Isaías 34:3 - Li Santil hu

³ Eb li camenak telajeꞌcana̱k chi tꞌantꞌo ut cꞌajoꞌak xchuhaleb. Ut ta̱osokꞌ li tzu̱l saꞌ lix quiqꞌueleb.

Q'eqchi Bible

³ Eb' li kamenaq te'jilixinq sa' b'e, k'ajo'aq xchuhil eb' li kamenaqeb'; chanchanaq roq nima' li kik' sa'atqeb' li tzuul!

Isaías 34:3 ပူးပေါင်းရင်းမြစ်များ

Joel 2:20

La̱in tinyolesiheb laj sa̱cꞌ li queꞌchal saꞌ li norte. Cuan li tebintakla saꞌ li chaki chꞌochꞌ. Cuan li tebintakla saꞌ li palau Mar Muerto ut cuan li tebintakla saꞌ li palau Mediterráneo. Ut telajeꞌca̱mk. Teꞌkꞌa̱k ut teꞌchuhokꞌ. Sachba chꞌo̱lej tinba̱nu nak tincoleb lin tenamit, chan.

Ezequiel 39:4

Saꞌ eb li tzu̱l li cuanqueb Israel tatcamsi̱k a̱cuochbeneb la̱ soldado, joꞌ eb ajcuiꞌ li jun chꞌol chic tenamit li yo̱keb chi tenkꞌa̱nc a̱cue. Ut tincanabeb le̱ tibel chixtiuheb li soꞌsol ut eb li joskꞌ aj xul li cuanqueb saꞌ qꞌuicheꞌ.

Isaías 34:7

Eb li tenamit aꞌan teꞌcamsi̱k joꞌ nak nequeꞌcamsi̱c li cuacax ut li toro. Lix quiqꞌueleb tixtꞌakresi li chꞌochꞌ ut lix xe̱buleb ta̱osokꞌ saꞌ li poks,

Apocalipsis 14:20

Ut queꞌxyatzꞌ li ru li uvas saꞌ li yatzꞌleba̱l li cuan chirix li tenamit. Ut nabal li xyaꞌal. Chanchan nimaꞌ nak qui-el saꞌ li yatzꞌleb. Quicuulac toj saꞌ reheb li cacua̱y ut quibe̱c rok lix yaꞌal ut oxib ciento kilómetro rok quicuulac. (Lix yaꞌal li ru li uvas aꞌan retalil xquiqꞌueleb li cristian li teꞌcamsi̱k nak ta̱rakekꞌ a̱tin saꞌ xbe̱neb).

Amós 4:10

Ut quixye ajcuiꞌ: —Xintakla li raylal saꞌ e̱be̱n joꞌ quintakla saꞌ xbe̱neb laj Egipto. Xebincanab chi camsi̱c saꞌ li ple̱t le̱ ralal li toj sa̱jeb. Aꞌ chic li xicꞌ nequeꞌiloc e̱re queꞌe̱chanin re le̱ cacua̱y. Ut queꞌchuhoꞌ le̱ camenak saꞌ li naꞌajej queꞌpletic cuiꞌ. Ut la̱ex querutzꞌ lix chuhil. Abanan riqꞌuin chixjunil li raylal aꞌin incꞌaꞌ xeraj sukꞌi̱c cuiqꞌuin.

Ezequiel 39:11

Li Ka̱cuaꞌ quixye: —Saꞌ eb li cutan nak ta̱cꞌulma̱nk aꞌin, la̱in tinqꞌue xnaꞌaj laj Gog re ta̱mukekꞌ cuiꞌ aran Israel saꞌ li ru takꞌa li nequeꞌnumeꞌ cuiꞌ li nequeꞌxic saꞌ li este jun pacꞌal li palau Mar Muerto. Aran ta̱mukekꞌ laj Gog rochbeneb li qꞌuila soldado. Xban aꞌan incꞌaꞌ chic ta̱ru̱k teꞌnumekꞌ li tenamit. “Hamón-gog” ta̱qꞌuehekꞌ chokꞌ xcꞌabaꞌ li naꞌajej aꞌan.

Ezequiel 38:22

Tebinqꞌue chi camsi̱c ut tinqꞌue li caki yajel saꞌ xbe̱n laj Gog ut saꞌ xbe̱neb lix qꞌuila soldado ut saꞌ xbe̱neb chixjunileb li yo̱keb chi oque̱nc chirix. Kꞌaxal cau li hab ta̱cha̱lk saꞌ xbe̱neb. Ta̱tꞌanekꞌ li sakbach saꞌ xbe̱neb rochben xam ut azufre.

Ezequiel 35:6

Joꞌcan nak la̱in li yoꞌyo̱quil Dios ninye e̱re nak relic chi ya̱l nak texca̱mk. Incꞌaꞌ naru te̱col e̱rib. La̱ex xexcamsin. Joꞌcan nak texcamsi̱k ajcuiꞌ la̱ex.

Ezequiel 14:19

Malaj ut tintakla li caki yajel saꞌ li tenamit aꞌan ut xban nak yo̱ injoskꞌil saꞌ xbe̱neb la̱in tincamsiheb li cristian ut eb li xul.

Jeremías 22:19

Teꞌxmuk joꞌ nak namukeꞌ li bu̱r. Quelonbil teꞌxba̱nu nak teꞌxcꞌam toj chirix li tenamit Jerusalén. Ta̱cutekꞌ toj jun pacꞌal li oqueba̱l.

Isaías 10:4

Cui incꞌaꞌ te̱cubsi e̱rib la̱ex texcamsi̱k saꞌ li ple̱t, malaj ut texchapekꞌ ut texcꞌamekꞌ chi pre̱xil saꞌ jalan tenamit. Abanan chi moco riqꞌuin aꞌan ta̱numekꞌ xjoskꞌil li Dios. Toj texqꞌue chixtojbal e̱ma̱c.

Isaías 66:24

Teꞌe̱lk ut teꞌril lix tibeleb li cristian li xeꞌtzꞌekta̱nan cue. Ac camenakeb chic. Eb li motzoꞌ li nequeꞌcꞌuxuc re lix tibel incꞌaꞌ teꞌca̱mk, chi moco ta̱chupk li xam li nacꞌatoc reheb. Cꞌajoꞌak xyibaleb ru ta̱cꞌutu̱nk chiruheb li tenamit, chan li Ka̱cuaꞌ Dios.

Jeremías 25:33

Ut eb li xeꞌqꞌueheꞌ chi camsi̱c xban li Ka̱cuaꞌ tꞌanaxi̱nkeb yalak bar saꞌ chꞌochꞌ joꞌ li cꞌot. Ma̱ ani ta̱ya̱bak chirixeb, chi moco teꞌmukekꞌ.

Nahum 3:3

Nak yo̱queb chi cha̱lc chi camsi̱nc chirix lix cacua̱yeb, cꞌajoꞌ nak nalemtzꞌun lix la̱nseb ut lix chꞌi̱chꞌeb nak nequeꞌxtaksi. Numtajenak cuiꞌchic nabal li tochꞌoleb ut kꞌaxal cuiꞌchic nabaleb li camenak. Nequeꞌxtich li rokeb chiruheb li camenak li yo̱queb chi pletic.

Ezequiel 32:4

Ut tatincut saꞌ chꞌochꞌ ut aran tatincanab chi camenak re nak eb li soꞌsol ut eb li joskꞌ aj xul teꞌxtiu la̱ tibel re nak teꞌnujak xsaꞌeb.