Isaías 34:2 - Li Santil hu

² Xban nak li Ka̱cuaꞌ Dios yo̱ xjoskꞌil saꞌ xbe̱neb li tenamit ut saꞌ xbe̱neb ajcuiꞌ lix soldado, tixkꞌaxtesiheb re nak teꞌcamsi̱k ut re nak teꞌsachekꞌ ruheb chi junaj cua.

Q'eqchi Bible

² K'ajo' xjosq'il li Qaawa' rik'in chixjunil li tenamit jo'wi' rik'in chixjunileb' laj puub'. Xteneb' li tojb'amaak sa' xb'eeneb' ut xq'axtesiheb' chi kamk.

Isaías 34:2 ပူးပေါင်းရင်းမြစ်များ

Sofonías 3:8

Joꞌcan nak chine̱roybeni cuan, chan li Ka̱cuaꞌ, toj ta̱cuulak xkꞌehil nak tincuisi injoskꞌil saꞌ e̱be̱n. La̱in ac xinye nak tinchꞌutubeb ru lix ni̱nkal ru tenamit ut tinrakok a̱tin saꞌ xbe̱neb. Chanchan li xam nak tincꞌut lin joskꞌil che̱ru. Tinsacheb ru chixjunil le̱ tenamit xban nak yo̱ injoskꞌil saꞌ e̱be̱n.

Zacarías 14:3

Nak acak xeꞌxcꞌul aꞌan li Ka̱cuaꞌ chic ta̱xic chi pletic riqꞌuineb li xni̱nkal ru tenamit joꞌ quixba̱nu nak queꞌpletic chak junxil.

Isaías 30:25

Nak ta̱cuulak xkꞌehil nak teꞌcamsi̱k eb li xicꞌ nequeꞌiloc e̱re, ta̱cua̱nk cuiꞌchic li haꞌ saꞌ eb li nimaꞌ li cuanqueb saꞌ eb li xbe̱n bol ut saꞌ eb li xbe̱n tzu̱l.

Isaías 13:5

Najt xeꞌchal chak li soldados. Li Ka̱cuaꞌ yo̱ chi cha̱lc rochbeneb re tixsacheb ru li cuanqueb Babilonia xban nak yo̱ xjoskꞌil saꞌ xbe̱neb.

Apocalipsis 20:15

Ut li ani incꞌaꞌ quitaꞌeꞌ xcꞌabaꞌeb saꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic, aꞌaneb li queꞌcuteꞌ saꞌ li xam li chanchan palau.

Apocalipsis 20:9

Yalak bar saꞌ ruchichꞌochꞌ teꞌcha̱lk chi pletic ut teꞌxsut li tenamit li raro xban li Dios li cuanqueb cuiꞌ li ralal xcꞌajol. Li Dios tixtakla chak li xam saꞌ choxa ut tixsach ruheb chixjunileb li xicꞌ nequeꞌiloc re.

Romanos 1:18

Li Dios yo̱ chak xjoskꞌil toj saꞌ choxa saꞌ xbe̱neb laj ma̱c. Riqꞌuin lix ma̱usilaleb nequeꞌxtzꞌekta̱na lix ya̱lal ut nequeꞌxmuk ajcuiꞌ chiruheb li ras ri̱tzꞌin.

Isaías 10:5

Li Ka̱cuaꞌ quixye: —Eb laj Asiria nequeꞌcꞌanjelac chicuu joꞌ jun li tzꞌu̱m re xqꞌuebaleb chixtojbal xma̱queb li tenamit li yo̱ injoskꞌil saꞌ xbe̱n.

Isaías 13:6

Japomak e̱re chi ya̱bac xban li raylal li te̱cꞌul xban nak cuulac re xkꞌehil nak li Ka̱cuaꞌ Dios tixsach e̱ru.

Isaías 26:20

Ex intenamit, ocankex saꞌ le̱ rochoch ut tzꞌapomak li oqueba̱l. Mukumak caꞌchꞌinak e̱rib toj ta̱numekꞌ xjoskꞌil li Dios.

Isaías 61:2

Quinixtakla chixyebal resil nak ac xcuulac xkꞌehil nak li Ka̱cuaꞌ tixcoleb lix tenamit ut tixsach xcuanquileb li xicꞌ nequeꞌiloc re. Quinixtakla ajcuiꞌ chixcꞌojobanquil xchꞌo̱leb li raheb saꞌ xchꞌo̱l.

Isaías 63:6

Xban nak yo̱ injoskꞌil, xinsacheb ru li tenamit, li xicꞌ nequeꞌiloc cue. Xhoyeꞌ lix quiqꞌueleb saꞌ chꞌochꞌ nak xeꞌosoꞌ, chan li Dios.

Isaías 65:12

Joꞌcan nak la̱in xinteneb ca̱mc saꞌ e̱be̱n. Texinqꞌue chi camsi̱c chi chꞌi̱chꞌ xban nak quexinbok ut incꞌaꞌ quine̱chakꞌbe. Nak quexcua̱tina incꞌaꞌ quine̱rabi. Queba̱nu ban li incꞌaꞌ us chicuu. Queba̱nu li incꞌaꞌ nacuulac chicuu.

Isaías 66:14

Nak te̱ril Jerusalén la̱ex ta̱sahokꞌ saꞌ e̱chꞌo̱l. Ta̱cua̱nk e̱cacuilal. Chanchanakex li cha̱bil pachꞌayaꞌ. Ut la̱ex te̱nau nak li Ka̱cuaꞌ naxtenkꞌaheb li nequeꞌcꞌanjelac chiru. Ut najoskꞌoꞌ saꞌ xbe̱neb li xicꞌ nequeꞌiloc re.

Jeremías 25:32

Ut li Ka̱cuaꞌ quixye ajcuiꞌ nak ta̱cha̱lk raylal saꞌ xbe̱neb li junju̱nk chi xni̱nkal ru tenamit. Cꞌajoꞌ li raylal li teꞌxcꞌul chixjunileb li cuanqueb saꞌ ruchichꞌochꞌ. Chanchanak li ca̱k-sut-ikꞌ li nasachoc.

Jeremías 25:33

Ut eb li xeꞌqꞌueheꞌ chi camsi̱c xban li Ka̱cuaꞌ tꞌanaxi̱nkeb yalak bar saꞌ chꞌochꞌ joꞌ li cꞌot. Ma̱ ani ta̱ya̱bak chirixeb, chi moco teꞌmukekꞌ.

Éxodo 8:14

Ut eb li cristian quilajeꞌxchꞌutub li camenak amoch ut cꞌajoꞌ nak quichuhoꞌ li tenamit xban xbo̱c li amoch.

Josué 11:20

Li Ka̱cuaꞌ quixcacuubresi lix chꞌo̱leb li tenamit li cuanqueb Canaán re nak teꞌpletik, re nak teꞌsachekꞌ ruheb chixjunileb xbaneb laj Israel. Li Ka̱cuaꞌ Dios ac quixye re laj Moisés nak incꞌaꞌ teꞌril xtokꞌoba̱l ruheb. Teꞌxcamsiheb ban chixjunileb.

Salmos 2:5

Ut li Dios tixkꞌuseb ajcuiꞌ saꞌ joskꞌil. Ut eb aꞌan teꞌxucuak xban nak cꞌajoꞌ xjoskꞌil nak ta̱a̱tinak.

Isaías 66:16

Li Ka̱cuaꞌ ta̱rakok a̱tin saꞌ xbe̱neb riqꞌuin xam ut riqꞌuin chꞌi̱chꞌ tixcamsiheb. Kꞌaxal nabalakeb li teꞌcamsi̱k xban li Ka̱cuaꞌ.

Jeremías 25:31

Teꞌrabi chixjunileb toj saꞌ xmaril li ruchichꞌochꞌ nak li Ka̱cuaꞌ li nimajcual Dios ta̱rakok a̱tin saꞌ xbe̱neb li tenamit. Li Ka̱cuaꞌ tixqꞌueheb chixjunileb chixtojbal lix ma̱queb ut tixqꞌueheb chi camsi̱c riqꞌuin chꞌi̱chꞌ li nequeꞌba̱nun re li ma̱usilal, chan li Ka̱cuaꞌ.

Ezequiel 36:5

Nak yo̱ injoskꞌil la̱in li nimajcual Dios quina̱tinac chirix li tenamit Edom joꞌ eb ajcuiꞌ li jun chꞌol chic tenamit li cuanqueb che̱jun sutam. Kꞌaxal sa saꞌ xchꞌo̱leb nak queꞌrelkꞌa li cꞌaꞌru e̱re la̱ex lin tenamit ut queꞌxcꞌam chokꞌ reheb.