Isaías 32:10 - Li Santil hu

¹⁰ Anakcuan ma̱cꞌaꞌ e̱cꞌaꞌux. Abanan saꞌ li chihab jun chic cꞌajoꞌ nak texxucuak xban nak ma̱cꞌaꞌak ru le̱ racui̱mk. Ut incꞌaꞌ chic te̱sicꞌ ru li uvas.

Q'eqchi Bible

¹⁰ Anaqwan maak'a' nekek'oxla, ab'anan sa' wan xkab' chihab' k'ajo' naq texxiwaq, xb'aan naq maak'a' teexok sa' xq'ehil xsik'b'al ru li uub'.

Isaías 32:10 ပူးပေါင်းရင်းမြစ်များ

Jeremías 8:13

La̱in tinsach ruheb lin tenamit chi junaj cua. Chanchanakeb chic li xto̱nal li uvas ut li higos li incꞌaꞌ nau̱chin, li chaki lix xak. Ut li cꞌaꞌru quinqꞌue reheb ta̱isi̱k chiruheb.

Isaías 7:23

Ut ta̱cꞌulma̱nk ajcuiꞌ saꞌ eb li cutan aꞌan nak li naꞌajej li na-el cuiꞌ nabal li uvas ta̱cana̱k chokꞌ xnaꞌaj li qꞌuix ut li pim. Ut aꞌan raj li naꞌajej li naqꞌuehoc jun mil chi tumin plata.

Sofonías 1:13

Ta̱makꞌekꞌ chiruheb chixjunil li cꞌaꞌru cuan reheb. Ut li rochocheb teꞌsachekꞌ chiruheb. Teꞌxyi̱b li rochocheb abanan incꞌaꞌ teꞌcua̱nk chi saꞌ. Teꞌa̱uk uvas, abanan incꞌaꞌ teꞌxyal li xyaꞌal li ru.

Habacuc 3:17

La̱in sahak saꞌ inchꞌo̱l riqꞌuin li Ka̱cuaꞌ. Usta incꞌaꞌ chic ta̱atzꞌumak lix to̱nal li higo ut incꞌaꞌ chic ta̱u̱chi̱nk li uvas, ut usta incꞌaꞌ chic ta̱u̱chi̱nk lix to̱nal li olivo, ut usta ma̱cꞌaꞌakeb chic li carner saꞌ eb li corral ut ma̱cꞌaꞌakeb chic li cuacax saꞌ eb lix naꞌaj, ta̱sahokꞌ saꞌ inchꞌo̱l.

Joel 1:12

Xchakic lix cheꞌel li uvas. Ma̱cꞌaꞌ chic lix cheꞌel li higo. Xchakic lix cheꞌel li granado ut li calaꞌ joꞌqueb ajcuiꞌ lix cheꞌel li manzana. Chixjunileb li cheꞌ xelajeꞌchakic saꞌ li cꞌaleba̱l. Xban aꞌan nak li tenamit junelic ra saꞌ xchꞌo̱l.

Joel 1:7

Xeꞌxsach ru chi junaj cua li ka-uva. Ut xeꞌxsach ajcuiꞌ li kacheꞌ higo. Quilajeꞌtꞌaneꞌ li rukꞌ. Michꞌbil chic rix queꞌxcanab ut ma̱cꞌaꞌ chic xxak.

Oseas 3:4

Joꞌcaꞌin xinba̱nu riqꞌuin re xcꞌutbal chiruheb laj Israel nak najt teꞌcua̱nk chi ma̱cꞌaꞌ lix reyeb, chi moco teꞌcua̱nk aj cꞌamol be chiruheb. Incꞌaꞌ chic teꞌmayejak chiruheb lix dioseb, chi moco ta̱cua̱nk lix dioseb pec, chi moco ta̱cua̱nk li cꞌaꞌak re ru re acuasi̱nc, chi moco teꞌcua̱nk lix yi̱banbil dios re ta̱colok reheb.

Oseas 2:12

La̱in tinsach li racui̱mk uvas ut li cheꞌ higo li quixye nak aꞌan lix tojbal li quiqꞌueheꞌ re xbaneb li cui̱nk li nequeꞌrahoc re. Ma̱cꞌaꞌ chic ta̱e̱lk saꞌ xnaꞌaj li acui̱mk uvas ut ma̱cꞌaꞌak chic li cheꞌ li nau̱chin. Teꞌsachekꞌ xbaneb li joskꞌ aj xul.

Isaías 16:10

Incꞌaꞌ chic teꞌsahokꞌ saꞌ xchꞌo̱leb nak yo̱keb chixsicꞌbal ru li racui̱mkeb. Ma̱ ani chic ta̱bicha̱nk saꞌ xnaꞌajeb li uvas. Ma̱ ani chic ta̱yatzꞌok uvas saꞌ li yatzꞌleb. Ma̱ ani chic na-ecꞌan xban nak la̱in xcuisi lix sahil xchꞌo̱leb.

Joel 1:5

Ajsihomak e̱ru la̱ex aj calajenak. Chiyotꞌekꞌ e̱chꞌo̱l ut chexya̱bak la̱ex li nequex-ucꞌac vino xban nak x-osoꞌ li uvas xbaneb li xul. Incꞌaꞌ chic naru te̱yi̱b le̱ vino.