Isaías 31:3 - Li Santil hu

³ Eb laj Egipto yal cui̱nkeb. Moco dioseb ta. Ut lix cacua̱yeb yal xuleb. Moco musikꞌejeb ta. Nak li Ka̱cuaꞌ tixyeꞌ li rukꞌ chixqꞌuebaleb chixtojbal lix ma̱c, jun xxiquic nak teꞌosokꞌ. Ta̱osokꞌ laj tenkꞌanel ut ta̱osokꞌ ajcuiꞌ li natenkꞌa̱c.

Q'eqchi Bible

³ Eb' laj Ejiipt a'an yal winqeb' ut moko yoseb' ta; ut li xkawaayeb' a'an yal tib'elejeb', moko musiq'ejeb' ta. Naq li Qaawa' tixye' li ruq', taatichk'oq laj tenq'anel ut taat'ane'q li natenq'aak; wotz te'oso'q chi junajwa.

Isaías 31:3 ပူးပေါင်းရင်းမြစ်များ

Isaías 9:17

Joꞌcan nak incꞌaꞌ quixtokꞌoba ruheb li sa̱j cui̱nk li Ka̱cuaꞌ, chi moco quiril xtokꞌoba̱l ruheb li nebaꞌ ut eb li xma̱lcaꞌan. Chixjunileb li tenamit incꞌaꞌ useb xnaꞌlebeb. Incꞌaꞌ nequeꞌxqꞌue xcuanquil li Ka̱cuaꞌ. Junes ma̱usilal nequeꞌxye. Joꞌcan nak li Dios toj ma̱jiꞌ nanumeꞌ xjoskꞌil saꞌ xbe̱neb. Toj tixqꞌue chixtojbal xma̱queb li tenamit.

Ezequiel 28:9

Nak teꞌcha̱lk cha̱camsinquil, ¿ma toj ta̱ye ta biꞌ nak la̱at dios? La̱at moco diosat ta. Yal cui̱nkat saꞌ rukꞌeb li teꞌcamsi̱nk a̱cue.

Jeremías 15:6

La̱ex xine̱canab, chan li Ka̱cuaꞌ. Ut junelic nequeba̱nu li incꞌaꞌ us. Joꞌcan nak la̱in texinqꞌue chixtojbal e̱ma̱c. Incꞌaꞌ chic tincuil xtokꞌoba̱l e̱ru.

Isaías 30:7

Relic chi ya̱l nak ma̱cꞌaꞌ na-oc cuiꞌ li teꞌxba̱nu eb laj Egipto. Moco naru ta teꞌxtenkꞌaheb laj Israel. Joꞌcan nak ninye: —Eb laj Egipto nequeꞌxnimobresi ribeb, abanan ma̱cꞌaꞌ naru nequeꞌxba̱nu.—

Salmos 33:17

Junak cacua̱y usta kꞌaxal cau rib, incꞌaꞌ naru naxcol laj e̱chal re.

Salmos 9:20

At Ka̱cuaꞌ, chaqꞌueheb chi xucuac re nak teꞌxqꞌue retal nak ma̱cꞌaꞌeb xcuanquil xban nak yal cui̱nkeb.

Isaías 36:9

La̱ex incꞌaꞌ te̱cuy pletic riqꞌuin li nataklan saꞌ xbe̱neb lix soldado lin rey usta aꞌan incꞌaꞌ cau rib. ¿Ma tixqꞌue ta biꞌ le̱ carruaje laj faraón? ¿Ma tixqꞌueheb ta biꞌ li soldado li teꞌxic chirix cacua̱y nak nequecꞌoxla?

Isaías 36:6

La̱at nacacꞌoxla nak eb laj Egipto teꞌtenkꞌa̱nk a̱cue. Cui la̱at ta̱cꞌojob a̱chꞌo̱l saꞌ xbe̱neb laj Egipto chanchan nak ta̱qꞌue jun li caxlan aj chokꞌ a̱xukꞌ. Li caxlan aj ta̱tokekꞌ ut tixhop la̱ cuukꞌ. Joꞌcan nak incꞌaꞌ naru ta̱cꞌojob a̱chꞌo̱l saꞌ xbe̱neb aꞌan.”

Isaías 30:5

abanan xuta̱nal teꞌe̱lk xban nak incꞌaꞌ teꞌtenkꞌa̱k xbaneb. Teꞌbalakꞌi̱k xban li tenamit li ma̱cꞌaꞌ nequeꞌoc cuiꞌ. Ma̱cꞌaꞌ aj e nak xeꞌco̱eb riqꞌuineb usta xeꞌxcꞌojob xchꞌo̱leb saꞌ xbe̱neb laj Egipto.—

San Mateo 15:14

Canabomakeb. Aꞌaneb mutzꞌeb ut nequeꞌxberesiheb li mutzꞌ. Ut cui li mutzꞌ nequeꞌxberesi li rech mutzꞌil, chi xcabichaleb teꞌtꞌanekꞌ saꞌ jul.—

Salmos 118:8

Kꞌaxal us nak tincꞌojob inchꞌo̱l riqꞌuin li Dios chiru nak tincꞌojob inchꞌo̱l riqꞌuineb li cui̱nk.

Isaías 10:3

Ut la̱ex, ¿cꞌaꞌru te̱ba̱nu nak ta̱cha̱lk li rakba a̱tin saꞌ e̱be̱n? ¿Cꞌaꞌru te̱ba̱nu nak junak tenamit ta̱cha̱lk chak chi najt chixsachbal e̱ru? ¿Ani aj iqꞌuin te̱patzꞌ e̱tenkꞌanquil? Ut, ¿bar te̱canab le̱ biomal?

Isaías 20:6

Saꞌ eb li cutan aꞌan eb laj Filistea li cuanqueb chire li palau teꞌxye, “Qꞌuehomak retal cꞌaꞌru queꞌxcꞌul eb li tenamit li xkacꞌojob kachꞌo̱l saꞌ xbe̱neb. Saꞌ kachꞌo̱l la̱o nak eb aꞌan toeꞌxcol chiru lix reyeb laj Asiria. ¿Ani ta̱ru̱k ta̱colok ke anakcuan?” chaꞌakeb.—

Isaías 30:16

La̱ex xeye: —La̱o toe̱lelik chirixeb li cacua̱y, chanquex. Joꞌcan nak tex-e̱lelik. Xeye: —La̱o toxic chirix cacua̱y li kꞌaxal cau nequeꞌa̱linac, chanquex. Abanan eb li yo̱keb che̱ra̱linanquil kꞌaxal cuiꞌchic cau teꞌa̱linak che̱ru la̱ex.

Jeremías 17:5

Li Ka̱cuaꞌ quixye: —Tzꞌekta̱nanbil li ani naxcanab inlokꞌoninquil ut naxcꞌojob xchꞌo̱l saꞌ xbe̱n junak yal cui̱nk ut naxsicꞌ xtenkꞌanquil riqꞌuin.

Ezequiel 28:2

—At ralal cui̱nk, ta̱ye re lix reyeb laj Tiro nak la̱in li nimajcual Dios ninye chi joꞌcaꞌin: Xban nak kꞌaxal nacanimobresi a̱cuib, nacaye saꞌ a̱chꞌo̱l “La̱in diosin”. Nacaye nak la̱at cꞌojcꞌo̱cat saꞌ xcꞌojariba̱l li Dios xban nak la̱ tenamit sutsu xban li palau. Abanan la̱at moco diosat ta. Yal cui̱nkat usta nacacꞌoxla nak cuan a̱naꞌleb joꞌ Dios.

Amós 2:15

Li naxnau pletic riqꞌuin tzimaj incꞌaꞌ ta̱ru̱k tixcol rib. Ut li naa̱linac chi cau incꞌaꞌ ta̱ru̱k tixcol rib, chi moco ta̱ru̱k tixcol rib li ta̱e̱lelik chirix cacua̱y.

2 Crónicas 32:8

Yal cui̱nkeb li cuanqueb rochben aꞌan. Abanan li Ka̱cuaꞌ li kaDios cuan kiqꞌuin la̱o chikatenkꞌanquil. Aꞌan ta̱tenkꞌa̱nk ke chi pletic, chan. Ut eb li tenamit queꞌxcacuubresi xchꞌo̱leb riqꞌuin li cꞌaꞌru quixye laj Ezequías lix reyeb laj Judá.

Isaías 20:4

Lix reyeb laj Asiria ta̱numta̱k saꞌ xbe̱neb laj Egipto ut eb laj Etiopía. Tixchapeb li tenamit ut tixcꞌameb chi pre̱xil. Joꞌ ni̱nk joꞌ cocꞌ teꞌxic chi ma̱cꞌaꞌ xa̱b chi rok ut chi ma̱cꞌaꞌeb rakꞌ. Cꞌajoꞌ nak teꞌxuta̱na̱k eb laj Egipto nak teꞌxic chi tꞌustꞌu̱queb.