Isaías 32:19 - Li Santil hu

¹⁹ Usta natꞌaneꞌ li sakbach saꞌ li qꞌuicheꞌ ut usta ta̱sachekꞌ ru li tenamit,

Q'eqchi Bible

¹⁹ us ta sajb'ilaqeb' li k'iche' ut juk'b'ilaq li tenamit.

Isaías 32:19 ပူးပေါင်းရင်းမြစ်များ

Isaías 28:17

Li ti̱quilal ta̱cꞌanjelak cue joꞌ li bisleb nak tinrakok a̱tin saꞌ e̱be̱n. Ut li cha̱bilal ta̱cꞌanjelak joꞌ li plomo.— Chanchan li sakbach nak tixsach ru chixjunil li ticꞌtiꞌ li nequecꞌojob cuiꞌ e̱chꞌo̱l ut chanchan li butꞌ nak tixsach ru li nequecol cuiꞌ e̱rib.

Isaías 30:30

Li Ka̱cuaꞌ li nimajcual Dios tixqꞌue chi abi̱c lix ya̱b lix cux ut tixcꞌutbesi lix joskꞌil chiruheb chixjunileb riqꞌuin xam ut riqꞌuin li cacuil hab ut sakbach ut riqꞌuin ca̱k-sut-ikꞌ.

Isaías 28:2

Qꞌuehomak retal. Li Ka̱cuaꞌ ac xcauresi jun li cui̱nk cuan xmetzꞌe̱u li tixcut saꞌ chꞌochꞌ li tenamit. Chanchan li cacuil hab sakbach xsaꞌ. Chanchan li ca̱k-sut-ikꞌ li naxsach chixjunil. Malaj ut chanchan li butꞌ li naxtzꞌap chixjunil li chꞌochꞌ.

Isaías 26:5

Li Ka̱cuaꞌ quixcubsi xcuanquileb li nequeꞌxkꞌetkꞌeti ribeb. Quixsach ru li tenamit li queꞌcuan cuiꞌ. Quilajxtꞌan li tzꞌac li najt xteram li sutsu cuiꞌ li tenamit.

Zacarías 11:2

Chexya̱bak xban xrahil e̱chꞌo̱l. Quitꞌaneꞌ li cheꞌ ciprés. X-osoꞌ li ni̱nki chacalteꞌ li cꞌajoꞌ xchakꞌal ru. Chexya̱bak xban nak quisacheꞌ li ni̱nki ji aran Basán. Qui-osoꞌ chixjunil li qꞌuicheꞌ.

Apocalipsis 18:21

Ut jun li ángel cau rib quixchap jun li nimla pec, chanchan li nimla pec li nequeꞌrocsi re li molino, ut quixcut saꞌ li palau ut quixye: Joꞌ nak xsach li pec aꞌin saꞌ li palau, joꞌcan ajcuiꞌ nak ta̱sachekꞌ ru li tenamit Babilonia. Incꞌaꞌ chic ta̱ilekꞌ ru.

Apocalipsis 8:7

Li xbe̱n ángel quixya̱basi lix trompeta. Ut quicuteꞌ saꞌ ruchichꞌochꞌ sakbach ut xam junajinbil riqꞌuin quicꞌ. Caꞌchꞌin chic ma̱ jun jachal (1/3) li ruchichꞌochꞌ quicꞌat. Ut queꞌcꞌat ajcuiꞌ li cheꞌ. Caꞌchꞌin chic ma̱ jun jachal li cheꞌ queꞌcꞌat ut quicꞌat chixjunil li rax pim.

San Mateo 7:25

Ut quichal li hab ut quicuan li butꞌi haꞌ, ut quichal li ca̱k-sut-ikꞌ. Coxsacꞌ rib chiru li cab aꞌan, ut incꞌaꞌ quitꞌaneꞌ li cab xban nak yi̱banbil chi us saꞌ xbe̱n pec.

Nahum 1:8

Nak ta̱rakok a̱tin saꞌ xbe̱neb li xicꞌ nequeꞌiloc re, chanchan nak ta̱numekꞌ li butꞌi haꞌ saꞌ xbe̱neb nak tixsacheb ru. Chanchan tixtaklaheb saꞌ li kꞌojyi̱n nak tixqꞌue li raylal saꞌ xbe̱neb ut aran teꞌosokꞌ.

Nahum 1:1

Aꞌan aꞌin li hu quixtzꞌi̱ba li profeta Nahum chirix li cꞌaꞌru teꞌxcꞌul saꞌ li tenamit Nínive, joꞌ quicꞌutbesi̱c chiru xban li Dios. Laj Nahum, aꞌan Elcos xtenamit.

Isaías 37:24

Xataklaheb la̱ takl chinhobbal, la̱in li Dios, ut xaye: “Riqꞌuin lin qꞌuila carruaje re pletic xintakeꞌ saꞌ eb li ni̱nki tzu̱l. Toj saꞌ xbe̱neb li tzu̱l re Líbano li najt xteram xintakeꞌ. Xinyocꞌ li ni̱nki cheꞌ chacalteꞌ. Ut xintꞌaneb ajcuiꞌ li ciprés li raro xbaneb. Xincuulac toj saꞌ li qꞌuicheꞌ li cꞌajoꞌ xchꞌinaꞌusal.

Isaías 27:10

Li tenamit li kꞌaxal cau rib nak quicuan quitzꞌekta̱na̱c. Ma̱cꞌaꞌ chic cuan chi saꞌ. Chanchan li chaki chꞌochꞌ. Aran nequeꞌcuaꞌac li cuacax saꞌ li pachꞌayaꞌ ut aran ajcuiꞌ nequeꞌhilan.

Isaías 25:4

La̱at xatenkꞌaheb li nebaꞌ. Xatenkꞌaheb li tenkꞌa̱c nequeꞌraj. Xacoleb chiruheb li joskꞌ aj cristian li nequeꞌrahobtesin reheb. Chanchan nak xacoleb chiru li ca̱k-sut-ikꞌ ut chiru xtikcual li sakꞌe.

Isaías 24:10

Poꞌbil chic chixjunil li tenamit. Ut tzꞌaptzꞌo li rochocheb. Ma̱ ani chic naru nequeꞌoc riqꞌuineb.

Isaías 10:19

Incꞌaꞌ chic qꞌui li cheꞌ li teꞌcana̱k. Junak chꞌina al ta̱ru̱k ta̱ajla̱nk reheb xban nak incꞌaꞌ chic qꞌui.

Isaías 10:18

Tixsach ruheb li cha̱bil chꞌochꞌ ut li qꞌuicheꞌ. Li naꞌajej ta̱cana̱k chi ma̱cꞌaꞌ cuan chi saꞌ. Chanchan junak li yaj li ma̱cꞌaꞌ chic xmetzꞌe̱u.

Isaías 24:12

Jucꞌbil chic chixjunil li cuan saꞌ li tenamit ut jucꞌbil li puerta li cuan saꞌ li oqueba̱l.

Isaías 25:2

Xasacheb ru li xni̱nkal tenamit ut xajuqꞌueb li tzꞌac li sutsu cuiꞌ li nequeꞌxcol cuiꞌ rib li cuanqueb aran. Xapoꞌ chi junaj cua eb li palacio li queꞌxyi̱b li xicꞌ nequeꞌiloc ke. Ut ma̱ jokꞌe chic ta̱ru̱k xyi̱banquileb.

Isaías 29:4

Li tenamit Jerusalén ta̱cubsi̱k xcuanquil ut tꞌantꞌo̱keb saꞌ chꞌochꞌ. Saꞌ has teꞌa̱tinak saꞌ li chꞌochꞌ. Chanchanak jun li musikꞌej.

Isaías 10:33

Abanan li Ka̱cuaꞌ Dios li kꞌaxal nim xcuanquil tixsach ruheb riqꞌuin xnimal xcuanquil. Chanchan nak nequeꞌxtꞌan li ni̱nki cheꞌ. Li cuanqueb xcuanquil teꞌcutekꞌ xxuta̱n ut teꞌisi̱k xcuanquileb.