Isaías 32:1 - Li Santil hu

¹ Ta̱cuulak xkꞌehil nak ta̱cua̱nk jun li rey li ta̱takla̱nk saꞌ ti̱quilal. Ut eb li nequeꞌtenkꞌan re li rey teꞌtakla̱nk ajcuiꞌ saꞌ ti̱quilal.

Q'eqchi Bible

¹ K'ehomaq reetal: taawanq junaq awab'ej li taa'awab'ejinq sa' tiikilal, ut eb' laj k'amol b'e te'raqoq aatin jo' chanru li k'ulub'ej.

Isaías 32:1 ပူးပေါင်းရင်းမြစ်များ

Apocalipsis 19:11

Ut teto li choxa nak quicuil. Quicuil jun li cacua̱y sak rix. Ut lix cꞌabaꞌ li cꞌojcꞌo chirix li cacua̱y, aꞌan “Tzꞌakal Dios” ut “Ti̱c Xchꞌo̱l”, xban nak aꞌan saꞌ ti̱quilal ta̱rakok a̱tin ut saꞌ ti̱quilal ta̱pletik.

Jeremías 33:15

Saꞌ eb li cutan aꞌan, la̱in tinxakab jun li Rey. Li Rey aꞌan ta̱yoꞌla̱k saꞌ xya̱nkeb li ralal xcꞌajol laj David. Aꞌan ta̱cꞌamok xbe li tenamit saꞌ ti̱quilal ut cua̱nk xcuanquil.

2 Samuel 23:3

Lix Dioseb laj Israel quia̱tinac. Li nacoloc reheb laj Israel quixye cue: ‘Ta̱cua̱nk junak ti̱c xchꞌo̱l ta̱takla̱nk saꞌ xbe̱neb li tenamit. Li jun aꞌan ta̱cua̱nk xcuanquil saꞌ xbe̱neb li tenamit ut tixxucua ru li Dios.

Apocalipsis 17:14

Eb li rey teꞌpletik riqꞌuin li Jun li chanchan carner. Abanan aꞌan ta̱numta̱k saꞌ xbe̱neb xban nak aꞌan li Ka̱cuaꞌ, li kꞌaxal nim xcuanquil saꞌ xbe̱n chixjunil. Ut aꞌan li tzꞌakal rey li nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Ut li sicꞌbileb ru, li ti̱queb xchꞌo̱l chixta̱kenquil, teꞌnumta̱k ajcuiꞌ saꞌ xbe̱neb li rey, rochbeneb li Jun li chanchan carner.—

Romanos 5:21

Xban nak cuan li ma̱c, cuan ajcuiꞌ li ca̱mc. Abanan xban xnimal rusilal, li Dios naxqꞌue xti̱quilal li kachꞌo̱l ut li kayuꞌam chi junelic saꞌ xcꞌabaꞌ li Ka̱cuaꞌ Jesucristo.

Zacarías 9:9

Chisahokꞌ taxak saꞌ le̱ chꞌo̱l la̱ex li cuanquex saꞌ li tenamit Sión. Chexbicha̱nk xban xsahil le̱ chꞌo̱l, la̱ex li cuanquex Jerusalén xban nak yo̱ chak chi cha̱lc le̱ rey. Aꞌan ti̱c xchꞌo̱l ut tu̱lan. Aꞌan laj Colonel. Cꞌojcꞌo chak chirix jun chꞌina bu̱r. Chirix jun chꞌina ral bu̱r yo̱ chak chi cha̱lc.

Oseas 3:5

Abanan ta̱cuulak xkꞌehil nak eb laj Israel teꞌsukꞌi̱k cuiꞌchic riqꞌuin li Ka̱cuaꞌ lix Dioseb ut teꞌxsicꞌ junak reheb li ralal xcꞌajol laj David chokꞌ xreyeb. Ut saꞌ rosoꞌjiqueb li cutan, teꞌxxucua ru li Ka̱cuaꞌ ut teꞌxcꞌu̱luban cuiꞌchic li usilal li tixba̱nu reheb.

Ezequiel 37:24

Laj David laj cꞌanjel chicuu ta̱cua̱nk chokꞌ xreyeb. Jun ajcuiꞌ li ta̱ilok reheb. Ut teꞌcua̱nk saꞌ xya̱lal. Teꞌxba̱nu li cꞌaꞌru naxye saꞌ lin chakꞌrab.

Isaías 28:6

Li Ka̱cuaꞌ tixqꞌue xnaꞌlebeb laj rakol a̱tin re nak teꞌrakok a̱tin saꞌ ti̱quilal. Ut tixqꞌue xcacuilal xchꞌo̱leb li nequeꞌpletic re xcolbal li oqueba̱l re li tenamit.

Isaías 11:4

Ta̱rakok ban a̱tin riqꞌuin ti̱quilal saꞌ xbe̱neb li nebaꞌ ut ta̱oque̱nk chirix li tenkꞌa̱c teꞌraj. Riqꞌuin li a̱tin na-el chi xtzꞌu̱mal re tixqꞌueheb chixtojbal xma̱queb li nequeꞌrahobtesin ut tixteneb ca̱mc saꞌ xbe̱neb li nequeꞌba̱nun ma̱usilal.

Salmos 99:4

Kꞌaxal nim xcuanquil li karey. Naxra li ti̱quilal. Quixxakab xcuanquil li ti̱quilal ut li cha̱bilal saꞌ xya̱nkeb li ralal xcꞌajol laj Jacob.

Salmos 45:1

Numtajenak xsahil inchꞌo̱l nak ninbicha li bich aꞌin chokꞌ re li rey. Lix tzꞌu̱mal cue chanchan lix lápiz junak li cui̱nk li naxnau tzꞌi̱bac chi us.

Isaías 4:6

Aꞌin ta̱cꞌanjelak reheb chokꞌ xmuheb re teꞌxcol ribeb chiru xtikcual li sakꞌe ut re ajcuiꞌ xcolbaleb rib chiru li hab ut li ca̱k-sut-ikꞌ.

Isaías 11:5

Ut aꞌan ta̱takla̱nk saꞌ xbe̱neb lix tenamit riqꞌuin ti̱quilal ut cha̱bilal.

Isaías 16:5

Saꞌ eb li cutan aꞌan jun reheb li ralal xcꞌajol laj David ta̱oc chokꞌ rey. Aꞌan ta̱takla̱nk saꞌ xbe̱neb li tenamit saꞌ ti̱quilal ut tixraheb. Ta̱rakok a̱tin saꞌ xya̱lal ut tixtenkꞌaheb li tenamit chi cua̱nc saꞌ ti̱quilal.

Jeremías 33:14

Cuulac re xkꞌehil nak tinba̱nu li cꞌaꞌru quinyechiꞌi reheb laj Israel joꞌqueb ajcuiꞌ laj Judá, chan li Ka̱cuaꞌ.

Isaías 33:5

Li Ka̱cuaꞌ cuan saꞌ choxa ut kꞌaxal nim lix cuanquil saꞌ xbe̱n chixjunil li cꞌaꞌru cuan. Ut tixqꞌueheb chi cua̱nc saꞌ ti̱quilal ut saꞌ cha̱bilal li cuanqueb Sión.