Isaías 32:6 - Li Santil hu

⁶ Li incꞌaꞌ us xnaꞌleb junes to̱ntil naꞌleb naxye ut junes ma̱usilal naxcꞌoxla xba̱nunquil. Naxba̱nu li incꞌaꞌ us ut naxhob li Ka̱cuaꞌ li nimajcual Dios. Incꞌaꞌ naxqꞌue xtzacae̱mkeb li teꞌtzꞌoca̱k chi moco naxqꞌue rucꞌaheb li teꞌchakik reheb.

Q'eqchi Bible

⁶ Xb'aan naq li maak'a' xna'leb' junes memil naxseeraq'i ut junes xb'aanunkil li maa'usilal naxk'oxla. Naxb'aanu li ink'a' us ut naxmajewa li Qaawa'; ink'a' naxk'e chi tzekank li yo xtz'okajik chi moko naxk'e ruk'a' li taachaqiq re.

Isaías 32:6 ပူးပေါင်းရင်းမြစ်များ

San Mateo 15:19

Saꞌ lix chꞌo̱l junak nachal chak li ma̱us aj naꞌleb, li camsi̱nc ras ri̱tzꞌin, li muxuc caxa̱r, li coꞌbe̱tac yumbe̱tac, li elkꞌac, li kꞌaba̱nc ut li majecua̱nc.

San Mateo 23:13

Ra cha̱lel saꞌ e̱be̱n, la̱ex aj tzꞌi̱b ut la̱ex aj fariseo, ex aj caꞌ pacꞌal u. Incꞌaꞌ nequecꞌut lix ya̱lal chiruheb li tenamit ut nequeram chiruheb lix cuanquil li Dios. La̱ex incꞌaꞌ nequeraj xkꞌaxtesinquil e̱rib rubel xcuanquil li nimajcual Dios ut incꞌaꞌ ajcuiꞌ nequecanabeb chixkꞌaxtesinquileb rib li ani nequeꞌraj.

Isaías 3:15

¿Cꞌaꞌut nak nequerahobtesiheb lin tenamit? ¿Cꞌaꞌut nak nequetacuasiheb li nebaꞌ? chan li Ka̱cuaꞌ li kꞌaxal nim xcuanquil.

1 Samuel 24:13

Cuan jun li naꞌleb queꞌxye li kaxeꞌto̱nil yucuaꞌ. “Eb li incꞌaꞌ useb xnaꞌleb, aꞌaneb li nequeꞌba̱nun ma̱usilal”, chanqueb. Joꞌcan nak la̱in ma̱cꞌaꞌ tinba̱nu a̱cue.

Santiago 1:27

Aban chiru li Acuabej Dios, li napa̱ban chi tzꞌakal ut ma̱cꞌaꞌ xpaltil, aꞌan li natenkꞌan reheb li nebaꞌ ut li xma̱lcaꞌan saꞌ lix raylaleb. Ut incꞌaꞌ naxba̱nu li ma̱usilal li nequeꞌxba̱nu li toj ma̱jiꞌ nequeꞌpa̱ban.

Amós 8:6

Teꞌcana̱k chokꞌ kalokꞌbil mo̱s li nebaꞌ xban nak incꞌaꞌ naru teꞌxtoj lix cꞌaseb usta yal jun sumal chi xa̱b li teꞌxcꞌas kiqꞌuin. Ut takacꞌayi ajcuiꞌ lix yibal ru li trigo chi terto xtzꞌak, chanquex.

Jeremías 13:23

Junak cui̱nk li kꞌek xtibel incꞌaꞌ naru ta̱sakokꞌ xtibel, chi moco naru ta̱jala̱k rix li chꞌohix. Joꞌcan ajcuiꞌ la̱ex. Incꞌaꞌ naru te̱ba̱nu li us xban nak ac cꞌaynakex chixba̱nunquil li ma̱usilal.

Isaías 9:17

Joꞌcan nak incꞌaꞌ quixtokꞌoba ruheb li sa̱j cui̱nk li Ka̱cuaꞌ, chi moco quiril xtokꞌoba̱l ruheb li nebaꞌ ut eb li xma̱lcaꞌan. Chixjunileb li tenamit incꞌaꞌ useb xnaꞌlebeb. Incꞌaꞌ nequeꞌxqꞌue xcuanquil li Ka̱cuaꞌ. Junes ma̱usilal nequeꞌxye. Joꞌcan nak li Dios toj ma̱jiꞌ nanumeꞌ xjoskꞌil saꞌ xbe̱neb. Toj tixqꞌue chixtojbal xma̱queb li tenamit.

Proverbios 19:3

Eb li cristian nequeꞌxtzꞌek rib xjuneseb rib xban li ma̱usilal nequeꞌxba̱nu. Abanan eb aꞌan nequeꞌxye nak aꞌ li Ka̱cuaꞌ cuan re nak joꞌcan nequeꞌxcꞌul.

Salmos 141:4

China̱tenkꞌa re nak incꞌaꞌ ta̱xic inchꞌo̱l chirix li incꞌaꞌ us. Incꞌaꞌ taxak tinba̱nu li ma̱usilal li nequeꞌxba̱nu li incꞌaꞌ useb xnaꞌleb. Ut incꞌaꞌ taxak tincua̱nk saꞌ lix ninkꞌeheb li nequeꞌxba̱nu.

Proverbios 24:7

Li incꞌaꞌ naxtau xya̱lal incꞌaꞌ naxnau cꞌaꞌru tixsume cuiꞌ nak cuan chiru laj rakol a̱tin xban nak ma̱cꞌaꞌ xnaꞌleb.

Isaías 10:2

Xban li chakꞌrab li xeqꞌue incꞌaꞌ nequexrakoc a̱tin saꞌ xya̱lal saꞌ xbe̱neb li nebaꞌ ut eb li rahobtesinbileb. Ut nequemakꞌ li cꞌaꞌru reheb chiruheb li xma̱lcaꞌan joꞌ eb ajcuiꞌ li ma̱cꞌaꞌ xnaꞌ xyucuaꞌeb.

Isaías 10:6

La̱in nintaklaheb laj Asiria chi pletic riqꞌuineb laj Israel xban nak incꞌaꞌ useb xnaꞌleb. Nintaklaheb chi pletic riqꞌuineb li nequeꞌqꞌuehoc injoskꞌil re nak teꞌelkꞌa̱k li cꞌaꞌru reheb. Nintaklaheb chi numta̱c saꞌ xbe̱neb lin tenamit. Teꞌxyekꞌi saꞌ rokeb. Chanchan nak nayekꞌi̱c li sulul saꞌ be.—

Isaías 26:10

Usta la̱at ta̱cuil xtokꞌoba̱l ruheb li incꞌaꞌ useb xnaꞌleb, eb aꞌan ma̱ jokꞌe teꞌxtau ru. Incꞌaꞌ teꞌraj cua̱nc saꞌ ti̱quilal. Usta cuanqueb saꞌ junak naꞌajej bar nacatlokꞌoni̱c cuiꞌ, eb aꞌan junelic teꞌxba̱nu li ma̱usilal xban nak incꞌaꞌ nequeꞌxqꞌue retal la̱ cuanquilal.

Isaías 31:2

Li Ka̱cuaꞌ, aꞌan li cuan xnaꞌleb ut aꞌan li nasachoc. Incꞌaꞌ naxjal lix cꞌaꞌux. Tixqꞌue chixtojbal lix ma̱queb li nequeꞌxba̱nu li ma̱usilal joꞌ ajcuiꞌ eb li nequeꞌtenkꞌan reheb.

Isaías 59:7

La̱ex nequex-a̱linac chixba̱nunquil li ma̱usilal. Saꞌ junpa̱t nequecamsiheb li ma̱cꞌaꞌeb xma̱c. Junes ma̱usilal nequecꞌoxla ut junes sachoc nequeba̱nu.

Isaías 59:13

La̱o xkatzꞌekta̱na li Ka̱cuaꞌ. Xkaticꞌtiꞌi ut incꞌaꞌ nakaba̱nu li cꞌaꞌru naraj. Junes ma̱usilal ut rahobtesi̱nc nakaba̱nu. Ut nakacꞌu̱b ru chanru nak tobalakꞌi̱nk.

Daniel 12:10

Nabaleb teꞌsantobresi̱k xban lix ni̱nkal raylal teꞌxcꞌul. Abanan li incꞌaꞌ useb xnaꞌlebeb yo̱keb chixba̱nunquil li ma̱usilal ut ma̱ jun saꞌ xya̱nkeb teꞌxtau ru li cꞌaꞌru yo̱k chi cꞌulma̱nc. Caꞌaj cuiꞌ eb li cuanqueb xnaꞌleb teꞌxtau ru chixjunil.

Ezequiel 34:18

¿Ma incꞌaꞌ ta biꞌ tzꞌakal riqꞌuin nak nequetzaca li cha̱bil tzacae̱mk? ¿Ma toj tento ta biꞌ nak te̱yekꞌi saꞌ e̱rok li incꞌaꞌ nequetzaca? La̱ex nequerucꞌ li haꞌ li sak ru ut nequetzꞌajni ru riqꞌuin le̱ rok li joꞌ qꞌuial chic nacana.