Isaías 30:1 - Li Santil hu

¹ Li nimajcual Dios quixye: —Raylal ta̱cha̱lk saꞌ xbe̱neb li nequeꞌtaklan saꞌ xbe̱neb laj Judá xban nak xjuneseb nequeꞌxcꞌu̱b ru cꞌaꞌru teꞌxba̱nu ut incꞌaꞌ nequeꞌxpatzꞌ xnaꞌlebeb cue la̱in. Joꞌcan nak yo̱ chi numta̱c lix ma̱queb.

Q'eqchi Bible

¹ Ra chaalel sa' xb'eeneb' li q'etq'et aj aleb', chan li Qaawa', li neke'xk'uub' li k'aru neke'raj, chi ink'a' neke'xpatz' we, ut neke'xk'ojob' sumwank li ink'a' inyehom reheb'. Jo'kan naq yo chi tamk li xmaakeb'.

Isaías 30:1 ပူးပေါင်းရင်းမြစ်များ

Isaías 65:2

La̱in junelic xinqꞌue inchꞌo̱l re xtenkꞌanquileb lin tenamit. Abanan eb aꞌan xeꞌxkꞌetkꞌeti ribeb chicuu. Ut nequeꞌxba̱nu li incꞌaꞌ us li nequeꞌraj eb aꞌan.

Isaías 1:2

Cherabihak la̱ex li cuanquex saꞌ choxa joꞌ ajcuiꞌ la̱ex li cuanquex saꞌ ruchichꞌochꞌ xban nak li Ka̱cuaꞌ oc re chixyebal chi joꞌcaꞌin: —Quebinqꞌuiresi li cualal incꞌajol toj retal queꞌni̱nkan. Abanan eb aꞌan xeꞌxkꞌetkꞌeti ribeb chicuu.

Oseas 7:13

Tokꞌob xak ruheb xban nak xineꞌxtzꞌekta̱na la̱in. Raylal ta̱cha̱lk saꞌ xbe̱neb xban nak xeꞌxkꞌetkꞌeti ribeb chicuu ut yal xcab rix xchꞌo̱leb nak xineꞌxlokꞌoni. La̱in xcuaj raj xcolbaleb, abanan eb aꞌan incꞌaꞌ xeꞌraj.

Romanos 2:5

Aban la̱at cau a̱chꞌo̱l. Joꞌcan nak incꞌaꞌ nacayotꞌ a̱chꞌo̱l incꞌaꞌ nacajal a̱cꞌaꞌux. Ut riqꞌuin aꞌan yo̱cat chixbokbal xjoskꞌil li Dios saꞌ a̱be̱n. Toxa̱cuil xjoskꞌil nak ta̱cuulak xkꞌehil nak li Dios ta̱rakok a̱tin saꞌ ti̱quilal.

Isaías 63:10

Usta quirosobtesiheb, abanan eb laj Israel queꞌxtzꞌekta̱na toj retal nak quirahoꞌ xchꞌo̱l lix Santil Musikꞌ. Joꞌcan nak li Ka̱cuaꞌ quijoskꞌoꞌ ut xicꞌ chic queꞌileꞌ xban. Ut quixqꞌueheb chi rahobtesi̱c.

Isaías 29:15

Raylal ta̱cha̱lk saꞌ xbe̱neb li nequeꞌxcꞌoxla xba̱nunquil chi mukmu chiru li Ka̱cuaꞌ li cꞌaꞌru nequeꞌxcꞌu̱b ru xba̱nunquil. Nequeꞌxcꞌoxla nak ma̱ ani na-iloc reheb. Saꞌ xchꞌo̱leb aꞌan nak ma̱ ani nanaꞌoc re li cꞌaꞌru nequeꞌxba̱nu.

2 Timoteo 3:13

Ut ta̱numta̱k lix ma̱usilaleb laj balakꞌ li incꞌaꞌ useb xnaꞌleb. Yo̱keb chi balakꞌi̱nc ut yo̱k ajcuiꞌ xbalakꞌinquileb aꞌan.

Ezequiel 3:9

Nabal la̱ cacuilal tinqꞌue. Chanchan xcacuilal li pec. Chanchan xcacuilal li terto̱quil pec diamante xcꞌabaꞌ. Incꞌaꞌ tatxucuak chiruheb xban nak li tenamit aꞌan aj kꞌetoleb a̱tin.—

Ezequiel 2:3

Ut li Ka̱cuaꞌ quixye cue: —At ralal cui̱nk, yo̱quin cha̱taklanquil riqꞌuineb li ralal xcꞌajol laj Israel. Eb li tenamit aꞌan kꞌaxal kꞌetkꞌeteb ut queꞌxkꞌet li cua̱tin. Eb aꞌan joꞌ eb ajcuiꞌ lix xeꞌto̱nil yucuaꞌeb yo̱queb chi ma̱cobc chicuu toj chalen anakcuan.

Jeremías 5:23

Abanan eb li tenamit aꞌin cauheb xchꞌo̱l ut kꞌetkꞌeteb. Xineꞌxtzꞌekta̱na ut nequeꞌxba̱nu li cꞌaꞌru nequeꞌraj.

Isaías 30:9

Li tenamit aꞌin kꞌetkꞌeteb ut nequeꞌbalakꞌin. Incꞌaꞌ nequeꞌraj rabinquil lix chakꞌrab li Dios.

Salmos 61:4

Nacuaj cua̱nc a̱cuiqꞌuin junelic saꞌ la̱ cuochoch. Cua̱nkin rubel la̱ cuanquil ut aran colbilakin a̱ban.

Deuteronomio 29:19

Cui cuan junak saꞌ kaya̱nk ta̱rabi chixjunil li tenebanbil saꞌ kabe̱n ut incꞌaꞌ tixqꞌue xcuanquil ut tixcꞌoxla “us tine̱lk usta tinba̱nu li cꞌaꞌru nacuaj injunes” chaꞌak, xban li jun aꞌan ta̱sachekꞌ e̱ru che̱junilex, li cha̱bil xnaꞌleb joꞌ ajcuiꞌ li incꞌaꞌ us xnaꞌleb.

Deuteronomio 9:24

Junelic yo̱quex chixkꞌetkꞌetinquil e̱rib chiru li Ka̱cuaꞌ chalen saꞌ li cutan nak quinnau e̱ru.

Jeremías 4:17

Ut teꞌxsut rix li tenamit Jerusalén. Chanchanakeb li cui̱nk li nequeꞌcꞌacꞌalen re lix naꞌajeb li racui̱mk. Jerusalén ta̱sutekꞌ xban nak queꞌxkꞌetkꞌeti ribeb chiru li Ka̱cuaꞌ.

Isaías 32:2

Li rey aꞌan tixtenkꞌaheb li tenamit. Chanchanak jun li naꞌajej bar naru teꞌxcol cuiꞌ ribeb li tenamit chiru li hab ut li ikꞌ. Chanchanak li rok haꞌ li nanumeꞌ saꞌ li chaki chꞌochꞌ. Chanchanak jun li sako̱nac li tixqꞌue xmu saꞌ li tikcual chꞌochꞌ.

Isaías 8:12

—Ma̱junaji a̱cuib riqꞌuin li cꞌaꞌru nequeꞌxcꞌu̱b ru eb li tenamit, chi moco ta̱xucua li cꞌaꞌru nequeꞌxxucua eb aꞌan.

Isaías 4:5

Li Ka̱cuaꞌ tixqꞌue li chok ut li sib chi cutan saꞌ xbe̱n li tzu̱l Sión ut saꞌ xbe̱neb chixjunileb li cuanqueb aran Jerusalén ut tixqꞌue li xam chiru kꞌojyi̱n. Riqꞌuin aꞌin tixcꞌutbesi lix lokꞌal saꞌ xbe̱neb laj Israel.

Isaías 1:5

¿Ma toj te̱raj nak texinqꞌue chixtojbal rix le̱ ma̱c? ¿Cꞌaꞌut nak toj yo̱quex chixba̱nunquil le̱ ma̱usilal? Tochꞌol le̱ jolom ut tacuajenakex xban li raylal yo̱quex chixcꞌulbal.

Oseas 13:2

Ut chalen ajcuiꞌ anakcuan kꞌaxal cuiꞌchic yo̱queb chi ma̱cobc. Nequeꞌxyi̱b lix dioseb riqꞌuin plata re teꞌxlokꞌoni. Riqꞌuin rukꞌeb nequeꞌxyi̱b xdioseb chi chꞌinaꞌus aꞌ yal chanru nequeꞌxnau xba̱nunquil. Ut nequeꞌxye chi ribileb rib: —Chomayejak chiruheb li kadios. Takutzꞌ ru li kadios cuacax, chanqueb.

Isaías 5:18

Raylal ta̱cha̱lk saꞌ e̱be̱n la̱ex li nequexcꞌamoc chak ma̱usilal riqꞌuin ticꞌtiꞌ. Chanchan li bacꞌbo che̱rix; joꞌ ajcuiꞌ la̱ex li nequexcꞌamoc chak re li ma̱c li chanchan li yo̱quex chixquelonquil che̱rix.

Isaías 28:20

Incꞌaꞌ chic sa texcua̱nk. Chanchanakex jun li cui̱nk li naxyal cua̱rc saꞌ jun li chꞌa̱t caꞌchꞌin rok ut caꞌchꞌin li ris.

Isaías 28:15

La̱ex nequeye: —La̱o xkaba̱nu jun li contrato riqꞌuin li ca̱mc ut riqꞌuin lix naꞌajeb li camenak. La̱o incꞌaꞌ takacꞌul li raylal saꞌ eb li cutan nak nachal. Xkacꞌojob kachꞌo̱l riqꞌuin li balakꞌi̱nc ut li ticꞌtiꞌic, chanquex.

Isaías 8:19

Cui eb li tenamit teꞌxye e̱re nak te̱patzꞌ e̱naꞌleb riqꞌuineb laj kꞌe ut eb laj tu̱l li nequeꞌhasbac ut nequeꞌa̱tinac yal chi joꞌcan, la̱ex texchakꞌok ut te̱ye: —¿Ma incꞌaꞌ ta biꞌ ta̱ru̱k tixpatzꞌ xnaꞌleb junak tenamit riqꞌuin lix Dios? ¿Ma ta̱ru̱k ta biꞌ teꞌxpatzꞌ xnaꞌleb li yoꞌyo̱queb riqꞌuineb li camenak?—

Deuteronomio 9:7

Chijulticokꞌ e̱re chanru nak quechikꞌ chak xjoskꞌil li Ka̱cuaꞌ le̱ Dios nak cuanquex saꞌ li chaki chꞌochꞌ. Chalen saꞌ li cutan nak quex-el chak Egipto toj chalen anakcuan nak cuanquex saꞌ li naꞌajej aꞌin, yo̱quex chixkꞌetkꞌetinquil e̱rib chiru li Ka̱cuaꞌ.

Números 32:14

Ut anakcuan la̱ex li ralal xcꞌajolex li queꞌxba̱nu li incꞌaꞌ us, te̱raj cuiꞌchic xqꞌuebal xjoskꞌil li Dios saꞌ kabe̱n la̱o aj Israel.

Isaías 1:23

Eb li nequeꞌcꞌamoc be che̱ru aj kꞌetoleb a̱tin ut nequeꞌxjunaji rib riqꞌuineb laj e̱lkꞌ. Nequeꞌxra ru li tumin ut nequeꞌxqꞌue rib chi tumina̱c. Incꞌaꞌ nequeꞌxba̱nu usilal reheb li ma̱cꞌaꞌeb xnaꞌ xyucuaꞌ chi moco nequeꞌxtenkꞌaheb li xma̱lcaꞌan.

Isaías 8:11

Riqꞌuin xnimal xcuanquil li Ka̱cuaꞌ quia̱tinac cuiqꞌuin ut quixye cue nak incꞌaꞌ tinba̱nu li cꞌaꞌru yo̱queb chixba̱nunquil eb li tenamit. Quixye cue:

Jeremías 17:5

Li Ka̱cuaꞌ quixye: —Tzꞌekta̱nanbil li ani naxcanab inlokꞌoninquil ut naxcꞌojob xchꞌo̱l saꞌ xbe̱n junak yal cui̱nk ut naxsicꞌ xtenkꞌanquil riqꞌuin.

Jeremías 37:7

—Aꞌan aꞌin li naxye li Ka̱cuaꞌ lix Dioseb laj Israel. Ye re laj Sedequías lix reyeb laj Judá li xtaklan chak e̱re chi a̱tinac cuiqꞌuin, nak eb lix soldado laj Egipto yo̱queb chi cha̱lc chixtenkꞌanquil, aban teꞌsukꞌi̱k cuiꞌchic Egipto saꞌ xtenamiteb.

Jeremías 42:19

La̱ex aj Judá, li incꞌaꞌ quisacheꞌ e̱ru, li Ka̱cuaꞌ xye nak incꞌaꞌ texxic Egipto. La̱in ninye xya̱lal e̱re anakcuan. Checꞌoxlak chi us cꞌaꞌru te̱ba̱nu.

Ezequiel 11:2

Li Ka̱cuaꞌ quixye cue: —At ralal cui̱nk, aꞌaneb aꞌin li cui̱nk li yo̱queb chixcꞌu̱banquil ru li ma̱usilal ut yo̱queb chixtacchiꞌinquileb li tenamit aꞌin.

Ezequiel 24:3

Tat-a̱tinak riqꞌuineb laj Israel laj kꞌetoleb a̱tin. Ta̱ye reheb li jaljo̱quil ru a̱tin aꞌin. Joꞌcaꞌin xye li nimajcual Dios: Qꞌuehomak li ucꞌal saꞌ xam ut qꞌuehomak haꞌ chi saꞌ.

Ezequiel 29:16

Incꞌaꞌ chic teꞌxcꞌojob xchꞌo̱leb laj Israel riqꞌuin li tenamit Egipto. Nak eb laj Israel teꞌril li tenamit Egipto, ta̱nak saꞌ xchꞌo̱leb chanru nak queꞌma̱cob nak queꞌxcꞌojob xchꞌo̱leb saꞌ xbe̱neb. Ut riqꞌuin aꞌan teꞌxqꞌue retal nak la̱in li nimajcual Dios.—

Zacarías 4:6

Lix ángel li Ka̱cuaꞌ quichakꞌoc ut quixye cue: —Aꞌan aꞌin li quixye li Ka̱cuaꞌ re laj Zorobabel: Moco riqꞌuin ta e̱metzꞌe̱u chi moco riqꞌuin ta e̱cuanquil te̱ba̱nu li cꞌanjel aꞌin. Riqꞌuin ban lix cuanquil lin Santil Musikꞌ li tinqꞌue e̱re, chan li nimajcual Dios.

Josué 9:14

Eb laj Israel queꞌxchap lix cuaheb ut queꞌril. Abanan incꞌaꞌ queꞌxtzꞌa̱ma chiru li Dios cꞌaꞌru us teꞌxba̱nu.

2 Reyes 18:21

La̱o nakanau nak la̱at cꞌojcꞌo a̱chꞌo̱l saꞌ xbe̱neb laj Egipto. Eb laj Egipto moco cauheb ta rib. Chanchaneb li caxlan ajl. Cui ta̱chap chokꞌ re a̱xukꞌ, tixhop la̱ cuukꞌ. Li ani tixcꞌojob xchꞌo̱l saꞌ xbe̱n laj faraón, lix reyeb laj Egipto, ra tixcꞌul.

2 Reyes 18:24

La̱at incꞌaꞌ ta̱cuy pletic riqꞌuin jun reheb lin soldado usta aꞌan incꞌaꞌ cau rib. ¿Ma nequecꞌoxla nak laj faraón tixqꞌue e̱carruaje ut tixqꞌueheb li soldado li teꞌxic chirix cacua̱y?

Isaías 1:4

Ex tenamit, la̱ex aj ma̱c. Numtajenak le̱ ma̱usilal. La̱ex ralal xcꞌajolex li incꞌaꞌ useb xnaꞌleb. Kꞌaxal numtajenak le̱ joꞌ ma̱joꞌil naꞌleb. Xecanab inpa̱banquil. Xechikꞌ injoskꞌil la̱in li Dios Santo, le̱ Dios la̱ex aj Israel ut xine̱tzꞌekta̱na.

Isaías 31:1

Raylal ta̱cha̱lk saꞌ xbe̱neb li nequeꞌxic Egipto chixsicꞌbal xtenkꞌanquileb ut nequeꞌxcꞌojob lix chꞌo̱leb saꞌ xbe̱neb li cacua̱y. Nequeꞌxcacuubresi lix chꞌo̱leb xban nak nabaleb lix carruaje ut kꞌaxal cauheb rib li nequeꞌxic chirix cacua̱y. Abanan incꞌaꞌ nequeꞌxsicꞌ li Dios Santo, lix Dioseb laj Israel, chi moco nequeꞌxtzꞌa̱ma xtenkꞌanquil riqꞌuin.

Jeremías 2:18

¿Cꞌaꞌut nak te̱raj xic chixpatzꞌbal e̱tenkꞌanquil aran Egipto? ¿Ma textenkꞌa ta biꞌ li nimaꞌ Nilo? Ut, ¿cꞌaꞌut nak te̱raj xic xpatzꞌbal e̱tenkꞌanquil aran Asiria? ¿Ma naru ta biꞌ texcol li nimaꞌ Éufrates?

Oseas 11:6

Ta̱cua̱nk li ple̱t saꞌ lix tenamiteb. Talajeꞌosokꞌ li tenamit xban li ple̱t. Eb lin tenamit teꞌosokꞌ xban nak queꞌxba̱nu li cꞌaꞌru queꞌraj xjuneseb.