Isaías 32:2 - Li Santil hu

² Li rey aꞌan tixtenkꞌaheb li tenamit. Chanchanak jun li naꞌajej bar naru teꞌxcol cuiꞌ ribeb li tenamit chiru li hab ut li ikꞌ. Chanchanak li rok haꞌ li nanumeꞌ saꞌ li chaki chꞌochꞌ. Chanchanak jun li sako̱nac li tixqꞌue xmu saꞌ li tikcual chꞌochꞌ.

Q'eqchi Bible

² Li junjunq sa' xyanqeb' jo'kaq li na'ajej nakolok chiru li kawil iq' ut li hab'; kama'aq li roq nima' sa' li chaqich'och', chanchanaq jun nimla saqoonak chi muheelank sa' tiqwal ch'och'.

Isaías 32:2 ပူးပေါင်းရင်းမြစ်များ

Isaías 25:4

La̱at xatenkꞌaheb li nebaꞌ. Xatenkꞌaheb li tenkꞌa̱c nequeꞌraj. Xacoleb chiruheb li joskꞌ aj cristian li nequeꞌrahobtesin reheb. Chanchan nak xacoleb chiru li ca̱k-sut-ikꞌ ut chiru xtikcual li sakꞌe.

Isaías 44:3

La̱in tinqꞌue li haꞌ saꞌ li chaki chꞌochꞌ ut tinqꞌueheb li nimaꞌ. Tinqꞌue lin musikꞌ reheb le̱ ralal e̱cꞌajol ut tincuosobtesiheb.

Isaías 9:6

Jun li cꞌulaꞌal xyoꞌla chokꞌ ke. Li Cꞌajolbej xqꞌueheꞌ ke xban li Dios. Ut saꞌ rukꞌ aꞌan cua̱nk li cuanquilal. Ut aꞌan aꞌin li tixcꞌabaꞌin: aj ba̱nuhom sachba chꞌo̱lej, aj qꞌuehol naꞌleb, li nimajcual Dios, li Acuabej Dios chi junelic kꞌe cutan ut aj qꞌuehol tuktu̱quil usilal.

Zacarías 13:7

Li nimajcual Dios quixye: —Tincanab chi camsi̱c laj ilol reheb li carner. Tinkꞌaxtesi re ca̱mc li natenkꞌan cue. Ta̱camsi̱k laj ilol reheb li carner ut eb li carner teꞌxchaꞌchaꞌi ribeb. Ut tincꞌut injoskꞌil chiruheb li carner.

Isaías 43:20

Eb li joskꞌ aj xul teꞌxqꞌue inlokꞌal joꞌ eb laj xoj ut eb li ni̱nki xul avestruces xban nak la̱in tinqꞌue li haꞌ saꞌ li chaki chꞌochꞌ. Tinqꞌue li rok haꞌ saꞌ li chꞌochꞌ li ma̱cꞌaꞌ na-el chiru. Ta̱cua̱nk rucꞌaheb li tenamit li sicꞌbil ruheb inban.

Isaías 41:18

La̱in tinqꞌueheb chi be̱c rok li nimaꞌ saꞌ eb li tzu̱l. Ut tinqꞌueheb li yuꞌam haꞌ saꞌ li ru takꞌa. Li chaki chꞌochꞌ tinsukꞌisi chokꞌ xnaꞌaj haꞌ. Saꞌ li chaki chꞌochꞌ ta̱e̱lk li yuꞌam haꞌ.

Isaías 7:14

Joꞌcan ut nak li Ka̱cuaꞌ ta̱qꞌuehok e̱re junak retalil. Aꞌan aꞌin li retalil li ta̱qꞌuehekꞌ e̱re: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk xcꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ.

Salmos 143:9

At nimajcual Dios, caꞌaj cuiꞌ a̱cuiqꞌuin ninsicꞌ incolbal. China̱col taxak chiruheb li xicꞌ nequeꞌiloc cue.

Apocalipsis 22:1

Ut li ángel quixcꞌut chicuu li nimaꞌ li naqꞌuehoc yuꞌam chi junelic. Li haꞌ sak sak ru. Chanchan lem. Na-el chak cuan cuiꞌ lix lokꞌlaj cꞌojariba̱l li Dios ut li Jun li chanchan carner.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

San Juan 7:37

Li rosoꞌjic li ninkꞌe, aꞌan li cutan li kꞌaxal lokꞌ chiruheb. Saꞌ li ho̱nal aꞌan, li Jesús quixakli chiruheb ut quixye chi cau xya̱b xcux: —Li ani ta̱chakik re, cha̱lk cuiqꞌuin. La̱in tinqꞌue rucꞌa.

Isaías 28:17

Li ti̱quilal ta̱cꞌanjelak cue joꞌ li bisleb nak tinrakok a̱tin saꞌ e̱be̱n. Ut li cha̱bilal ta̱cꞌanjelak joꞌ li plomo.— Chanchan li sakbach nak tixsach ru chixjunil li ticꞌtiꞌ li nequecꞌojob cuiꞌ e̱chꞌo̱l ut chanchan li butꞌ nak tixsach ru li nequecol cuiꞌ e̱rib.

Salmos 63:1

At Ka̱cuaꞌ, la̱at lin Dios. Chi anchal inchꞌo̱l nacuaj cua̱nc a̱cuiqꞌuin. Chanchanin li chaki chꞌochꞌ ta̱raj ru li haꞌ. Ta̱chakik re li cua̱m re a̱sicꞌbal, at inDios.

Salmos 32:7

A̱cuiqꞌuin nincol cuib. La̱at nacattenkꞌan cue nak cuanquin saꞌ raylal. La̱in tinbicha a̱lokꞌal xban nak la̱at junelic cuancat cuiqꞌuin chincolbal.

Salmos 91:1

Li ani cuan rubel xcuanquil li nimajcual Dios, ma̱cꞌaꞌ tixcꞌoxla xban nak aꞌan ta̱ilok re.

Isaías 12:2

Li Ka̱cuaꞌ, aꞌan li nacoloc cue. Cau inchꞌo̱l riqꞌuin. Joꞌcan nak incꞌaꞌ tinxucuak. Li Ka̱cuaꞌ, li nimajcual Dios, aꞌan naqꞌuehoc xcacuil inchꞌo̱l ut aꞌan li ninbicha ru, chaꞌakeb.

Isaías 16:3

Nequeꞌxye reheb laj Judá: —Yehomak ke cꞌaꞌru us takaba̱nu. Qꞌuehomak kanaꞌleb. Choe̱col joꞌ jun li cheꞌ naxqꞌue li mu nak yo̱ xtikcual li sakꞌe. La̱o yo̱co chi e̱lelic. Moe̱canab saꞌ rukꞌeb li xicꞌ nequeꞌiloc ke.

Isaías 43:19

Jalan chic li cꞌaꞌru tinba̱nu anakcuan. Chi se̱b nequeril li cꞌaꞌru tinba̱nu. Tinyi̱b jun li be saꞌ li chaki chꞌochꞌ ut tinqꞌueheb ajcuiꞌ li nimaꞌ.

Jeremías 33:14

Cuulac re xkꞌehil nak tinba̱nu li cꞌaꞌru quinyechiꞌi reheb laj Israel joꞌqueb ajcuiꞌ laj Judá, chan li Ka̱cuaꞌ.

Lamentaciones 4:20

Queꞌxchap li karey, li sicꞌbil ru xban li Ka̱cuaꞌ, li cꞌojcꞌo cuiꞌ kachꞌo̱l. Saꞌ kachꞌo̱l la̱o nak cua̱nk li rey aꞌan, eb li jalan tenamit incꞌaꞌ toeꞌxchꞌiꞌchꞌiꞌi.