Isaías 3:24 - Li Santil hu

²⁴ Chokꞌ re̱kaj li sununquil ban ta̱cua̱nk xchuhil li camenak. Chokꞌ re̱kaj lix cꞌa̱mal xsaꞌ ta̱cua̱nk li cꞌa̱m. Chokꞌ re̱kaj li rismal jolom yi̱banbil chi cha̱bil, tꞌuruꞌak saꞌ lix jolomeb. Chokꞌ re̱kaj li cha̱bil akꞌej teꞌxqꞌue li kꞌes ru tꞌicr. Chokꞌ re̱kaj lix chꞌinaꞌusaleb, cꞌatalak lix tibeleb.

Q'eqchi Bible

²⁴ Sa' li kutan a'an cho'q reeqaj li sununkil b'an taawanq li chu; cho'q reeqaj li k'aamal sa', a' chik li k'aam taak'eemanq; cho'q reeqaj li te'ok ismal, job'il jolomej chik taawanq; cho'q reeqaj li chaab'il b'aatal, a' chik li q'es ruhil t'ikr taawanq; ut li ch'ina'usal taasutq'iiq cho'q xutaan.

Isaías 3:24 ပူးပေါင်းရင်းမြစ်များ

Ezequiel 27:31

Teꞌxjo li rismal xjolomeb xban xrahil xchꞌo̱leb ut teꞌxqꞌue li kꞌes ru tꞌicr chirixeb. Teꞌya̱bak chi kꞌaxal ra saꞌ xchꞌo̱leb xban nak xsacheꞌ e̱ru.

Lamentaciones 2:10

Eb li nequeꞌcꞌamoc be chiruheb li cuanqueb Sión, chunchu̱queb chic saꞌ chꞌochꞌ. Incꞌaꞌ nequeꞌa̱tinac. Queꞌxqꞌue li poks saꞌ xjolomeb ut queꞌxqꞌue li kꞌes ru tꞌicr chirixeb retalil lix rahil xchꞌo̱leb. Ut eb li tukꞌ ixk nequeꞌxxulub lix jolomeb xban xrahil xchꞌo̱leb.

Miqueas 1:16

La̱ex li cuanquex Judá nak te̱bes le̱ rismal jobil te̱ba̱nu. Tꞌuruꞌ ta̱cana̱k joꞌ xjolom li tꞌiu. Te̱ba̱nu aꞌan chokꞌ retalil xrahil e̱chꞌo̱l xban nak le̱ cocꞌal li raro̱queb e̱ban teꞌchapekꞌ ut teꞌcꞌamekꞌ saꞌ jalan tenamit.

Isaías 22:12

Saꞌ li cutan aꞌan li Ka̱cuaꞌ li nimajcual Dios quixye e̱re nak texya̱bak ut te̱yotꞌ e̱chꞌo̱l. Te̱qꞌue li kꞌes ru tꞌicr che̱rix ut te̱bes le̱ jolom.

Isaías 15:3

Teꞌxqꞌue li kꞌes ru tꞌicr chirixeb nak teꞌxic saꞌ be. Yo̱keb chi ya̱bac saꞌ eb li cꞌayil ut saꞌ xbe̱neb li cab. Chixjunileb huyhutkeb chi ya̱bac.

1 Pedro 3:3

Mixic e̱chꞌo̱l riqꞌuin xtikibanquil e̱rib. Me̱sicꞌ le̱ chꞌinaꞌusal yal riqꞌuin xcha̱bilal le̱ rakꞌ. Li tzꞌakal chꞌinaꞌusal ma̱cuaꞌ riqꞌuin xyi̱banquil le̱ rismal chi kꞌaxal chꞌinaꞌus chi moco riqꞌuin rocsinquil li oro.

Amós 8:10

Le̱ ninkꞌe tinsukꞌisi chokꞌ rahil chꞌo̱lej. Chanchan li ani xcam e̱re. Ut tinsukꞌisi ajcuiꞌ le̱ bich chokꞌ ya̱bac. Te̱rocsi li tꞌicr kꞌes ru ut jobil le̱ jolom teꞌcana̱k nak te̱bes retalil li rahil chꞌo̱lejil. Nak texya̱bak chanchanakex li yo̱queb chi ya̱bac xban nak quicam li junaj chi ralal. Toj chalen nak tex-osokꞌ junes raylal te̱cꞌul.

Ester 2:12

Nak toj ma̱jiꞌ nequeꞌxcꞌut rib chiru li rey, tento nak teꞌxyi̱b rib chiru jun chihab joꞌ cꞌaynakeb xba̱nunquil eb li ixk aꞌan. Li xbe̱n cuakib po teꞌxyul li aceite mirra chirixeb ut li cuakib po chic teꞌxqꞌue li sununquil ban chirixeb. Nak acak xeꞌrakeꞌ xyi̱banquil ribeb, chi xjunju̱nkaleb teꞌcꞌamekꞌ riqꞌuin li rey.

Levítico 26:16

la̱in texinqꞌue chixtojbal rix le̱ ma̱c. Xiu xiu chic cua̱nkex. Ut la̱in tintakla chak li raylal saꞌ e̱be̱n. Tintakla li yajel li incꞌaꞌ naru xbanbal. Ut tintakla li caki yajel saꞌ e̱be̱n tixlubtesi le̱ tibel ut ta̱rocsi xyajel li xnakꞌ e̱ru. Tex-a̱uk raj chic, abanan moco te̱tzaca ta chic. Aꞌaneb ban chic li xicꞌ nequeꞌiloc e̱re teꞌtzaca̱nk re.

Apocalipsis 18:9

Eb li rey li cuanqueb saꞌ ruchichꞌochꞌ li queꞌcuulac aran Babilonia chixba̱nunquil li ma̱usilal rochbeneb ut queꞌsahoꞌ saꞌ xchꞌo̱leb riqꞌuineb, ta̱rahokꞌ saꞌ xchꞌo̱leb chirilbal nak yo̱k chi sachecꞌ ru li tenamit. Teꞌya̱bak xban xrahil xchꞌo̱leb nak teꞌril xsibel li tenamit nak yo̱k chi cꞌatc.

Apocalipsis 16:9

Eb li cristian queꞌcꞌateꞌ xban xtikcual li sakꞌe. Xban li raylal li yo̱queb chixcꞌulbal, queꞌxmajecua li Dios li cuan xcuanquil saꞌ xbe̱neb li raylal. Ut incꞌaꞌ queꞌyotꞌeꞌ xchꞌo̱leb chi moco queꞌxqꞌue xlokꞌal li Dios.

Apocalipsis 11:3

La̱in tintaklaheb cuib aj cꞌanjel chicuu. Cua̱nk rakꞌeb chirix kꞌes ru retalil li rahil chꞌo̱lej. Eb aꞌan teꞌxye cuesilal chiru oxib chihab riqꞌuin cuakib po.—

Joel 1:8

Chexya̱bak joꞌ li sa̱j ixk li naxqꞌue rakꞌ chirix re rahil chꞌo̱lejil ut naya̱bac xban nak xcam lix be̱lom.

Ezequiel 7:18

Teꞌxqꞌue kꞌes ru tꞌicr chirixeb ut yo̱keb xxiu. Jobilak rismaleb ut yo̱keb xxuta̱n.

Jeremías 48:37

Chixjunileb queꞌxbes li rismal xjolomeb ut queꞌrisi lix macheb. Chixjunileb queꞌxset li rukꞌeb ut queꞌrocsi li tꞌicr li kꞌes ru retalil li rahil chꞌo̱lej li cuanqueb cuiꞌ.

Jeremías 6:26

Li Ka̱cuaꞌ quixye reheb: —Ex intenamit, qꞌuehomak li kꞌes ru tꞌicr che̱rix ut qꞌuehomak li cha che̱rix. Texya̱bak chi cau joꞌ nak naya̱bac junak li xcam ralal li jun ajcuiꞌ chiru. Texya̱bak xban nak ac cha̱lqueb re li ani teꞌsachok e̱re.

Jeremías 4:8

Qꞌuehomak kꞌes ru tꞌicr che̱rix ut texya̱bak chi cau xban nak yo̱ xjoskꞌil li Dios saꞌ xbe̱neb laj Judá.

Isaías 57:9

Quexco̱ex chi najt riqꞌuin li rey ut quecꞌam le̱ sununquil ban nak quexco̱ex. Quetaklaheb le̱ takl yalak bar. Chanchan nak quexco̱ex saꞌ xnaꞌajeb li camenak chixsicꞌbal le̱ naꞌleb.

Proverbios 31:24

Li ixk aꞌan naxquem li tꞌicr lino ut naxquem li cꞌa̱mal saꞌ ut naxcꞌayi reheb laj cꞌay.

Proverbios 7:17

Ut xinqꞌue ajcuiꞌ li sununquil ban chiru yi̱banbil riqꞌuin mirra, áloes, ut canela.

Li xHu LAJ JOB 16:15

Xban xrahil inchꞌo̱l xinqꞌue kꞌes ru tꞌicr chicuix ut xinqꞌue poks saꞌ injolom.

Deuteronomio 32:24

Telajeꞌca̱mk xban cueꞌej ut xban li caki yajel ut li tik. Tintaklaheb li joskꞌ aj xul chixtiubaleb. Ut teꞌtiꞌekꞌ xbaneb li cꞌantiꞌ li nequeꞌcamsin.

Deuteronomio 28:22

Tixtakla nabal pa̱y ru li yajel saꞌ e̱be̱n joꞌ li caki yajel. Texsipokꞌ ut cꞌajoꞌak le̱ tik. Incꞌaꞌ chic tixqꞌue li hab saꞌ xbe̱n le̱ racui̱mk ut cꞌajoꞌ xtikcual. Ta̱moꞌo̱nk le̱ racui̱mk. Cꞌajoꞌ li raylal te̱cꞌul toj retal texca̱mk.

Jeremías 49:3

Chexya̱bak la̱ex li cuanquex Hesbón xban nak quisacheꞌ ruheb li tenamit Hai. Japomak e̱re la̱ex li cuanquex Rabá. Qꞌuehomak li kꞌes ru tꞌicr che̱rix ut chexya̱bak. Texxic yalak bar chi saꞌ li tzꞌac li sutsu cuiꞌ li tenamit xban nak li yi̱banbil dios Milcom ta̱cꞌamekꞌ chi pre̱xil rochbeneb laj tij ut eb li cuanqueb xcuanquil.

Isaías 4:4

Li Ka̱cuaꞌ saꞌ ti̱quilal ta̱rakok a̱tin ut ta̱risiheb lix ma̱usilal li cuanqueb Sión. Tixcuy xma̱queb li queꞌcamsin aran Jerusalén.

Isaías 3:23

Ta̱risiheb ajcuiꞌ li lem, li cha̱bil tꞌicr lino, li jayil tꞌicr joꞌ eb ajcuiꞌ lix sahob ru li nequeꞌxqꞌue saꞌ xjolomeb.

Isaías 15:2

Eb li cuanqueb saꞌ li tenamit Dibón teꞌxic chi ya̱bac saꞌ li artal li cuan saꞌ xbe̱n bol. Eb li cuanqueb Moab rahak saꞌ xchꞌo̱leb ut teꞌya̱bak chirixeb li tenamit Nebo ut Medeba. Teꞌxbes lix jolomeb ut teꞌxjo lix macheb xban xrahil xchꞌo̱leb.