Isaías 37:2 - Li Santil hu

² Ut quixtaklaheb riqꞌuin li profeta Isaías li ralal laj Amoz laj Eliaquim li na-iloc re li palacio rochben laj Sebna laj tzꞌi̱b, joꞌ eb ajcuiꞌ li nequeꞌcꞌamoc be saꞌ xya̱nkeb laj tij. Cuan li kꞌes ru tꞌicr chirixeb nak queꞌco̱eb.

Q'eqchi Bible

² Tikto kixtaqla laj Eliakín, laj ilol re li rochoch, jo'wi' laj Sebná laj tz'iib' ut eb' li xtiixilaleb' laj tij, chi wank q'es ruhil t'ikr chirixeb',

Isaías 37:2 ပူးပေါင်းရင်းမြစ်များ

Isaías 1:1

Aꞌan aꞌin li quicꞌutbesi̱c chiru laj Isaías li ralal laj Amoz xban li Dios. Li cꞌaꞌru quicꞌutbesi̱c chiru saꞌ visión, aꞌan chirixeb laj Judá ut laj Jerusalén. Aꞌin quicꞌutbesi̱c chiru nak queꞌcuan chokꞌ xreyeb laj Judá laj Uzías, laj Jotam, laj Acaz ut laj Ezequías.

Joel 1:13

La̱ex aj tij, li nequexcꞌanjelac chiru lix artal li Ka̱cuaꞌ, chexya̱bak ut cheqꞌuehak e̱rakꞌ kꞌes ru che̱rix re rahil chꞌo̱lej. Ut chenumsihak li kꞌojyi̱n chi ra saꞌ le̱ chꞌo̱l xban nak ma̱cꞌaꞌ chic li cꞌaꞌru te̱mayeja chiru li artal saꞌ lix templo li Ka̱cuaꞌ.

Isaías 37:14

Laj Ezequías quixcꞌul li hu riqꞌuineb lix takl laj Asiria ut quiril cꞌaꞌru naxye. Chirix aꞌan co̱ saꞌ rochoch li Ka̱cuaꞌ Dios ut quixqꞌue li hu chi teto chiru li Ka̱cuaꞌ Dios.

Isaías 36:3

Oxib reheb laj Jerusalén li nequeꞌcꞌanjelac saꞌ li palacio queꞌco̱eb chi a̱tinac riqꞌuineb. Aꞌaneb aꞌin: laj Eliaquim li merto̱m li ralal laj Hilcías; laj Sebna laj tzꞌi̱b; laj Joa laj ilol re li hu. Aꞌan ralal laj Asaf.

2 Crónicas 20:20

Cuulajak chic nak toj ekꞌela queꞌcuacli ut queꞌco̱eb saꞌ li chaki chꞌochꞌ Tecoa. Nak ac e̱lqueb re, laj Josafat quixakli chiruheb ut quixye reheb: —Cherabihak la̱ex aj Judá ut la̱ex aj Jerusalén. Chepa̱b li Ka̱cuaꞌ le̱ Dios re nak aꞌan ta̱tenkꞌa̱nk e̱re. Ut cꞌojobomak e̱chꞌo̱l riqꞌuineb lix profetas re nak us tex-e̱lk, chan.

2 Reyes 19:2

Ut quixtaklaheb laj Eliaquim li na-iloc re li palacio rochben laj Sebna laj tzꞌi̱b ut eb li nequeꞌcꞌamoc be saꞌ xya̱nkeb laj tij riqꞌuin li profeta Isaías, li ralal laj Amoz. Cuan li kꞌes ru tꞌicr chirixeb nak queꞌco̱eb.

2 Reyes 18:18

Eb li oxib chi cui̱nk li ni̱nkeb xcuanquil queꞌxtakla xbokbal li rey Ezequías. Oxib li cui̱nk li nequeꞌtenkꞌan re laj Ezequías queꞌco̱eb chi a̱tinac riqꞌuineb. Aꞌaneb aꞌin li oxib chi cui̱nk: laj Eliaquim, li ralal laj Hilcías, li na-iloc re li palacio; laj Sebna laj tzꞌi̱b; ut laj Joa, li ralal laj Asaf, li najolomin re li nequeꞌxococ re li hu.

Isaías 20:2

Saꞌ eb li cutan aꞌan li Ka̱cuaꞌ quia̱tinac riqꞌuin laj Isaías li ralal laj Amoz ut quixye re: —Isi li kꞌes ru tꞌicr li cuan cha̱cuix ut li xa̱b li cuan cha̱cuok, chan. Ut joꞌcan quixba̱nu laj Isaías. Quibe̱c chi ma̱cꞌaꞌ xa̱b ut chi ma̱cꞌaꞌ li kꞌes ru tꞌicr chirix.

Isaías 22:15

Aꞌan aꞌin li quixye cue li Ka̱cuaꞌ, li nimajcual Dios: —Tatxic riqꞌuin laj Sebna, li nataklan saꞌ xbe̱neb li nequeꞌcꞌanjelac saꞌ li palacio ut ta̱ye re,

Isaías 22:20

Li Ka̱cuaꞌ Dios quixye re laj Sebna: —Saꞌ eb li cutan aꞌan la̱in tinbok cuiqꞌuin laj Eliaquim laj cꞌanjel chicuu, li ralal laj Hilcías.

Isaías 37:21

Ut li profeta Isaías quixtakla xyebal re li rey Ezequías li cꞌaꞌru quixye li Ka̱cuaꞌ. Quixye re: —At rey, aꞌan aꞌin li naxye a̱cue li Ka̱cuaꞌ lix Dioseb laj Israel. La̱in xcuabi li cꞌaꞌru xatzꞌa̱ma chicuu chirix laj Senaquerib lix reyeb laj Asiria.

Isaías 38:1

Saꞌ eb li cutan aꞌan quiyajer li rey Ezequías. Nak nim xyajel quicuulac li profeta Isaías li ralal laj Amoz riqꞌuin ut quixye re: —Joꞌcaꞌin xye a̱cue li Ka̱cuaꞌ. Yi̱b ru chixjunil li cꞌaꞌru tento ta̱yi̱b ru saꞌ la̱ cuochoch xban nak ca̱mc a̱cue. Incꞌaꞌ chic tatqꞌuira̱k, chan.

Ester 4:1

Nak quirabi li cꞌaꞌru quicꞌulman, laj Mardoqueo quixpej li rakꞌ xban xrahil xchꞌo̱l ut quixqꞌue li kꞌes ru tꞌicr chirix ut quixqꞌue li cha chirix. Ut co̱ saꞌ li tenamit. Japjo re chi ya̱bac xban xrahil xchꞌo̱l.

Isaías 22:12

Saꞌ li cutan aꞌan li Ka̱cuaꞌ li nimajcual Dios quixye e̱re nak texya̱bak ut te̱yotꞌ e̱chꞌo̱l. Te̱qꞌue li kꞌes ru tꞌicr che̱rix ut te̱bes le̱ jolom.