Isaías 3:23 - Li Santil hu

²³ Ta̱risiheb ajcuiꞌ li lem, li cha̱bil tꞌicr lino, li jayil tꞌicr joꞌ eb ajcuiꞌ lix sahob ru li nequeꞌxqꞌue saꞌ xjolomeb.

Q'eqchi Bible

²³ eb' li lem, li aq'ej terto xtz'aq, li xb'ak'b'al li rismal xjolomeb' ut eb' li xt'ikr.

Isaías 3:23 ပူးပေါင်းရင်းမြစ်များ

Apocalipsis 19:14

Nabaleb li cuanqueb saꞌ choxa yo̱queb chi ta̱ke̱nc re. Tikto̱queb riqꞌuin li saki tꞌicr lino ut sak ru. Yo̱queb chi xic chirix li cacua̱y sakeb rix.

Apocalipsis 19:8

Quiqꞌueheꞌ li cha̱bil lino re xtikibanquil rib. Sak ru li rakꞌ ut nalemtzꞌun. Li saki lino aꞌan retalil lix ti̱quilal xchꞌo̱leb li ralal xcꞌajol li Dios.

San Lucas 16:19

Quicuan jun li cui̱nk biom. Naxtikib rib riqꞌuin cha̱bil tꞌicr kꞌaxal terto xtzꞌak ut rajlal cutan naninkꞌei̱c.

Ezequiel 16:10

La̱in quinqꞌue la̱ cuakꞌ li qꞌuebil xsahob ru ut quinqꞌue la̱ xa̱b cha̱bil. Ut quinqꞌue jun xcꞌa̱mal a̱saꞌ yi̱banbil riqꞌuin li tꞌicr lino. Catintikib riqꞌuin li cha̱bil akꞌej terto xtzꞌak.

Cantares 5:7

Eb li cui̱nk li yo̱queb chi cꞌacꞌale̱nc re li tenamit quineꞌxtau. Quineꞌxsacꞌ ut quineꞌxtacuasi. Eb li cui̱nk li yo̱queb chi cꞌacꞌale̱nc re li oqueba̱l re li tenamit queꞌxmakꞌ chicuu lin tꞌicr li nintzꞌap cuiꞌ li cuu.

1 Crónicas 15:27

Li rakꞌ laj David cuan chirix yi̱banbil riqꞌuin li cha̱bil tꞌicr lino. Joꞌcaneb ajcuiꞌ laj levita li yo̱queb chi pako̱nc re li Lokꞌlaj Ca̱x, joꞌqueb ajcuiꞌ laj bichanel ut laj Quenanías. Aꞌan li nacꞌamoc be chiruheb laj bichanel. Laj David quirocsi ajcuiꞌ li efod yi̱banbil riqꞌuin lino.

Li xHu LIX RUT 3:15

Ut laj Booz quixye re lix Rut: —Cꞌam chak la̱ tꞌicr ut hel ru, chan. Nak lix Rut quixhel lix tꞌicr chiru, laj Booz quixqꞌue li cebada saꞌ li tꞌicr. Numenak na cuakib bisoc li quixqꞌue re. Tojoꞌnak quixtaksi saꞌ xbe̱n xtel ut lix Rut co̱ saꞌ li tenamit.

Éxodo 38:8

Riqꞌuin li lem bronce li quicꞌanjelac chiruheb li ixk li queꞌcꞌanjelac chire li oqueba̱l re li tabernáculo, queꞌxyi̱b jun li pila xnaꞌaj li haꞌ joꞌ ajcuiꞌ lix naꞌaj li teꞌxqꞌue cuiꞌ.

Génesis 41:42

Ut quirisi chi ruꞌuj rukꞌ lix matkꞌab li retalil lix cuanquil, ut quixqꞌue chi ruꞌuj rukꞌ laj José. Quixqꞌue lix cha̱bil akꞌ yi̱banbil riqꞌuin li cha̱bil tꞌicr lino, re nak laj José tixtikib rib chi chꞌinaꞌus. Ut quixqꞌue ajcuiꞌ chi xcux laj José jun lix cadena tzꞌakal oro.

Génesis 24:65

Quixpatzꞌ re lix mo̱s laj Abraham: —¿Ani li cui̱nk li yo̱ chak chi cha̱lc? chan. Li mo̱s quixye re: —Aꞌan laj Isaac li ralal lin patrón, chan. Lix Rebeca quixhel lix tꞌicr saꞌ xjolom ut quixtzꞌap li ru.

Isaías 3:22

Ut ta̱risiheb ajcuiꞌ li cha̱bil akꞌej ut eb li tꞌicr li nequeꞌxlan cuiꞌ ribeb joꞌ ajcuiꞌ li tꞌicr li nequeꞌxqꞌue saꞌ xjolom ut eb li bo̱ls.

Isaías 3:24

Chokꞌ re̱kaj li sununquil ban ta̱cua̱nk xchuhil li camenak. Chokꞌ re̱kaj lix cꞌa̱mal xsaꞌ ta̱cua̱nk li cꞌa̱m. Chokꞌ re̱kaj li rismal jolom yi̱banbil chi cha̱bil, tꞌuruꞌak saꞌ lix jolomeb. Chokꞌ re̱kaj li cha̱bil akꞌej teꞌxqꞌue li kꞌes ru tꞌicr. Chokꞌ re̱kaj lix chꞌinaꞌusaleb, cꞌatalak lix tibeleb.

Isaías 47:2

Chapomak e̱caꞌ ut ocankex chixqueꞌbal le̱ cꞌaj. Isihomak le̱ tꞌicr li nequetzꞌap cuiꞌ le̱ ru. Ut taksihomak le̱ rakꞌ re nak texnumekꞌ saꞌ li haꞌ chi ma̱cꞌaꞌ le̱ xa̱b.

Zacarías 3:5

Ut quixye reheb: —Bacꞌomak junak tꞌicr sak ru saꞌ xjolom, chan. Ut queꞌxqꞌue jun li tꞌicr sak ru saꞌ xjolom ut queꞌxqꞌue li cha̱bil tꞌicr chirix. Ut lix ángel li Ka̱cuaꞌ xakxo aran.