Isaías 31:2 - Li Santil hu

² Li Ka̱cuaꞌ, aꞌan li cuan xnaꞌleb ut aꞌan li nasachoc. Incꞌaꞌ naxjal lix cꞌaꞌux. Tixqꞌue chixtojbal lix ma̱queb li nequeꞌxba̱nu li ma̱usilal joꞌ ajcuiꞌ eb li nequeꞌtenkꞌan reheb.

Q'eqchi Bible

² Ab'an li Qaawa' seeb' ajwi' xch'ool ut naxnaw rahob'tesink; naq naxye junaq li raatin, ink'a' chik naxjal li xk'a'uxl. A'an taaraqoq aatin sa' xb'eeneb' li ink'a' useb' xna'leb' jo'wi' sa' xb'eeneb' li neke'tenq'ank reheb' laj b'aanuhom maa'usilal.

Isaías 31:2 ပူးပေါင်းရင်းမြစ်များ

Números 23:19

Li Dios moco cui̱nk ta. Li Dios incꞌaꞌ naticꞌtiꞌic chi moco naxjal xcꞌaꞌux. Junelic naxba̱nu li cꞌaꞌru naxye. Ut junelic naxba̱nu li cꞌaꞌru naxyechiꞌi.

Isaías 45:7

La̱in quinyi̱ban re li cutan ut la̱in ajcuiꞌ quinyi̱ban re li kꞌojyi̱n. La̱in ninqꞌuehoc tuktu̱quil usilal ut ninqꞌuehoc ajcuiꞌ chꞌaꞌajquilal. La̱in li Ka̱cuaꞌ ninba̱nun re chixjunil aꞌin.

San Judas 1:25

Lokꞌoninbil taxak li junaj chi Dios, laj Colol ke saꞌ xcꞌabaꞌ li Ka̱cuaꞌ Jesucristo. Aꞌan taxak chinima̱k xcuanquil ut xlokꞌal chalen chak najter kꞌe cutan, ut toj chalen anakcuan ut chi junelic. Joꞌcan taxak.

Romanos 16:27

Li jun chi Dios, li naxnau chixjunil, chicua̱nk xlokꞌal saꞌ xcꞌabaꞌ li Ka̱cuaꞌ Jesucristo anakcuan ut chi junelic kꞌe cutan. Joꞌcan taxak.

San Mateo 24:35

Li choxa ut li ruchichꞌochꞌ talajeꞌosokꞌ. Abanan li cua̱tin incꞌaꞌ ta̱cana̱k yal chi joꞌcan chi incꞌaꞌ ta ta̱cꞌulma̱nk chixjunil li cꞌaꞌak re ru xinye.

Sofonías 3:8

Joꞌcan nak chine̱roybeni cuan, chan li Ka̱cuaꞌ, toj ta̱cuulak xkꞌehil nak tincuisi injoskꞌil saꞌ e̱be̱n. La̱in ac xinye nak tinchꞌutubeb ru lix ni̱nkal ru tenamit ut tinrakok a̱tin saꞌ xbe̱neb. Chanchan li xam nak tincꞌut lin joskꞌil che̱ru. Tinsacheb ru chixjunil le̱ tenamit xban nak yo̱ injoskꞌil saꞌ e̱be̱n.

Amós 3:6

Cui ta̱ecꞌa̱nk li trompeta saꞌ tenamit, ¿ma incꞌaꞌ ta biꞌ teꞌxucuak li tenamit chirabinquil? Ut, ¿ma ta̱cha̱lk ta biꞌ li raylal saꞌ xbe̱n junak li tenamit cui li Dios incꞌaꞌ tixcanabeb re teꞌxcꞌul?

Jeremías 10:12

Li Ka̱cuaꞌ Dios, aꞌan li quiyi̱ban re li ruchichꞌochꞌ riqꞌuin xnimal xcuanquil. Riqꞌuin lix naꞌleb quixyi̱b li ruchichꞌochꞌ saꞌ xnaꞌaj ut quixyi̱b ajcuiꞌ li choxa.

Zacarías 1:6

Abanan li a̱tin li quinye quicꞌulman joꞌ quinye. Quicꞌulman joꞌ quinye reheb lin profeta re teꞌxye reheb li tenamit. Queꞌxcꞌul li raylal le̱ xeꞌto̱nil yucuaꞌ joꞌ quinye. Joꞌcan nak queꞌyotꞌeꞌ xchꞌo̱l ut queꞌxjal xcꞌaꞌuxeb. Queꞌxye, “Xkacꞌul ajcuiꞌ li cꞌaꞌru quixye chak saꞌ kabe̱n li Ka̱cuaꞌ li nimajcual Dios joꞌ kacꞌulub xcꞌulbal xban li kayehom kaba̱nuhom,” chanqueb.—

Ezequiel 29:6

Ut chixjunileb li cuanqueb Egipto teꞌxqꞌue retal nak la̱in li nimajcual Dios. At faraón, la̱at chanchanat jun xukꞌ caxlan aj chokꞌ reheb laj Israel lin tenamit.

Jeremías 36:32

Ut laj Jeremías quixchap jun chic li botbil hu ut quixqꞌue re laj Baruc laj tzꞌi̱b, li ralal laj Nerías. Laj Baruc quixtzꞌi̱ba saꞌ li hu chixjunil li a̱tin li quiyeheꞌ re xban laj Jeremías. Quixtzꞌi̱ba chixjunil li quicuan saꞌ li hu li quixcꞌat laj Joacim lix reyeb laj Judá. Ut toj cuan chic nabal xcomon li a̱tin li quixtzꞌi̱ba saꞌ li hu.

Jeremías 10:7

¿Ma cuan ta biꞌ junak incꞌaꞌ ta̱xucua̱nk a̱cuu? La̱at lix reyeb chixjunileb li tenamit. A̱cꞌulub nak ta̱xucua̱k a̱cuu. Ma̱ jun ta̱ru̱k xjuntakꞌe̱tanquil a̱cuiqꞌuin chi moco saꞌ xya̱nkeb li cuanqueb xnaꞌleb saꞌ ruchichꞌochꞌ, chi moco saꞌ xya̱nkeb li cuanqueb xcuanquil.

Isaías 32:6

Li incꞌaꞌ us xnaꞌleb junes to̱ntil naꞌleb naxye ut junes ma̱usilal naxcꞌoxla xba̱nunquil. Naxba̱nu li incꞌaꞌ us ut naxhob li Ka̱cuaꞌ li nimajcual Dios. Incꞌaꞌ naxqꞌue xtzacae̱mkeb li teꞌtzꞌoca̱k chi moco naxqꞌue rucꞌaheb li teꞌchakik reheb.

Isaías 31:3

Eb laj Egipto yal cui̱nkeb. Moco dioseb ta. Ut lix cacua̱yeb yal xuleb. Moco musikꞌejeb ta. Nak li Ka̱cuaꞌ tixyeꞌ li rukꞌ chixqꞌuebaleb chixtojbal lix ma̱c, jun xxiquic nak teꞌosokꞌ. Ta̱osokꞌ laj tenkꞌanel ut ta̱osokꞌ ajcuiꞌ li natenkꞌa̱c.

Isaías 30:3

Abanan laj faraón ma̱cꞌaꞌak xcuanquil chixtenkꞌanquileb. Ta̱cꞌutekꞌ xxuta̱neb nak ta̱cubsi̱k xcuanquileb xban nak queꞌxpatzꞌ lix tenkꞌanquileb riqꞌuineb laj Egipto.

Isaías 28:21

Li Ka̱cuaꞌ tixba̱nu joꞌ quixba̱nu saꞌ li tzu̱l Perazim ut saꞌ li ru takꞌa Gabaón. Tixba̱nu li incꞌaꞌ quixba̱nu junxil. Tixba̱nu chi tzꞌakal re ru.

Isaías 22:14

Ut li Ka̱cuaꞌ li nimajcual Dios quia̱tinac cuiqꞌuin ut quixye cue: —Li ma̱c aꞌin li xeba̱nu la̱ex aj Jerusalén incꞌaꞌ tincuy toj retal nak texca̱mk. La̱in li nimajcual Dios xinyehoc re aꞌin, chan.

1 Samuel 2:3

Ma̱ ani ta teꞌxnimobresi rib chi moco teꞌxkꞌetkꞌeti rib riqꞌuin li cꞌaꞌru nequeꞌxye xban nak li Ka̱cuaꞌ, aꞌan naxnau chixjunil. Ut aꞌan naxqꞌue retal ut narakoc a̱tin saꞌ xbe̱n li junju̱nk riqꞌuin li cꞌaꞌru naxba̱nu.

Josué 23:15

Joꞌ nak xqꞌue chixjunil li cha̱bil li quixyechiꞌi e̱re li Ka̱cuaꞌ le̱ Dios, joꞌcan ajcuiꞌ nak tixqꞌue chak raylal saꞌ e̱be̱n joꞌ quixye e̱re, cui incꞌaꞌ te̱ba̱nu li us. Tixsach e̱ru re nak incꞌaꞌ chic texcua̱nk saꞌ li cha̱bil naꞌajej aꞌin li quixqꞌue e̱re li Ka̱cuaꞌ.

Números 10:35

Nak nequeꞌxtiquib xpakonquil li Lokꞌlaj Ca̱x laj Moisés quixye: —Choa̱tenkꞌa, at Ka̱cuaꞌ. Chajeqꞌuiheb li xicꞌ nequeꞌiloc a̱cue. Cheꞌe̱lelik ta cha̱cuu.—

Li xHu LAJ JOB 5:13

Ut aꞌan ajcuiꞌ naqꞌuehoc reheb chi tꞌanecꞌ saꞌ li ma̱usilal li nequeꞌxba̱nu eb li se̱beb xchꞌo̱l chixba̱nunquil li ma̱usilal. Ut incꞌaꞌ us na-el chiruheb li cꞌaꞌru nequeꞌxcꞌoxla xba̱nunquil.

Isaías 1:4

Ex tenamit, la̱ex aj ma̱c. Numtajenak le̱ ma̱usilal. La̱ex ralal xcꞌajolex li incꞌaꞌ useb xnaꞌleb. Kꞌaxal numtajenak le̱ joꞌ ma̱joꞌil naꞌleb. Xecanab inpa̱banquil. Xechikꞌ injoskꞌil la̱in li Dios Santo, le̱ Dios la̱ex aj Israel ut xine̱tzꞌekta̱na.

Isaías 9:17

Joꞌcan nak incꞌaꞌ quixtokꞌoba ruheb li sa̱j cui̱nk li Ka̱cuaꞌ, chi moco quiril xtokꞌoba̱l ruheb li nebaꞌ ut eb li xma̱lcaꞌan. Chixjunileb li tenamit incꞌaꞌ useb xnaꞌlebeb. Incꞌaꞌ nequeꞌxqꞌue xcuanquil li Ka̱cuaꞌ. Junes ma̱usilal nequeꞌxye. Joꞌcan nak li Dios toj ma̱jiꞌ nanumeꞌ xjoskꞌil saꞌ xbe̱neb. Toj tixqꞌue chixtojbal xma̱queb li tenamit.

Isaías 14:20

La̱at incꞌaꞌ tatmukekꞌ joꞌ nak xeꞌmukeꞌ li jun chꞌol chic rey xban nak xasach ru la̱ tenamit ut xacamsiheb li cristian. Ut ma̱ ani chic ta̱jultica̱nk reheb la̱ cualal a̱cꞌajol xban li ma̱usilal xaba̱nu.

Isaías 28:29

Chixjunil li naꞌleb aꞌin qꞌuebil re xban li nimajcual Dios. Kꞌaxal cha̱bil li naꞌleb li naxqꞌue li Dios ut chixjunil na-el chi us.

Li xHu LAJ JOB 12:13

Abanan li Dios kꞌaxal numtajenak cuiꞌchic lix naꞌleb ut lix cuanquil. Li cꞌaꞌru naraj xba̱nunquil, naxba̱nu.

Li xHu LAJ JOB 12:16

Kꞌaxal numtajenak lix cuanquil li Dios ut aꞌan yal re saꞌ xbe̱n chixjunil. Saꞌ rukꞌ aꞌan cuanqueb li nequeꞌbalakꞌi̱c joꞌ eb ajcuiꞌ li nequeꞌbalakꞌin.

Isaías 21:17

Usta kꞌaxal cauheb xchꞌo̱l chi pletic eb li cui̱nk aj Cedar, li nequeꞌcutuc tzimaj, abanan moco qꞌui ta chic li teꞌcolekꞌ. La̱in li Ka̱cuaꞌ, lix Dioseb laj Israel, ninyehoc re aꞌin.—

Isaías 30:7

Relic chi ya̱l nak ma̱cꞌaꞌ na-oc cuiꞌ li teꞌxba̱nu eb laj Egipto. Moco naru ta teꞌxtenkꞌaheb laj Israel. Joꞌcan nak ninye: —Eb laj Egipto nequeꞌxnimobresi ribeb, abanan ma̱cꞌaꞌ naru nequeꞌxba̱nu.—