Isaías 32:4 - Li Santil hu

⁴ Eb li ma̱cꞌaꞌeb xnaꞌleb teꞌxtau chic xya̱lal ut eb li tat reheb teꞌa̱tinak chi tzꞌakal re ru.

Q'eqchi Bible

⁴ Li ink'a' naxb'aanu li xk'anjel sa' xyaalal taak'anjelaq chi wank xna'leb', ut tz'aqal chik re ru taa'aatinaq li tat re.

Isaías 32:4 ပူးပေါင်းရင်းမြစ်များ

Isaías 29:24

Ut eb li incꞌaꞌ nequeꞌxtau xya̱lal teꞌxtau chic ru ut eb li junes cuechꞌi̱nc nequeꞌxba̱nu teꞌxcꞌul lix kꞌusbaleb.

Gálatas 1:23

Yal resil nequeꞌrabi li nayeman chicuix: Li cui̱nk li quirahobtesin reheb laj pa̱banel junxil, anakcuan aꞌan chic yo̱ chi yehoc resil li colba-ib li quiraj raj xsachbal junxil, chanqueb.

Hechos 6:7

Joꞌcan nak yo̱ chi abi̱c li ra̱tin li Ka̱cuaꞌ yalak bar. Ut yo̱queb chi ta̱mc laj pa̱banel aran Jerusalén. Ut nabaleb laj tij queꞌpa̱ban.

Hechos 4:13

Queꞌril nak cauheb xchꞌo̱l laj Pedro ut laj Juan chi a̱tinac. Queꞌxqꞌue retal nak moco tzolbileb ta ut ma̱cꞌaꞌeb xcuanquil. Ut queꞌxsach xchꞌo̱leb chirabinquil li cꞌaꞌru queꞌxye. Ut queꞌxqꞌue retal nak eb li cui̱nk aꞌin queꞌbe̱c chak rochben li Jesús.

San Mateo 16:17

Tojoꞌnak quichakꞌoc li Jesús ut quixye re: —Us xak a̱cue, at Simón, ralalat laj Jonás, xban nak moco cui̱nk ta xcꞌutbesin cha̱cuu lix ya̱lal aꞌin. Lin Yucuaꞌ cuan saꞌ choxa, aꞌan ban li xcꞌutbesin cha̱cuu.

San Mateo 11:25

Saꞌ eb li cutan aꞌan, li Jesús quitijoc ut quixye: —At inYucuaꞌ, la̱at laj e̱chal re li choxa joꞌ ajcuiꞌ li ruchichꞌochꞌ. Ninbantioxi cha̱cuu xban nak xamuk lix ya̱lal chirix lix nimal la̱ cuanquilal chiruheb li cuanqueb xnaꞌleb nak nequeꞌxye rib, ut xamuk ajcuiꞌ chiruheb li tzolbileb. Ut xacꞌut lix ya̱lal chiruheb li cubenakeb xcuanquil, li chanchaneb cocꞌal.

Cantares 7:9

Saꞌ la̱ cue chanchan li vino li kꞌaxal cha̱bil. Chanchan rucꞌbal li vino li sa rucꞌbal. Nequeꞌrecꞌa xsahil nak yo̱queb chirucꞌbal.

Éxodo 4:11

Ut li Ka̱cuaꞌ Dios quixye re: —¿Ma ma̱cuaꞌ ta biꞌ la̱in xinqꞌuehoc xtzꞌu̱mal re li cui̱nk? ¿Ani xba̱nun re li mem ut li tzꞌap xic ut li mutzꞌ? ¿Ma ma̱cuaꞌ la̱in li nimajcual Dios?

Isaías 35:4

Qꞌuehomak xcacuil xchꞌo̱leb li yo̱queb chi lucta̱c. Yehomak reheb: —Cacuubresihomak e̱chꞌo̱l. Mexxucuac. Li Ka̱cuaꞌ ta̱colok e̱re ut tixqꞌueheb chixtojbal lix ma̱queb li xicꞌ nequeꞌiloc e̱re.—

Isaías 35:5

Saꞌ eb li cutan aꞌan eb li mutzꞌ teꞌilok chic ut li tzꞌap xic teꞌabi̱nk chic.