Isaías 32:18 - Li Santil hu

¹⁸ Eb lin tenamit teꞌcua̱nk saꞌ rochocheb saꞌ tuktu̱quil usilal. Cꞌojcꞌo̱queb chic xchꞌo̱leb. Teꞌhila̱nk saꞌ xya̱lal. Ma̱cꞌaꞌ ta̱chꞌiꞌchꞌiꞌi̱nk reheb.

Q'eqchi Bible

¹⁸ Lintenamit taahilanq sa' tuqtuukilal ut maak'a' taach'i'ch'i'inq reheb' sa'eb' li ochoch wanqeb' wi',

Isaías 32:18 ပူးပေါင်းရင်းမြစ်များ

Zacarías 2:5

Chanchan sutsu̱k riqꞌuin xam li tenamit Jerusalén nak cua̱nkin riqꞌuineb chixcolbaleb riqꞌuin lin cuanquil. Ut tincꞌutbesi lin lokꞌal saꞌ xya̱nkeb, chan li Ka̱cuaꞌ.

Jeremías 33:16

Saꞌ eb li cutan aꞌan, eb laj Judá colbilakeb ut eb laj Jerusalén cauhakeb xchꞌo̱l riqꞌuin li Ka̱cuaꞌ ut aꞌin li teꞌxqꞌue chokꞌ xcꞌabaꞌ: Li Ka̱cuaꞌ, Aꞌan aj qꞌuehol ti̱quilal, chaꞌakeb.

Hebreos 4:9

Joꞌcan nak toj cuan li lokꞌlaj naꞌajej re hila̱nc reheb li nequeꞌpa̱ban re li Dios.

1 Juan 4:16

La̱o nakapa̱b nak li Dios, aꞌan aj rahonel ut nakanau nak ya̱l aꞌan. Li rahoc nachal riqꞌuin li Dios. Li ani narahoc, aꞌan cuan riqꞌuin li Dios ut li Dios cuan riqꞌuin aꞌan.

Zacarías 2:8

Nak acak xqꞌue lin lokꞌal li Ka̱cuaꞌ li nimajcual Dios quinixtakla xyebal e̱re cꞌaꞌru teꞌxcꞌul li xni̱nkal ru tenamit li queꞌrahobtesin e̱re ut queꞌnumta saꞌ e̱be̱n. Li ani narahobtesin e̱re, chanchan ajcuiꞌ nak la̱in quineꞌxrahobtesi, chan.

Isaías 2:4

Li Ka̱cuaꞌ ta̱rakok a̱tin saꞌ xbe̱neb li xni̱nkal tenamit li yo̱queb chi pletic ut aꞌan ta̱kꞌusuk reheb nabal chi tenamit. Ut eb aꞌan teꞌxqꞌue lix chꞌi̱chꞌeb chokꞌ xchꞌi̱chꞌul arado. Ut teꞌxqꞌue lix la̱nseb chokꞌ re sabesi̱nc. Ma̱ ani chic tixrahobtesi jalan tenamit riqꞌuin chꞌi̱chꞌ, chi moco teꞌxcauresi chic rib re teꞌxic chi pletic.

Isaías 11:10

Ta̱cuulak xkꞌehil nak saꞌ xya̱nkeb li ralal xcꞌajol laj Isaí ta̱cꞌulu̱nk jun li ta̱takla̱nk. Ut aꞌanak jun etalil chiruheb li tenamit. Chixjunileb teꞌsicꞌok re. Ut li tenamit li ta̱cua̱nk cuiꞌ kꞌaxal lokꞌak.

Isaías 14:3

Ex aj Israel, li Ka̱cuaꞌ texqꞌue chi hila̱nc chiru li cacuil cꞌanjel ut li xiu ut li raylal li yo̱quex chixcꞌulbal.

Isaías 26:3

At Ka̱cuaꞌ, la̱at nacatqꞌuehoc reheb chi cua̱nc saꞌ usilal li nequeꞌcꞌoxlan a̱cue. Ma̱cꞌaꞌ nachꞌiꞌchꞌiꞌin reheb xban nak cauheb xchꞌo̱l a̱cuiqꞌuin.

Isaías 26:12

At Ka̱cuaꞌ, la̱at nacatqꞌuehoc ke chi cua̱nc saꞌ tuktu̱quil usilal. Chixjunil li nakaba̱nu, naru nakaba̱nu xban nak la̱at nacattenkꞌan ke chixba̱nunquil.

Isaías 28:12

Li Dios quixye reheb: —Aꞌan aꞌin li naꞌajej li texhila̱nk cuiꞌ. Arin ta̱sahokꞌ e̱chꞌo̱l, chan. Abanan, eb aꞌan incꞌaꞌ queꞌabin chiru.

Isaías 30:15

Ut quixye ajcuiꞌ li Ka̱cuaꞌ li Dios Santo li nequeꞌxlokꞌoni eb laj Israel: —Sukꞌinkex cuiqꞌuin. Cꞌojobomak le̱ chꞌo̱l cuiqꞌuin ut texcolekꞌ. Cui la̱ex tex-oybeni̱nk cuiqꞌuin, te̱tau le̱ cacuilal, chan li Dios. Abanan la̱ex incꞌaꞌ queraj.

Isaías 65:9

La̱in tinqꞌueheb chi ta̱mc li ralal xcꞌajol laj Jacob ut laj Judá. Eb aꞌan teꞌcua̱nk saꞌ eb lin tzu̱l li quinqꞌue reheb. Li sicꞌbil ruheb inban teꞌcua̱nk saꞌ li naꞌajej li teꞌre̱chani. Aran teꞌcua̱nk li nequeꞌcꞌanjelac chicuu.

Isaías 65:21

Teꞌxyi̱b li rochocheb ut aran teꞌcua̱nk. Teꞌa̱uk ut teꞌxtzaca li ru li racui̱mkeb.

Zacarías 3:10

Nak ta̱cuulak xkꞌehil aꞌan, sa chic texcua̱nk chi ribil e̱rib. Ut naru textzaca̱nk saꞌ comonil saꞌ xmu li cheꞌ olivos ut saꞌ xmu li cheꞌ higo, chan li Ka̱cuaꞌ li nimajcual Dios.

Éxodo 9:26

Caꞌaj chic saꞌ li tenamit Gosén incꞌaꞌ quicuan li sakbach xban nak aran cuanqueb laj Israel.

Salmos 107:7

Aꞌan quicꞌamoc be chiruheb saꞌ ti̱quilal re nak naru teꞌcuulak saꞌ lix naꞌajeb bar ta̱ru̱k teꞌcua̱nk cuiꞌ.

Proverbios 24:15

Me̱cꞌu̱b junak naꞌleb incꞌaꞌ us xba̱nunquil re te̱ba̱nu raylal reheb li cha̱bileb. Chi moco tex-oc saꞌ li rochocheb chixpoꞌbal ru li cꞌaꞌruheb re.

Isaías 33:6

Junelic naxcoleb lix tenamit ut naxqꞌueheb xnaꞌleb. Naxtenkꞌaheb chixtaubal ru lix ya̱lal. Li xxucuanquil ru li Ka̱cuaꞌ, aꞌan li kꞌaxal lokꞌ chiruheb.

Ezequiel 34:28

Li xni̱nkal ru tenamit li incꞌaꞌ nequeꞌxpa̱b li Dios incꞌaꞌ chic teꞌxmakꞌ chiruheb li cꞌaꞌru reheb, chi moco li joskꞌ aj xul teꞌxcamsiheb chokꞌ xtibeb. Teꞌcua̱nk ban chi saheb saꞌ xchꞌo̱l ut ma̱cꞌaꞌ ta̱seꞌbesi̱nk reheb.