li katzꞌejcual saꞌ choxa li ta̱cua̱nk chi junelic.

Isaías 13:20

Ma̱ ani chic teꞌcua̱nk aran. Chalen anakcuan incꞌaꞌ chic ta̱cua̱nk tenamit saꞌ li naꞌajej aꞌan. Eb laj árabe incꞌaꞌ chic teꞌxyi̱b lix muheba̱leb aran, chi moco eb laj ilol xul teꞌxqꞌue lix queto̱mkeb aran.

Isaías 1:8

Caꞌaj chic li tenamit Sión xcana sutsu xbaneb li xicꞌ nequeꞌiloc re. Nacꞌutun chanchan li chꞌina cab li cuan saꞌ xnaꞌaj li acui̱mk uvas. Chanchan li chꞌina cab saꞌ xnaꞌaj li acui̱mk melón.

Salmos 119:23

Eb li cui̱nk li cuanqueb xcuanquil nequeꞌxchꞌutub ribeb ut nequeꞌxcꞌu̱b ru cꞌaꞌru teꞌxba̱nu cue, abanan la̱in incꞌaꞌ xincanab xcꞌoxlanquil li cꞌaꞌru naxye la̱ chakꞌrab.

Salmos 102:11

Yo̱ chi osocꞌ lin yuꞌam. Chanchan nak na-ecuu chi junpa̱t li cutan. Chanchanin aj chic li pim li nachakic chi junpa̱t.

Salmos 31:22

Xban inxiu, xincꞌoxla nak la̱at xina̱canab injunes, at Ka̱cuaꞌ. Abanan nak xinya̱ba a̱cꞌabaꞌ, la̱at xasume li xintzꞌa̱ma cha̱cuu.

Li xHu LAJ JOB 17:1

Osocꞌ cue nak nacuecꞌa. Ra sa nak na-el lin musikꞌ. Lin yuꞌam yo̱ chi osocꞌ. Lin julel ac yo̱ chi oybeni̱nc.

Li xHu LAJ JOB 14:2

Lix yuꞌameb aꞌan chanchan li utzꞌuꞌuj napuqꞌueꞌ ut junpa̱t natzꞌumar. Saꞌ junpa̱t na-osoꞌ ut incꞌaꞌ chic nacuan.

Li xHu LAJ JOB 6:9

Us raj nak tixsach ta cuu li Dios chi junaj cua. Chi-osokꞌ ta lin yuꞌam.

Li xHu LAJ JOB 4:20

Li cristian ma̱re yoꞌyo̱k chiru li ekꞌela ut chiru li ecuu ma̱ anihak chic. Ac x-osoꞌ. Ta̱ca̱mk chi junaj cua ut ma̱ ani chic ta̱patzꞌok re.

Salmos 90:5

Joꞌcan ajcuiꞌ li kayuꞌam. Saꞌ junpa̱t nacacuisi chiku. Chanchan nak naxic li rok li haꞌ. Chanchan li matqꞌuec. Ut chanchan li pim.