Isaías 3:26 - Li Santil hu

²⁶ Eb li cuanqueb saꞌ li tenamit teꞌya̱bak ut teꞌxqꞌue li kꞌes ru tꞌicr chirixeb. Li tenamit Jerusalén tzꞌekta̱nanbil ta̱cana̱k.

Q'eqchi Bible

²⁶ Junes yaab'ak ut tz'uyink taawanq chireheb' li okeb'aal, ut aajunes aj chik laa'at tatk'ojlaaq sa' li pojtz'.

Isaías 3:26 ပူးပေါင်းရင်းမြစ်များ

Lamentaciones 2:10

Eb li nequeꞌcꞌamoc be chiruheb li cuanqueb Sión, chunchu̱queb chic saꞌ chꞌochꞌ. Incꞌaꞌ nequeꞌa̱tinac. Queꞌxqꞌue li poks saꞌ xjolomeb ut queꞌxqꞌue li kꞌes ru tꞌicr chirixeb retalil lix rahil xchꞌo̱leb. Ut eb li tukꞌ ixk nequeꞌxxulub lix jolomeb xban xrahil xchꞌo̱leb.

Jeremías 14:2

Quixye: —Eb laj Judá yo̱queb chi ya̱bac xban li raylal li yo̱queb chixcꞌulbal. Kꞌaxal ra yo̱queb chixcꞌulbal lix tenamiteb. Chunchu̱queb li cristian saꞌ chꞌochꞌ xban xrahil xchꞌo̱leb. Ut eb laj Jerusalén yo̱queb chi ya̱bac xban li raylal li yo̱queb chixcꞌulbal.

Lamentaciones 1:4

Kꞌaxal ra saꞌ xchꞌo̱leb li be li nequeꞌxic aran Sión xban nak ma̱ ani nanumeꞌ aran re teꞌxic saꞌ eb li ninkꞌe. Ma̱ ani nacuan chiruheb li oqueba̱l re li tenamit ut eb laj tij yo̱queb chixjikꞌbal xchꞌo̱leb xban li raylal yo̱queb chixcꞌulbal. Kꞌaxal ra saꞌ xchꞌo̱leb li tukꞌ ixk joꞌqueb ajcuiꞌ chixjunileb li tenamit.

Li xHu LAJ JOB 2:13

Ut chirix aꞌan queꞌchunla saꞌ chꞌochꞌ chixcꞌatk chiru cuukub cutan ut cuukub kꞌojyi̱n. Ut ma̱ jun a̱tin queꞌxye xban nak queꞌxqꞌue retal nak kꞌaxal ra yo̱ chixcꞌulbal laj Job.

San Lucas 19:44

Teꞌxjuqꞌui le̱ tenamit ut teꞌxtꞌan, joꞌqueb ajcuiꞌ chixjunileb li cuanqueb aran. Ma̱ jun chic li pec ta̱cana̱k saꞌ xnaꞌaj. Te̱cꞌul chi joꞌcan xban nak la̱ex incꞌaꞌ xeqꞌue retal nak li Dios xcꞌulun e̱riqꞌuin che̱colbal, chan li Jesús.

Ezequiel 26:16

Ut chixjunileb li cuanqueb xcuanquil saꞌ eb li tenamit li cuanqueb chire li palau teꞌe̱lk saꞌ lix cꞌojariba̱leb xbaneb xxiu ut teꞌrisi chirixeb li rakꞌeb li cuan xsahob ru. Sicsotkeb xbaneb xxiu nak teꞌchunla̱k saꞌ chꞌochꞌ ut sachso̱keb xchꞌo̱l nak teꞌril li cꞌaꞌru te̱cꞌul la̱ex.

Li xHu LAJ JOB 2:8

Ut laj Job co̱ chixchunubanquil rib saꞌ li cha. Quixchap jun peda̱s xcꞌaj ucꞌal ut riqꞌuin aꞌan quixjoch li rix.

Isaías 47:1

Li Ka̱cuaꞌ quixye: —Ex aj Babilonia, cubsihomak e̱rib. Chunlankex saꞌ chꞌochꞌ chi ma̱cꞌaꞌ chic e̱cuanquil. Junxil chanchanex jun li tukꞌ ixk xban nak la̱ex ma̱ jun sut xexchapeꞌ xban jalan tenamit. Abanan anakcuan moco joꞌcanex ta chic. La̱ex li raro̱quex nak xexcuan texcana̱k chokꞌ rahobtesinbil mo̱s.

San Mateo 11:17

“Xkaya̱basi li kaxo̱lb ut incꞌaꞌ xexxajoc; xobichan chi ra saꞌ kachꞌo̱l, ut incꞌaꞌ xyotꞌeꞌ e̱chꞌo̱l chi moco xexya̱bac xban”, chanqueb.

Isaías 6:11

Ut la̱in quinpatzꞌ re, —¿Joꞌ najtil teꞌxcꞌul chi joꞌcaꞌin, at Ka̱cuaꞌ?— Li Dios quixye cue: —Toj retal teꞌsachekꞌ chixjunileb li tenamit. Ma̱ jun chic ta̱cana̱k saꞌ rochocheb ut lix chꞌochꞌeb ta̱cana̱k chi ma̱cꞌaꞌ chic cuan.

Isaías 14:31

Japomak e̱re chi ya̱bac che̱junilex la̱ex aj filisteo. Nabaleb li soldado xeꞌchal saꞌ li norte chi pletic e̱riqꞌuin. Chanchan li sib. Ut ma̱ jun reheb ta̱e̱lk saꞌ xya̱nkeb lix comon.

Isaías 29:2

Chirix aꞌan li Dios tixqꞌue li raylal saꞌ xbe̱n li tenamit Jerusalén. Teꞌyotꞌekꞌ xchꞌo̱leb ut teꞌya̱bak ut chixjunil li tenamit chanchanak jun li artal li junelic cuan quicꞌ saꞌ xbe̱n.

Isaías 33:9

Ma̱cꞌaꞌ chic li acui̱mk saꞌ lix chꞌochꞌeb. Kꞌaxal ra saꞌ xchꞌo̱l li naꞌajej. Quicꞌuteꞌ xxuta̱n li tenamit Líbano. Ut li ru takꞌa Sarón quisukꞌisi̱c chaki chꞌochꞌ. Ma̱cꞌaꞌ chic xxak li cheꞌ li cuan Basán, chi moco cuan xxak li cheꞌ li cuan saꞌ li tzu̱l Carmelo.

Jeremías 15:8

Nabaleb li xma̱lcaꞌan xeꞌcana̱c saꞌ li tenamit. Xeꞌxkꞌax xqꞌuial li samaib chire li palau. Xinqꞌueheb chi camsi̱c eb li sa̱j cui̱nk ut kꞌaxal ra saꞌ xchꞌo̱leb li naꞌbej. Chi ma̱cꞌaꞌ saꞌ xchꞌo̱leb xchal li raylal aꞌin saꞌ xbe̱n lix tenamiteb.

Lamentaciones 1:1

Tokꞌob xak ru li tenamit Jerusalén. Ma̱cꞌaꞌ chic cuan chi saꞌ. Nimla tenamit nak quicuan, abanan anakcuan chanchan aj chic jun xma̱lcaꞌan xcana. Junxil li tenamit Jerusalén kꞌaxal nim saꞌ xya̱nkeb chixjunileb li tenamit ut aꞌan nataklan saꞌ xbe̱neb. Abanan anakcuan aꞌan chic li natakla̱c.

Lamentaciones 2:8

Li Ka̱cuaꞌ quixye nak ta̱sachekꞌ ru li tzꞌac li sutsu cuiꞌ Jerusalén ut incꞌaꞌ quixjal xcꞌaꞌux. Quixqꞌue ban chi sachecꞌ chixjunil. Li tzꞌac joꞌ ajcuiꞌ li cab najt xteram li nequeꞌxcol cuiꞌ ribeb ac juqꞌuinbil chic.

Ezequiel 12:20

Eb li tenamit li cuanqueb cuiꞌ li cristian ta̱cana̱k chi ma̱cꞌaꞌ cristian chi saꞌ. Li cꞌaleba̱l ta̱cana̱k joꞌ chaki chꞌochꞌ. Riqꞌuin aꞌan te̱qꞌue retal nak la̱in li Ka̱cuaꞌ, chan.

Miqueas 1:9

Xban li ma̱usilal li yo̱queb chixba̱nunquil laj Samaria, chanchan nak cuan jun xtochꞌolal yo̱ chi kꞌa̱c. Ma̱cꞌaꞌ xbanol. Ut xbon rib li ma̱usilal riqꞌuineb li ralal xcꞌajol laj Judá. Joꞌcan nak teꞌosokꞌ ut teꞌosokꞌ ajcuiꞌ lin tenamit li cuanqueb Jerusalén. Ma̱cꞌaꞌ xjalenquil. Cha̱lc re li rakba a̱tin saꞌ xbe̱neb chixjunileb.

Isaías 32:14

Li palacio ta̱canaba̱k chi ma̱cꞌaꞌ chic cuan chi saꞌ. Ut ma̱cꞌaꞌak chic cristian ta̱cana̱k saꞌ li tenamit, usta nabaleb junxil. Chixjunileb li cab li najt xteram joꞌ eb ajcuiꞌ li cab li nequeꞌxcol cuiꞌ ribeb teꞌsachekꞌ. Junes chic eb li bu̱r re qꞌuicheꞌ ut eb li queto̱mk teꞌcua̱nk aran.