Isaías 30:8 - Li Santil hu

⁸ Li Ka̱cuaꞌ quixye cue nak tintzꞌi̱ba retalil saꞌ jun li hu chanru lix naꞌlebeb laj Israel. Li hu aꞌan cua̱nk junelic ut aꞌanak retalil chanru lix naꞌlebeb.

Q'eqchi Bible

⁸ Ayu anaqwan ut tz'iib'a a'in chiru junaq tz'alamche' malaj junaq hu, ut aran tkanaaq toj chaalel eb' li kutan cho'q aj jitol reheb' chi junelik.

Isaías 30:8 ပူးပေါင်းရင်းမြစ်များ

Habacuc 2:2

Li Ka̱cuaꞌ quichakꞌoc ut quixye cue: —Tzꞌi̱ba chiru jun pere̱lak tzꞌalam cheꞌ li cꞌaꞌru tincꞌutbesi cha̱cuu. Tzꞌi̱ba chi tzꞌakal re ru re nak li ani ta̱ilok re ta̱xic saꞌ junpa̱t xyebal resil li cꞌaꞌru ta̱ril.

Isaías 8:1

Li Ka̱cuaꞌ quixye cue: —Chap jun pere̱lak li tzꞌalam cheꞌ nim ru ut chiru aꞌan ta̱tzꞌi̱ba chi tzꞌakal re ru li a̱tin aꞌin: Maher-salal-hasbaz.

Deuteronomio 31:22

Ut saꞌ li cutan aꞌan laj Moisés quixtzꞌi̱ba li bich ut quixcꞌut chiruheb laj Israel.

Jeremías 51:60

Li profeta Jeremías quixtzꞌi̱ba saꞌ jun li botbil hu li raylal li tixcꞌul eb laj Babilonia, joꞌ ajcuiꞌ lix tenamiteb.

Jeremías 36:2

—Sicꞌ jun botolak li hu ut ta̱tzꞌi̱ba chiru chixjunil li xinye a̱cue chirixeb laj Israel ut chirixeb laj Judá ut tzꞌi̱ba ajcuiꞌ li xinye chirixeb ajcuiꞌ chixjunileb li tenamit jun chꞌol chic. Toj cua̱nk chokꞌ rey laj Josías nak quintiquib a̱tinac a̱cuiqꞌuin ut toj chalen anakcuan.

Deuteronomio 31:19

Chatzꞌi̱ba biꞌ li bich aꞌin ut ta̱cꞌut chiruheb laj Israel re nak aꞌaneb teꞌxbicha. Li bich aꞌin tixchꞌolob xya̱lal chiruheb nak incꞌaꞌ us queꞌxba̱nu.

Números 24:14

Anakcuan xic cue saꞌ lin tenamit. Abanan xbe̱n cua tinye a̱cue cꞌaꞌru teꞌxba̱nu e̱re eb laj Israel saꞌ eb li cutan chalen, chan laj Balaam.

Deuteronomio 4:30

Mokon chic nak ac xecꞌul chixjunil li raylal aꞌin, cui la̱ex texsukꞌi̱k riqꞌuin li Ka̱cuaꞌ le̱ Dios ut te̱ba̱nu li cꞌaꞌru naxye, aꞌan ta̱ruxta̱na e̱ru.

San Judas 1:18

Eb li apóstol queꞌxye e̱re nak ta̱nachꞌok chak rosoꞌjiqueb li cutan teꞌcha̱lk eb laj balakꞌ aj majecuanel. Aꞌ li ma̱c li naxrahi ru lix tzꞌejcualeb, aꞌan li nequeꞌxba̱nu.

2 Pedro 3:3

Xbe̱n cua chetauhak xya̱lal aꞌin: Nak ta̱nachꞌok chak rosoꞌjiqueb li cutan, cuan li teꞌcha̱lk chi hoboc riqꞌuin yibru a̱tin. Teꞌxhob xcuanquil li Dios ut teꞌxba̱nu li yibru naꞌleb li nequeꞌxcꞌoxla.

1 Timoteo 4:1

Li Santil Musikꞌej naxcꞌut lix ya̱lal chi tzꞌakal nak saꞌ eb li cutan cha̱lel cuan li teꞌxcanab xpa̱banquil li tijleb li tzꞌakal ya̱l. Ut teꞌbalakꞌi̱k xban li tijleb li incꞌaꞌ ya̱l li nequeꞌxqꞌue li ma̱us aj musikꞌej.

Oseas 3:5

Abanan ta̱cuulak xkꞌehil nak eb laj Israel teꞌsukꞌi̱k cuiꞌchic riqꞌuin li Ka̱cuaꞌ lix Dioseb ut teꞌxsicꞌ junak reheb li ralal xcꞌajol laj David chokꞌ xreyeb. Ut saꞌ rosoꞌjiqueb li cutan, teꞌxxucua ru li Ka̱cuaꞌ ut teꞌxcꞌu̱luban cuiꞌchic li usilal li tixba̱nu reheb.

Ezequiel 38:16

Chanchan nak li chok tixmuk li tenamit nak texxic chi pletic riqꞌuineb lin tenamit Israel. Saꞌ eb li cutan teꞌcha̱lk tatintakla saꞌ lin tenamit chi pletic re nak chixjunileb li xni̱nkal ru tenamit teꞌxqꞌue retal nak la̱in li Ka̱cuaꞌ nak tincꞌut lin santilal chiruheb nak tinqꞌue laj Gog chi numta̱c saꞌ xbe̱neb laj Israel.

Jeremías 48:47

Abanan ta̱cuulak xkꞌehil nak la̱in tinqꞌueheb cuiꞌchic chi sukꞌi̱c saꞌ lix naꞌajeb li ralal xcꞌajol laj Moab ut sa chic teꞌcua̱nk, chan li Ka̱cuaꞌ. Aꞌan aꞌin li resilal li cꞌaꞌru tixcꞌul li tenamit Moab.

Jeremías 23:20

Lix joskꞌil li Ka̱cuaꞌ incꞌaꞌ ta̱numekꞌ toj tixba̱nu li cꞌaꞌru quixcꞌoxla xba̱nunquil. Saꞌ eb li cutan ta̱cha̱lk te̱tau ru lix ya̱lal chi tzꞌakal.

Isaías 2:2

Saꞌ rosoꞌjiqueb li cutan ta̱cuulak xkꞌehil nak ta̱cꞌulma̱nk chi joꞌcaꞌin: Li tzꞌakal rochoch li Ka̱cuaꞌ li cuan saꞌ li tzu̱l aꞌanak li kꞌaxal nim xcuanquil saꞌ xbe̱n chixjunileb ut aꞌan li ta̱jolomi̱nk reheb. Ut nabaleb li cua̱nkeb saꞌ ruchichꞌochꞌ teꞌcuulak aran.

Deuteronomio 31:29

La̱in ninnau nak chirix lin camic eb li tenamit teꞌxba̱nu li ma̱usilal ut teꞌxtzꞌekta̱na li cꞌaꞌru xinye reheb. Raylal ta̱cha̱lk saꞌ xbe̱neb chiruheb li cutan cha̱lel xban nak teꞌxba̱nu li ma̱usilal chiru li Ka̱cuaꞌ. Teꞌxqꞌue xjoskꞌil li Ka̱cuaꞌ riqꞌuin li cꞌaꞌru teꞌxyi̱b riqꞌuin li rukꞌeb.—

Isaías 34:16

Sicꞌomak saꞌ li hu li tzꞌi̱banbil cuiꞌ li cꞌaꞌru quixye li Dios ut te̱ril xsaꞌ re nak te̱qꞌue retal ma cuan junak quipaltoꞌ. Eb li xul aꞌin queꞌcuan saꞌ li naꞌajej aꞌan joꞌ quixye li Dios. Junju̱nk tux ut junju̱nk tzoꞌ xban nak lix musikꞌ, aꞌan li quichꞌutuban reheb.

Jeremías 30:2

—Aꞌan aꞌin li a̱tin li quixye li Ka̱cuaꞌ, lix Dioseb laj Israel. Tzꞌi̱ba saꞌ jun li hu chixjunil li xinye a̱cue.

Jeremías 36:4

Ut laj Jeremías quixbok laj Baruc, li ralal laj Nerías ut quixye re chixjunil li quiyeheꞌ re xban li Ka̱cuaꞌ Dios. Ut laj Baruc quixtzꞌi̱ba chixjunil saꞌ li hu joꞌ quiyeheꞌ re xban laj Jeremías.