Isaías 3:21 - Li Santil hu

²¹ Ut ta̱risiheb ajcuiꞌ lix matkꞌabeb joꞌ ajcuiꞌ lix sahob ru li nequeꞌxqꞌue saꞌ ruꞌujeb.

Q'eqchi Bible

²¹ eb' li matq'ab', eb' li xsahob' ru li ru'ujeb',

Isaías 3:21 ပူးပေါင်းရင်းမြစ်များ

Génesis 24:47

Ut la̱in xinpatzꞌ re, “¿Ani la̱ yucuaꞌ?” Ut aꞌan xye cue, “La̱in lix rabin laj Betuel. Lin yucuaꞌ, aꞌan li ralal laj Nacor riqꞌuin lix Milca,” chan. La̱in xinqꞌue re lix sahob ru li ruꞌuj. Ut xinqꞌue ajcuiꞌ lix sahob ru lix cux rukꞌ.

Santiago 2:2

Ma̱re teꞌcuulak cuibak li cui̱nk bar chꞌutchꞌu̱quex cuiꞌ chixlokꞌoninquil li Dios. Ma̱re li jun kꞌaxal cha̱bil xtikibanquil ut cuan xmatkꞌab oro. Ut li jun chic ma̱re nebaꞌ ut kꞌel li rakꞌ.

San Lucas 15:22

Aꞌut li yucuaꞌbej quixye reheb lix mo̱s: —Sicꞌomak chak saꞌ junpa̱t li cha̱bil tꞌicr ut qꞌuehomak chirix. Qꞌuehomak xmatkꞌab chi ruꞌuj rukꞌ ut qꞌuehomak xxa̱b chi rok.

Ezequiel 16:12

Ut quinqꞌue li cha̱bil matkꞌab saꞌ la̱ cuuꞌuj ut quinqꞌue ajcuiꞌ la̱ caꞌxic. Cꞌajoꞌ xchꞌinaꞌusal li corona li quinqꞌue saꞌ a̱jolom.

Cantares 5:14

Cꞌajoꞌ xchꞌinaꞌusal li rukꞌ. Chanchan li matkꞌab oro yi̱banbil riqꞌuin li cha̱bil pec topacio. Ut li ru xsaꞌ chanchan li cha̱bil marfil qꞌuebil xsahob ru riqꞌuin li cha̱bil pec zafiro.

Ester 8:12

Chixjunil aꞌin teꞌxba̱nu chiru jun cutan, saꞌ li oxlaju xbe li po Adar. Aꞌan lix cablaju po re li chihab.

Génesis 41:42

Ut quirisi chi ruꞌuj rukꞌ lix matkꞌab li retalil lix cuanquil, ut quixqꞌue chi ruꞌuj rukꞌ laj José. Quixqꞌue lix cha̱bil akꞌ yi̱banbil riqꞌuin li cha̱bil tꞌicr lino, re nak laj José tixtikib rib chi chꞌinaꞌus. Ut quixqꞌue ajcuiꞌ chi xcux laj José jun lix cadena tzꞌakal oro.

Éxodo 35:22

Queꞌcuulac li cui̱nk joꞌ ajcuiꞌ li ixk ut queꞌxcꞌam lix mayejeb li joꞌ qꞌuial qui-ala saꞌ xchꞌo̱leb xqꞌuebal. Ut chi anchal xchꞌo̱leb queꞌxqꞌue lix kꞌoleb ut lix caꞌxiqueb ut lix matkꞌabeb joꞌ ajcuiꞌ li cadeneb li nequeꞌxqꞌue chi rukꞌeb joꞌ ajcuiꞌ li terto̱quil pec. Ut chixjunileb queꞌxmayeja chiru li Ka̱cuaꞌ li cꞌaꞌak re ru yi̱banbil riqꞌuin oro.

Isaías 3:22

Ut ta̱risiheb ajcuiꞌ li cha̱bil akꞌej ut eb li tꞌicr li nequeꞌxlan cuiꞌ ribeb joꞌ ajcuiꞌ li tꞌicr li nequeꞌxqꞌue saꞌ xjolom ut eb li bo̱ls.