Isaías 30:2 - Li Santil hu

² Nequeꞌxic Egipto chixsicꞌbal xtenkꞌanquileb chi incꞌaꞌ nequeꞌxpatzꞌ cue ma us malaj ut incꞌaꞌ us li nequeꞌxba̱nu. Nequeꞌraj nak li tenamit Egipto ta̱colok reheb. Eb aꞌan cauheb xchꞌo̱l riqꞌuin laj faraón.

Q'eqchi Bible

² Neke'xik Ejiipt chi ink'a' neke'xye we; neke'xpatz' xtenq'ankileb' re laj Parahón ut neke'xsik' xkolb'aleb' rub'el xwankil Ejiipt.

Isaías 30:2 ပူးပေါင်းရင်းမြစ်များ

Isaías 36:6

La̱at nacacꞌoxla nak eb laj Egipto teꞌtenkꞌa̱nk a̱cue. Cui la̱at ta̱cꞌojob a̱chꞌo̱l saꞌ xbe̱neb laj Egipto chanchan nak ta̱qꞌue jun li caxlan aj chokꞌ a̱xukꞌ. Li caxlan aj ta̱tokekꞌ ut tixhop la̱ cuukꞌ. Joꞌcan nak incꞌaꞌ naru ta̱cꞌojob a̱chꞌo̱l saꞌ xbe̱neb aꞌan.”

Jeremías 43:7

Joꞌcaꞌin nak queꞌxkꞌet ra̱tin li Dios nak queꞌco̱eb Egipto ut queꞌcuulac toj Tafnes.

Números 27:21

Laj Josué ta̱xic riqꞌuin laj Eleazar laj tij ut tixpatzꞌ re cꞌaꞌru tixba̱nu. Ut laj Eleazar tixsicꞌ li cꞌaꞌru nacuaj riqꞌuin li Urim. Laj Josué, aꞌan li ta̱takla̱nk saꞌ xbe̱neb laj Israel riqꞌuin chixjunil li cꞌaꞌru teꞌxba̱nu, chan li Ka̱cuaꞌ.

Lamentaciones 4:20

Queꞌxchap li karey, li sicꞌbil ru xban li Ka̱cuaꞌ, li cꞌojcꞌo cuiꞌ kachꞌo̱l. Saꞌ kachꞌo̱l la̱o nak cua̱nk li rey aꞌan, eb li jalan tenamit incꞌaꞌ toeꞌxchꞌiꞌchꞌiꞌi.

Jeremías 42:20

Incꞌaꞌ us xeba̱nu nak xetzꞌa̱ma chicuu nak tintijok che̱rix chiru li Ka̱cuaꞌ li kaDios. Xeye cue, “Chattijok chiru li Ka̱cuaꞌ li kaDios chikix la̱o ut ta̱ye ke chixjunil li tixye a̱cue. La̱o takaba̱nu li cꞌaꞌru tixye,” chanquex.

Jeremías 42:2

Queꞌxye re laj Jeremías: —Ba̱nu usilal, chacuabi li cꞌaꞌru nakatzꞌa̱ma cha̱cuu. Chattijok chikix chiru li Ka̱cuaꞌ la̱ Dios. Tattijok chikix li joꞌ qꞌuial chic incꞌaꞌ xsacheꞌ ku. Junxil nabalo, abanan anakcuan coꞌxib aj chic xocana, joꞌ yo̱cat chirilbal.

Jeremías 37:5

Eb lix soldado lix reyeb laj Babilonia ac queꞌxsut li tenamit Jerusalén. Abanan queꞌe̱lelic nak queꞌrabi resil nak eb lix soldado laj faraón queꞌel aran Egipto ut yo̱queb chi xic Jerusalén chi pletic riqꞌuineb.

Jeremías 21:2

—Ba̱nu usilal, tattijok chiru li Ka̱cuaꞌ ut ta̱patzꞌ re cꞌaꞌru us takaba̱nu xban nak laj Nabucodonosor lix reyeb laj Babilonia yo̱ chi pletic kiqꞌuin. Ma̱re li Ka̱cuaꞌ tixba̱nu junak milagro re nak laj Nabucodonosor tixcanab pletic kiqꞌuin, chanqueb.

Isaías 36:9

La̱ex incꞌaꞌ te̱cuy pletic riqꞌuin li nataklan saꞌ xbe̱neb lix soldado lin rey usta aꞌan incꞌaꞌ cau rib. ¿Ma tixqꞌue ta biꞌ le̱ carruaje laj faraón? ¿Ma tixqꞌueheb ta biꞌ li soldado li teꞌxic chirix cacua̱y nak nequecꞌoxla?

Isaías 18:1

Raylal ta̱cha̱lk saꞌ xbe̱neb li cuanqueb saꞌ li tenamit bar na-abiman cuiꞌ xya̱beb li cocꞌ xul. Raylal ta̱cha̱lk saꞌ xbe̱n li tenamit Etiopía li cuan jun pacꞌal eb li nimaꞌ.

Isaías 16:3

Nequeꞌxye reheb laj Judá: —Yehomak ke cꞌaꞌru us takaba̱nu. Qꞌuehomak kanaꞌleb. Choe̱col joꞌ jun li cheꞌ naxqꞌue li mu nak yo̱ xtikcual li sakꞌe. La̱o yo̱co chi e̱lelic. Moe̱canab saꞌ rukꞌeb li xicꞌ nequeꞌiloc ke.

2 Reyes 17:4

Saꞌ jun li cutan laj Salmanasar lix reyeb laj Asiria quixqꞌue retal nak laj Oseas yo̱ chixbalakꞌinquil xban nak naxtaklaheb lix takl riqꞌuin laj So lix reyeb laj Egipto ut incꞌaꞌ chic naxtakla lix toj rajlal chihab joꞌ naxba̱nu. Joꞌcan nak lix reyeb laj Asiria quixtakla xchapbal laj Oseas ut quixqꞌue saꞌ tzꞌalam.

1 Reyes 22:7

Abanan laj Josafat quixpatzꞌ: —¿Ma ma̱cꞌaꞌ junak chic xprofeta li Dios arin naru topatzꞌok cuiꞌ? chan.

Jueces 9:15

Ut li tun qꞌuix quixye reheb: —Cui ya̱l nak la̱ex te̱raj nak la̱in tin-oc chokꞌ e̱rey, quimkex biꞌ anakcuan. Qꞌuehomak e̱rib chi rubel lin mu. Cui ut incꞌaꞌ nequeraj chi joꞌcan, chie̱lk li xam cuiqꞌuin ut chixcꞌatak li chacalteꞌ re Líbano, chan.

Josué 9:14

Eb laj Israel queꞌxchap lix cuaheb ut queꞌril. Abanan incꞌaꞌ queꞌxtzꞌa̱ma chiru li Dios cꞌaꞌru us teꞌxba̱nu.

Deuteronomio 28:68

Li Ka̱cuaꞌ textakla cuiꞌchic Egipto saꞌ eb li ni̱nki jucub usta quixye e̱re nak ma̱ jaruj chic texsukꞌi̱k aran. Nak cua̱nkex aran texcꞌayi̱k raj chokꞌ rahobtesinbil mo̱s reheb li xicꞌ nequeꞌiloc e̱re, abanan ma̱ ani ta̱ajok lokꞌoc e̱re.

2 Reyes 18:21

La̱o nakanau nak la̱at cꞌojcꞌo a̱chꞌo̱l saꞌ xbe̱neb laj Egipto. Eb laj Egipto moco cauheb ta rib. Chanchaneb li caxlan ajl. Cui ta̱chap chokꞌ re a̱xukꞌ, tixhop la̱ cuukꞌ. Li ani tixcꞌojob xchꞌo̱l saꞌ xbe̱n laj faraón, lix reyeb laj Egipto, ra tixcꞌul.

Isaías 8:19

Cui eb li tenamit teꞌxye e̱re nak te̱patzꞌ e̱naꞌleb riqꞌuineb laj kꞌe ut eb laj tu̱l li nequeꞌhasbac ut nequeꞌa̱tinac yal chi joꞌcan, la̱ex texchakꞌok ut te̱ye: —¿Ma incꞌaꞌ ta biꞌ ta̱ru̱k tixpatzꞌ xnaꞌleb junak tenamit riqꞌuin lix Dios? ¿Ma ta̱ru̱k ta biꞌ teꞌxpatzꞌ xnaꞌleb li yoꞌyo̱queb riqꞌuineb li camenak?—

Jeremías 2:18

¿Cꞌaꞌut nak te̱raj xic chixpatzꞌbal e̱tenkꞌanquil aran Egipto? ¿Ma textenkꞌa ta biꞌ li nimaꞌ Nilo? Ut, ¿cꞌaꞌut nak te̱raj xic xpatzꞌbal e̱tenkꞌanquil aran Asiria? ¿Ma naru ta biꞌ texcol li nimaꞌ Éufrates?

Jeremías 42:14

Cui te̱ye nak texxic chi cua̱nc Egipto bar nequecꞌoxla nak incꞌaꞌ ta̱cua̱nk li pletic chi moco te̱rabi xya̱b li trompeta, chi moco te̱cꞌul cueꞌej,

Oseas 7:13

Tokꞌob xak ruheb xban nak xineꞌxtzꞌekta̱na la̱in. Raylal ta̱cha̱lk saꞌ xbe̱neb xban nak xeꞌxkꞌetkꞌeti ribeb chicuu ut yal xcab rix xchꞌo̱leb nak xineꞌxlokꞌoni. La̱in xcuaj raj xcolbaleb, abanan eb aꞌan incꞌaꞌ xeꞌraj.

Oseas 8:9

Li ralal xcꞌajol laj Efraín chanchaneb li bu̱r xban nak nequeꞌxba̱nu xjuneseb li cꞌaꞌru nequeꞌraj. Xeꞌco̱eb xpatzꞌbal xtenkꞌanquileb riqꞌuineb laj Asiria ut queꞌxtoj re nak teꞌcolekꞌ. Ut incꞌaꞌ xeꞌxcꞌoxla nak la̱in raj xincoloc reheb.

Oseas 8:10

Lin tenamit teꞌxtumina ruheb laj Asiria. Ut la̱in tebinchꞌutub ru ut tebinqꞌue chixcꞌulbal li raylal saꞌ rukꞌeb lix reyeb laj Asiria joꞌqueb ajcuiꞌ li nequeꞌcꞌanjelac chiru.