Isaías 37:7 - Li Santil hu

⁷ La̱in tintakla jun esilal. Nak lix reyeb laj Asiria ta̱rabi, ta̱xucuak ut ta̱xic cuiꞌchic saꞌ xtenamit. Nak ac cua̱nk chic saꞌ xtenamit, ta̱camsi̱k chi chꞌi̱chꞌ,” chan li Ka̱cuaꞌ.

Q'eqchi Bible

⁷ Ok we chi roksinkil rik'in laj Senakerib jun musiq'ej re xpo'b'al li xch'ool: taarab'i jun li esil taa'ok wi' xxiw ut taasutq'iiq sa' li xtenamit chi junpaat, ut aran toxkamsiiq chi ch'iich'»”.

Isaías 37:7 ပူးပေါင်းရင်းမြစ်များ

Isaías 37:9

Li rey Senaquerib quirabi resil nak laj Tirhaca lix reyeb laj Etiopía quichal chi pletic riqꞌuineb. Joꞌcan nak quixtakla cuiꞌchic lix takl riqꞌuin laj Ezequías.

2 Crónicas 32:21

Ut li Ka̱cuaꞌ Dios quixtakla jun li ángel re tixsach ruheb li cauheb rib chi pletic joꞌ eb ajcuiꞌ li nequeꞌcꞌamoc be saꞌ xya̱nkeb ut li nequeꞌtaklan saꞌ xbe̱neb lix soldado lix reyeb laj Asiria. Ut lix reyeb laj Asiria quisukꞌi saꞌ lix tenamit chi yo̱ xxuta̱n. Nak qui-oc saꞌ lix templo lix dios, eb li ralal queꞌxcamsi chi chꞌi̱chꞌ.

Li xHu LAJ JOB 15:21

Yalak cꞌaꞌru narabi, naxucuac. Ut nak naxcꞌoxla nak sa saꞌ xchꞌo̱l, nequeꞌcuulac laj e̱lkꞌ chirelkꞌanquil li cꞌaꞌru reheb.

Li xHu LAJ JOB 4:9

Li Dios naxqꞌueheb chi sachc. Xban xjoskꞌil li Dios, naxsacheb ru chi junaj cua.

2 Reyes 7:6

Li Ka̱cuaꞌ quixqꞌueheb laj Siria chirabinquil jun li choki̱nc. Chanchan xya̱b li carruaje ut li cacua̱y nak yo̱queb chi cha̱lc nabaleb li soldado. Saꞌ xchꞌo̱leb laj Siria nak lix reyeb laj Israel queꞌxjunaji ribeb riqꞌuineb laj hiteo ut eb laj Egipto ut yo̱queb chi cha̱lc chi pletic riqꞌuineb.

Salmos 58:9

Riqꞌuin xjoskꞌil li Dios tixsacheb saꞌ junpa̱t chi incꞌaꞌ teꞌxqꞌue retal. Chanchanakeb li pim li na-osoꞌ xban xam chi toj ma̱cꞌaꞌ xqꞌuix.

Isaías 37:29

Xban nak ninnau nak yo̱ a̱joskꞌil ut xakꞌetkꞌeti a̱cuib chicuu, joꞌcan nak la̱in tinram le̱ be. Chanchan nak tinqꞌue jun li chꞌi̱chꞌ saꞌ la̱ cuuꞌuj ut jun li chꞌi̱chꞌ saꞌ a̱cue. Ut tatinqꞌue cuiꞌchic chi sukꞌi̱c saꞌ li xatchal cuiꞌ chak, chan li Ka̱cuaꞌ.