Isaías 3:7 - Li Santil hu

⁷ Abanan saꞌ li cutan aꞌan li asbej ta̱chakꞌok ut tixye: —La̱in incꞌaꞌ nacuaj oc chi takla̱nc saꞌ xbe̱n li tenamit xban nak saꞌ cuochoch ma̱cꞌaꞌ tzacae̱mk chi moco cuan akꞌej. Incꞌaꞌ naru tine̱xakab chi takla̱nc saꞌ xbe̱n li tenamit aꞌin.—

Q'eqchi Bible

⁷ Ab'anan li jun chik tixye sa' li kutan a'an: “Ink'a' tinruuq eetenq'ankil. Maak'a' tzekemq chi moko b'aatal sa' li wochoch, jo'kan naq mineek'e chi xjolominkil li tenamit”, cha'aq.

Isaías 3:7 ပူးပေါင်းရင်းမြစ်များ

Oseas 5:13

Eb li ralal xcꞌajol laj Efraín teꞌxqꞌue retal nak kꞌaxal ra cuanqueb cuiꞌ. Eb li ralal xcꞌajol laj Judá teꞌxqꞌue retal nak cuanqueb saꞌ chꞌaꞌajquilal. Joꞌcan nak teꞌxic riqꞌuin li rey Jareb aran Asiria chixtzꞌa̱manquil xtenkꞌanquileb. Abanan aꞌan incꞌaꞌ ta̱ru̱k tixtenkꞌaheb.

Oseas 6:1

Eb li tenamit teꞌxye: —Kajalak kacꞌaꞌux ut sukꞌi̱ko cuiꞌchic riqꞌuin li Ka̱cuaꞌ. Quixtakla chak li raylal saꞌ kabe̱n, abanan anakcuan toxtenkꞌa. Coxrahobtesi, abanan anakcuan toxqꞌuirtesi.

Ezequiel 34:4

Incꞌaꞌ quetenkꞌaheb li incꞌaꞌ cauheb rib, chi moco quebaneb li yaj, chi moco quelan ru lix tochꞌolaleb. Ut incꞌaꞌ quesukꞌisiheb li queꞌel saꞌ lix naꞌajeb chi moco quesicꞌ li queꞌsacheꞌ. Cau quextaklan saꞌ xbe̱neb ut saꞌ joskꞌil.

Lamentaciones 2:13

¿Cꞌaꞌ ta cuiꞌ ru tinye che̱rix la̱ex li cuanquex Jerusalén? ¿Cꞌaꞌru texinjuntakꞌe̱ta cuiꞌ? ¿Chan ta cuiꞌ ru nak tincꞌojob e̱chꞌo̱l, la̱ex li cuanquex Sión? Kꞌaxal nim li raylal cuanquex cuiꞌ. Chanchan xnimal li palau. ¿Ani ta̱ru̱k ta̱colok e̱re?

Jeremías 14:19

Laj Jeremías quixye: —At Ka̱cuaꞌ, ¿ma xatzꞌekta̱naheb li ralal xcꞌajol laj Judá chi junaj cua? ¿Ma xicꞌ nacacuileb li cuanqueb Sión? ¿Cꞌaꞌut nak xatakla li raylal aꞌin saꞌ kabe̱n li ma̱cꞌaꞌ xbanol? La̱o xkoybeni li tuktu̱quil usilal, abanan incꞌaꞌ xkacꞌul. Xkoybeni nak toqꞌuira̱k, abanan xiu xiu chic cuanco.

Isaías 58:12

Eb le̱ ralal e̱cꞌajol teꞌxyi̱b cuiꞌchic li tenamit ut teꞌxcuaclesi cuiꞌchic li cimiento li juqꞌuinbil junxil. Ut naꞌno̱k chic e̱ru xban nak xeyi̱b cuiꞌchic li tzꞌac ut li tenamit li queꞌtꞌaneꞌ junxil.

Deuteronomio 32:40

La̱in nintaksi li cuukꞌ saꞌ choxa ut ninye: La̱in li yoꞌyo̱quil Dios chi junelic kꞌe cutan.

Génesis 14:22

Abanan laj Abram quichakꞌoc ut quixye re: —Ac xinba̱nu jun li juramento riqꞌuin li Ka̱cuaꞌ Dios, li quiyi̱ban re li ruchichꞌochꞌ joꞌ ajcuiꞌ li choxa.

Joel 1:16

¿Ma incꞌaꞌ ta biꞌ yo̱co rilbal nak xsacheꞌ chiku li kacui̱mk? Ut, ¿ma sahak ta biꞌ chic kachꞌo̱l saꞌ lix templo li kaDios?