Isaías 38:1 - Li Santil hu

¹ Saꞌ eb li cutan aꞌan quiyajer li rey Ezequías. Nak nim xyajel quicuulac li profeta Isaías li ralal laj Amoz riqꞌuin ut quixye re: —Joꞌcaꞌin xye a̱cue li Ka̱cuaꞌ. Yi̱b ru chixjunil li cꞌaꞌru tento ta̱yi̱b ru saꞌ la̱ cuochoch xban nak ca̱mc a̱cue. Incꞌaꞌ chic tatqꞌuira̱k, chan.

Q'eqchi Bible

¹ Sa'eb' li kutan a'an kiyajerk laj Esekías. Naq kamk re, kiwulak laj Isaías, ralal laj Amós, chi xyeeb'al re: “Jo'ka'in xye li Qaawa': «Yiib' xhuhul laajunkab'lal, xb'aan naq kamk aawe ut ink'a' chik tatk'iraaq»”.

Isaías 38:1 ပူးပေါင်းရင်းမြစ်များ

2 Crónicas 32:24

Saꞌ eb li cutan aꞌan laj Ezequías quichapeꞌ xban jun nimla yajel ut ca̱mc re. Abanan quitijoc chiru li Ka̱cuaꞌ ut li Ka̱cuaꞌ quirabi lix tij ut quixcꞌutbesi jun li milagro chiru.

2 Samuel 17:23

Laj Ahitofel quixqꞌue retal nak incꞌaꞌ queꞌxba̱nu li cꞌaꞌru quixye reheb. Joꞌcan nak quixyi̱b rix lix bu̱r ut quitakeꞌ chirix ut quisukꞌi saꞌ xtenamit. Quixyi̱b ru li cꞌaꞌru re saꞌ li rochoch. Ut chirix aꞌan quixyatzꞌ rib. Joꞌcaꞌin nak quicam laj Ahitofel. Quimukeꞌ saꞌ li mukleba̱l li quimukeꞌ cuiꞌ lix yucuaꞌ.

Jonás 3:10

Li Dios quiril nak queꞌxjal xcꞌaꞌuxeb ut queꞌxcanab xba̱nunquil li ma̱usilal li queꞌxba̱nu. Joꞌcan nak li Dios quixjal xcꞌaꞌux ut incꞌaꞌ quixqꞌue li raylal saꞌ xbe̱neb li quixcꞌoxla xba̱nunquil reheb.

Hechos 9:37

Saꞌ eb li cutan aꞌan quiyajer ut quicam. Queꞌratesi ut queꞌxjilib saꞌ jun li naꞌajej li cuan sa xcaꞌ tasal li cab.

Jonás 3:4

Nak qui-oc laj Jonás saꞌ li tenamit quixtiquib xyebal li cꞌaꞌru quiyeheꞌ re xban li Dios. Quixnumsi li jun cutan xbeninquil li tenamit ut yo̱ chixyebal reheb: —Joꞌcaꞌin saꞌ caꞌcꞌa̱l cutan li tenamit Nínive ta̱sachekꞌ ru xban li Dios, chan.

Isaías 37:21

Ut li profeta Isaías quixtakla xyebal re li rey Ezequías li cꞌaꞌru quixye li Ka̱cuaꞌ. Quixye re: —At rey, aꞌan aꞌin li naxye a̱cue li Ka̱cuaꞌ lix Dioseb laj Israel. La̱in xcuabi li cꞌaꞌru xatzꞌa̱ma chicuu chirix laj Senaquerib lix reyeb laj Asiria.

Isaías 37:2

Ut quixtaklaheb riqꞌuin li profeta Isaías li ralal laj Amoz laj Eliaquim li na-iloc re li palacio rochben laj Sebna laj tzꞌi̱b, joꞌ eb ajcuiꞌ li nequeꞌcꞌamoc be saꞌ xya̱nkeb laj tij. Cuan li kꞌes ru tꞌicr chirixeb nak queꞌco̱eb.

Isaías 1:1

Aꞌan aꞌin li quicꞌutbesi̱c chiru laj Isaías li ralal laj Amoz xban li Dios. Li cꞌaꞌru quicꞌutbesi̱c chiru saꞌ visión, aꞌan chirixeb laj Judá ut laj Jerusalén. Aꞌin quicꞌutbesi̱c chiru nak queꞌcuan chokꞌ xreyeb laj Judá laj Uzías, laj Jotam, laj Acaz ut laj Ezequías.

Eclesiastés 9:10

Chixjunil li naru ta̱ba̱nu saꞌ ruchichꞌochꞌ, chaba̱nuhak, aꞌ yal joꞌ qꞌuial ta̱cuy xba̱nunquil. Nak tatca̱mk, ma̱cꞌaꞌ chic ta̱ru̱k ta̱ba̱nu. Nak ac cua̱nkat chic saꞌ li jul, incꞌaꞌ chic tatcꞌanjelak. Ma̱cꞌaꞌak chic a̱cꞌaꞌux ut ma̱cꞌaꞌak chic a̱naꞌleb.

2 Samuel 12:22

Laj David quixye reheb: —Ya̱l nak xin-ayunic ut xinya̱bac nak toj ma̱jiꞌ nacam. Xincꞌoxla nak ma̱re li Ka̱cuaꞌ ta̱ril xtokꞌoba̱l cuu ut tixqꞌuirtesi li cualal.