Isaías 33:2 - Li Santil hu

² At Ka̱cuaꞌ, chacuuxta̱na taxak ku. La̱at li kayoꞌon. Chaqꞌue taxak xcacuil li kok kukꞌ chi cuulaj cuulaj. Ut choa̱col nak yo̱ko chixcꞌulbal li raylal.

Q'eqchi Bible

² At Qaawa', chawuxtaana taxaq qu, aawik'in yooko chi oyb'enink. Laa'ataq xkawub' qach'ool rajlal eq'la, laa'ataq laj kolol qe sa' xq'ehil li rahilal.

Isaías 33:2 ပူးပေါင်းရင်းမြစ်များ

Isaías 59:16

Li Ka̱cuaꞌ quisach xchꞌo̱l chirilbal nak ma̱ ani natenkꞌan reheb li rahobtesinbileb. Ma̱ ani na-oquen chirixeb. Joꞌcan nak riqꞌuin xcuanquil quixcoleb ut quixxakab xcuanquil li ti̱quilal.

Isaías 25:9

Saꞌ li cutan aꞌan eb li tenamit teꞌxye: —Relic chi ya̱l li Ka̱cuaꞌ, aꞌan li kaDios. Xkacꞌojob kachꞌo̱l riqꞌuin ut aꞌan xcoloc ke. Aꞌan li Ka̱cuaꞌ li kaDios. Xkapa̱b li Dios ut anakcuan aꞌan xcoloc ke. Joꞌcan nak sa saꞌ kachꞌo̱l, chaꞌakeb.

Salmos 60:11

At Ka̱cuaꞌ, caꞌaj cuiꞌ la̱at naru tattenkꞌa̱nk ke chi numta̱c saꞌ xbe̱neb li xicꞌ nequeꞌiloc ke. Li cui̱nk ma̱cꞌaꞌ xcuanquil re katenkꞌanquil.

Salmos 62:8

Ex intenamit, cauhak taxak e̱chꞌo̱l riqꞌuin li Dios chi junelic. Ut chextijok chi anchal e̱chꞌo̱l chiru li Dios ut te̱ye re chixjunil le̱ raylal xban nak caꞌaj cuiꞌ riqꞌuin aꞌan naru nakacol kib.

Salmos 62:1

Caꞌaj cuiꞌ riqꞌuin li Dios cꞌojcꞌo inchꞌo̱l ut riqꞌuin aꞌan nintau li tuktu̱quilal.

Salmos 46:1

Li Dios, aꞌan li naqꞌuehoc xcacuilal kachꞌo̱l. Caꞌaj cuiꞌ riqꞌuin aꞌan naru nakacol kib: Aꞌan cuan kiqꞌuin junelic chikatenkꞌanquil saꞌ xkꞌehil li raylal.

Éxodo 14:27

Ut saꞌ li cutan aꞌan toj ekꞌela laj Moisés quixqꞌue li rukꞌ saꞌ xbe̱n li palau. Ut li haꞌ quixjunaji rib. Riqꞌuin li quixba̱nu li Dios, eb laj Egipto queꞌxsach xnaꞌleb saꞌ xyi li palau ut queꞌe̱lelic raj saꞌ li haꞌ.

Oseas 14:2

Chexsukꞌi̱k cuiꞌchic riqꞌuin li Ka̱cuaꞌ ut joꞌcaꞌin te̱ye re: —Chacuy chasach taxak li kama̱c. Chasume taxak li katij. Li kamayej li takaqꞌue a̱cue, aꞌan la̱ lokꞌoninquil.

Lamentaciones 3:23

Cuulaj cuulaj nocorosobtesi. Acꞌ chic li kosobtesinquil xban nak kꞌaxal nim li rusilal saꞌ kabe̱n.

Jeremías 14:8

At Ka̱cuaꞌ, la̱at li kayoꞌon la̱o aj Israel. La̱at li nacatcoloc ke chiru li raylal. ¿Cꞌaꞌut nak chanchanat jun li jalan xtenamit? ¿Cꞌaꞌut nak chanchanat jun li yal numecꞌ yo̱?

Isaías 40:10

Li Ka̱cuaꞌ Dios ta̱cha̱lk riqꞌuin xnimal xcuanquil ut aꞌan chic ta̱takla̱nk saꞌ xbe̱n chixjunil. Ut tixcꞌam chak lix kꞌajca̱munquileb li ac xcoleb.

Isaías 26:16

At Ka̱cuaꞌ, la̱at coa̱qꞌue chixtojbal li kama̱c ut cotijoc cha̱cuu. Nak yo̱co chixcꞌulbal li raylal, xkatzꞌa̱ma katenkꞌanquil a̱cue.

Isaías 26:8

At Ka̱cuaꞌ, yo̱co chixba̱nunquil joꞌ nacacuaj la̱at re xqꞌuebal xlokꞌal la̱ cꞌabaꞌ. Li cꞌaꞌru nakaj, aꞌan oybeni̱nc a̱cuiqꞌuin ut li kacꞌaꞌux cua̱nk a̱cuiqꞌuin.

Isaías 25:4

La̱at xatenkꞌaheb li nebaꞌ. Xatenkꞌaheb li tenkꞌa̱c nequeꞌraj. Xacoleb chiruheb li joskꞌ aj cristian li nequeꞌrahobtesin reheb. Chanchan nak xacoleb chiru li ca̱k-sut-ikꞌ ut chiru xtikcual li sakꞌe.

Salmos 123:2

At Ka̱cuaꞌ, at kaDios, joꞌ nak eb li mo̱s nequeꞌxtzꞌa̱ma xtenkꞌanquil chiruheb lix patrón, joꞌcan nak nakatzꞌa̱ma katenkꞌanquil cha̱cuu la̱at toj retal ta̱cuuxta̱na ku.

Salmos 91:15

Nak tixtzꞌa̱ma xtenkꞌanquil cue, la̱in tinsume li cꞌaꞌru tixtzꞌa̱ma chicuu. La̱in tincua̱nk riqꞌuin ut la̱in tincolok re chiru li raylal ut tinqꞌue xlokꞌal.

Salmos 90:15

Ta̱qꞌue ta nabalak chihab li sahil chꞌo̱lej ke joꞌ nak xoa̱qꞌue chi cꞌuluc raylal nabal chihab.

Salmos 62:5

Caꞌaj cuiꞌ riqꞌuin li Dios cau inchꞌo̱l. Ut riqꞌuin aꞌan ninyoꞌonin.

Salmos 50:15

Chine̱ya̱bak nak cua̱nkex saꞌ raylal ut la̱in texincol ut la̱ex te̱qꞌue inlokꞌal, chan li Dios.

Salmos 46:5

Li Dios cuan riqꞌuin lix tenamit junelic ut aꞌan ta̱colok re. Li Dios ta̱tenkꞌa̱nk re chi sake̱uc.

Salmos 37:39

Li Ka̱cuaꞌ aꞌan nacoloc reheb li ti̱queb xchꞌo̱l ut aꞌan ajcuiꞌ naqꞌuehoc xcacuilal xchꞌo̱leb saꞌ xkꞌehil li raylal.

Salmos 25:3

Li ani cauheb xchꞌo̱l riqꞌuin li Dios incꞌaꞌ teꞌxuta̱nobresi̱k. Abanan li ani incꞌaꞌ nequeꞌxpa̱b li Dios, aꞌaneb li teꞌcꞌutekꞌ xxuta̱n.

Salmos 143:8

Rajlal taxak ekꞌela ta̱cꞌut chicuu nak nacacuuxta̱na cuu xban nak la̱in cꞌojcꞌo inchꞌo̱l a̱cuiqꞌuin. Chacꞌut taxak chicuu cꞌaꞌru tinba̱nu xban nak caꞌaj cuiꞌ la̱at nacatqꞌuehoc innaꞌleb.

Salmos 27:1

Li Ka̱cuaꞌ, aꞌan nacutanobresin re lin cꞌaꞌux, ut aꞌan nacoloc cue. Ma̱ ani ninxucua ru. Li Ka̱cuaꞌ, aꞌan na-iloc cue. Joꞌcan nak incꞌaꞌ ninxucuac.

Isaías 17:10

La̱ex aj Israel, xetzꞌekta̱na li Ka̱cuaꞌ laj colol e̱re. Incꞌaꞌ xepatzꞌ e̱tenkꞌanquil re li Dios li chanchan li sako̱nac li xecol cuiꞌ raj e̱rib. Xerau ban li acui̱mk chꞌinaꞌus re xqꞌuebal xlokꞌal li jalanil dios.

Isaías 37:3

Queꞌxye re laj Isaías: —Aꞌan aꞌin li naxye laj Ezequías. Chiru li cutan aꞌin yo̱co chi cꞌuluc raylal xban li ma̱c xkaba̱nu. Yo̱queb chikamajecuanquil li xicꞌ nequeꞌiloc ke ut yo̱queb chikahobbal. Yo̱co chi cꞌuluc raylal. Chanchano jun li ixk oc re chi qꞌuira̱c ut ma̱cꞌaꞌ chic xmetzꞌe̱u.

Isaías 51:5

Chi se̱b tinba̱nu li cꞌaꞌru xinye. Chi se̱b tincoleb lin tenamit. La̱in tinrakok a̱tin saꞌ xbe̱neb li tenamit. Eb li xni̱nkal ru tenamit yo̱queb chicuoybeninquil. Teꞌxqꞌue retal lin cuanquil ut cuiqꞌuin teꞌyoꞌoni̱nk.

Salmos 33:22

Aꞌ taxak la̱ cuusilal chicua̱nk kiqꞌuin, at Ka̱cuaꞌ, joꞌ yo̱co chiroybeninquil a̱cuiqꞌuin.

Isaías 8:17

Usta quixmuk rib li Ka̱cuaꞌ chiruheb li ralal xcꞌajol laj Jacob, abanan la̱in cau inchꞌo̱l ut cꞌojcꞌo inchꞌo̱l riqꞌuin.