Isaías 30:3 - Li Santil hu

³ Abanan laj faraón ma̱cꞌaꞌak xcuanquil chixtenkꞌanquileb. Ta̱cꞌutekꞌ xxuta̱neb nak ta̱cubsi̱k xcuanquileb xban nak queꞌxpatzꞌ lix tenkꞌanquileb riqꞌuineb laj Egipto.

Q'eqchi Bible

³ Ab'an li xkawilal leech'ool rik'in laj Parahón taak'ehoq eere sa' xutaan ut li xtenq'aaleb' laj Ejiipt taasachoq leech'ool.

Isaías 30:3 ပူးပေါင်းရင်းမြစ်များ

Isaías 20:5

Cꞌajoꞌ nak teꞌsachk xchꞌo̱leb ut teꞌxuta̱na̱k eb li queꞌxcꞌojob xchꞌo̱leb saꞌ xbe̱neb laj Etiopía. Joꞌcan ajcuiꞌ teꞌxcꞌul eb li queꞌxqꞌue xlokꞌal laj Egipto.

Romanos 10:11

Joꞌcaꞌin tzꞌi̱banbil saꞌ li Santil Hu: Li ani ta̱pa̱ba̱nk re aꞌan, incꞌaꞌ ta̱rahokꞌ xchꞌo̱l mokon xban nak tixcꞌul li cꞌaꞌru yechiꞌinbil re xban li Dios. (Isa. 28:16)

Romanos 5:5

Li cꞌaꞌru nakayoꞌoni nakanau nak takacꞌul, xban nak kꞌaxal nocoxra li Dios ut naxcꞌut chiku lix nimal xrahom xban li Santil Musikꞌej li qꞌuebil chak ke.

Isaías 36:6

La̱at nacacꞌoxla nak eb laj Egipto teꞌtenkꞌa̱nk a̱cue. Cui la̱at ta̱cꞌojob a̱chꞌo̱l saꞌ xbe̱neb laj Egipto chanchan nak ta̱qꞌue jun li caxlan aj chokꞌ a̱xukꞌ. Li caxlan aj ta̱tokekꞌ ut tixhop la̱ cuukꞌ. Joꞌcan nak incꞌaꞌ naru ta̱cꞌojob a̱chꞌo̱l saꞌ xbe̱neb aꞌan.”

2 Reyes 18:21

La̱o nakanau nak la̱at cꞌojcꞌo a̱chꞌo̱l saꞌ xbe̱neb laj Egipto. Eb laj Egipto moco cauheb ta rib. Chanchaneb li caxlan ajl. Cui ta̱chap chokꞌ re a̱xukꞌ, tixhop la̱ cuukꞌ. Li ani tixcꞌojob xchꞌo̱l saꞌ xbe̱n laj faraón, lix reyeb laj Egipto, ra tixcꞌul.

Salmos 108:12

At Ka̱cuaꞌ, caꞌaj cuiꞌ la̱at naru tattenkꞌa̱nk ke chi numta̱c saꞌ xbe̱neb li xicꞌ nequeꞌiloc ke. Li cui̱nk ma̱cꞌaꞌ xcuanquil re katenkꞌanquil.

Isaías 20:6

Saꞌ eb li cutan aꞌan eb laj Filistea li cuanqueb chire li palau teꞌxye, “Qꞌuehomak retal cꞌaꞌru queꞌxcꞌul eb li tenamit li xkacꞌojob kachꞌo̱l saꞌ xbe̱neb. Saꞌ kachꞌo̱l la̱o nak eb aꞌan toeꞌxcol chiru lix reyeb laj Asiria. ¿Ani ta̱ru̱k ta̱colok ke anakcuan?” chaꞌakeb.—

Jeremías 2:36

¿Cꞌaꞌut nak xejal e̱naꞌleb nak xepatzꞌ e̱tenkꞌanquil riqꞌuineb li jalaneb xtenamit? Ta̱cꞌutekꞌ e̱xuta̱n xbaneb laj Egipto joꞌ nak xcꞌuteꞌ e̱xuta̱n xbaneb laj Asiria.

Jeremías 42:18

Ut li Ka̱cuaꞌ li nimajcual Dios, lix Dioseb laj Israel, quixye ajcuiꞌ: —Joꞌ nak xincꞌutbesi lin joskꞌil chiruheb li cuanqueb Jerusalén nak xinqꞌueheb chixtojbal xma̱c, joꞌcan ajcuiꞌ nak texinqꞌue chixtojbal e̱ma̱c la̱ex cui texxic Egipto. Xucuajelak e̱rilbal. Texhobekꞌ ut ta̱patzꞌekꞌ le̱ cꞌabaꞌ nak eb li tenamit teꞌmajecua̱nk. Ut incꞌaꞌ chic texsukꞌi̱k saꞌ li naꞌajej aꞌin, chan li Ka̱cuaꞌ.

Jeremías 42:22

Joꞌcan nak anakcuan chenauhak nak relic chi ya̱l la̱ex texca̱mk saꞌ li ple̱t malaj ut xban cueꞌej, malaj ut xban caki yajel. Texca̱mk saꞌ li naꞌajej li xic cuiꞌ e̱re chi cua̱nc, chan laj Jeremías.

Oseas 10:6

Li cuacax oro ta̱cꞌamekꞌ Asiria ut ta̱qꞌuehekꞌ chokꞌ xma̱tan li rey Jareb. Eb li ralal xcꞌajol laj Efraín teꞌcꞌutekꞌ xxuta̱n. Xuta̱nal teꞌe̱lk chixjunileb laj Israel xban nak queꞌxqꞌue ribeb chi balakꞌi̱c.

Proverbios 25:19

Chanchan nak ra li ruch ke, malaj ut chanchan tokol junak li kok cui takacꞌojob kachꞌo̱l saꞌ xbe̱n junak incꞌaꞌ us xnaꞌleb saꞌ xkꞌehil li rahil chꞌo̱lej.

Jeremías 46:25

Li Ka̱cuaꞌ li nimajcual Dios, lix Dioseb laj Israel, naxye: —La̱in tinqꞌue chixtojbal xma̱c laj Amón lix dioseb laj Tebas. Ut tinqꞌueheb chixtojbal xma̱queb laj faraón ut eb laj Egipto rochbeneb lix dioseb ut eb lix rey. Ut tinqꞌueheb ajcuiꞌ chixtojbal xma̱queb li nequeꞌxcꞌojob xchꞌo̱l riqꞌuin laj faraón.

Ezequiel 29:7

Nak cateꞌxchap saꞌ rukꞌeb, cattokeꞌ ut cahop li xbe̱neb xtel. Eb aꞌan queꞌxcꞌojob xchꞌo̱leb saꞌ a̱be̱n, abanan la̱at incꞌaꞌ catru xtenkꞌanquileb. Cacanabeb chi sachecꞌ.