Isaías 38:10 - Li Santil hu

¹⁰ —La̱in quinye saꞌ inchꞌo̱l nak li Dios ta̱risi lin yuꞌam nak toj sa̱jin. Saꞌ inchꞌo̱l la̱in nak tinxic saꞌ xya̱nkeb li camenak ut incꞌaꞌ tinti̱xk saꞌ ruchichꞌochꞌ.

Q'eqchi Bible

¹⁰ Laa'in xinye sa' linch'ool: Sa' xyiitoq linyu'am tinq'ajq tinsutq'iiq; tento tinxik chi xchoyb'al linyu'am sa' xyanqeb' li kamenaq.

Isaías 38:10 ပူးပေါင်းရင်းမြစ်များ

2 Corintios 1:9

Xkacꞌoxla nak ac tenebanbil ca̱mc saꞌ kabe̱n. Us ajcuiꞌ nak quikacꞌul chi joꞌcan re nak cua̱nk xcacuilal kachꞌo̱l riqꞌuin li Dios li nacuaclesin re li camenak chi yoꞌyo ut incꞌaꞌ takacꞌoxla nak cuan xcacuilal kachꞌo̱l kajunes kib.

Salmos 102:24

La̱in quintijoc ut quinye re: —At Ka̱cuaꞌ, mina̱canab chi ca̱mc saꞌ insa̱jilal. Incꞌaꞌ taxak tinca̱mk chi toj ma̱jiꞌ ninti̱x. At Ka̱cuaꞌ, la̱at cuancat chi junelic kꞌe cutan.

Salmos 107:18

Ca̱mqueb re xban nak incꞌaꞌ queꞌraj cuaꞌac.

Li xHu LAJ JOB 7:7

At Ka̱cuaꞌ, at inDios, lin yuꞌam yo̱ chi osocꞌ saꞌ junpa̱t. Ma̱cꞌaꞌ chic xsahil inchꞌo̱l.

Isaías 38:1

Saꞌ eb li cutan aꞌan quiyajer li rey Ezequías. Nak nim xyajel quicuulac li profeta Isaías li ralal laj Amoz riqꞌuin ut quixye re: —Joꞌcaꞌin xye a̱cue li Ka̱cuaꞌ. Yi̱b ru chixjunil li cꞌaꞌru tento ta̱yi̱b ru saꞌ la̱ cuochoch xban nak ca̱mc a̱cue. Incꞌaꞌ chic tatqꞌuira̱k, chan.

Li xHu LAJ JOB 6:11

La̱in nacuecꞌa nak ma̱cꞌaꞌ chic inmetzꞌe̱u re xcꞌulbal li raylal. ¿Cꞌaꞌ chic ru aj e nak yoꞌyo̱kin cui ma̱cꞌaꞌ chic ninyoꞌoni?

Eclesiastés 9:10

Chixjunil li naru ta̱ba̱nu saꞌ ruchichꞌochꞌ, chaba̱nuhak, aꞌ yal joꞌ qꞌuial ta̱cuy xba̱nunquil. Nak tatca̱mk, ma̱cꞌaꞌ chic ta̱ru̱k ta̱ba̱nu. Nak ac cua̱nkat chic saꞌ li jul, incꞌaꞌ chic tatcꞌanjelak. Ma̱cꞌaꞌak chic a̱cꞌaꞌux ut ma̱cꞌaꞌak chic a̱naꞌleb.

Isaías 38:9

Nak acak xqꞌuira laj Ezequías lix reyeb laj Judá quixtzꞌi̱ba li a̱tin aꞌin re xlokꞌoninquil li Dios:

Jonás 2:6

Kꞌaxal cham cuiꞌchic xincuulac. Chanchan xchamal cuan cuiꞌ chak lix xeꞌ li tzu̱l. Quincꞌoxla nak aran tincana̱k chi junaj cua xban nak ma̱ bar chic naru nin-el chak. Abanan la̱at, at Ka̱cuaꞌ, quina̱col. Quina̱col chiru li ca̱mc, at inDios.

Salmos 31:23

Cherahak li Ka̱cuaꞌ che̱junilex la̱ex li ti̱c e̱chꞌo̱l xban nak li Ka̱cuaꞌ naxcoleb li ti̱queb xchꞌo̱l ut kꞌaxal cuiꞌchic ra teꞌxcꞌul li nequeꞌxnimobresi ribeb nak li Ka̱cuaꞌ tixqꞌueheb chixtojbal lix ma̱queb.

Salmos 102:25

Najter kꞌe cutan la̱at catyi̱ban re li ruchichꞌochꞌ. Ut la̱at ajcuiꞌ catyi̱ban re li choxa riqꞌuin la̱ cuukꞌ.