Isaías 3:2 - Li Santil hu

² Ta̱risiheb li cui̱nk li cauheb rib joꞌ ajcuiꞌ eb li soldado ut eb laj rakol a̱tin. Ta̱risiheb li profeta ut eb laj kꞌe ut eb li che̱queb.

Q'eqchi Bible

² Maak'a'aqeb' chik li kaweb' rib', eb' laj yalonel, laj raqol aatin ut li propeet, laj q'e ut li cheekel winq,

Isaías 3:2 ပူးပေါင်းရင်းမြစ်များ

Amós 2:3

Tincuisi chiruheb li tenamit lix reyeb ut tincamsi rochbeneb li nequeꞌcꞌanjelac chiru, chan li Ka̱cuaꞌ.

Ezequiel 17:13

Ut quixcꞌam ajcuiꞌ jun reheb li ralal li rey li cuan xcuanquil ut quixba̱nu li contrato riqꞌuin. Quixpuersi ru chixba̱nunquil li juramento nak tixba̱nu li cꞌaꞌru quixye saꞌ li contrato. Ut quixcꞌameb ajcuiꞌ chirix li cui̱nk li cauheb rib li cuanqueb Jerusalén.

Ezequiel 9:5

Ut quicuabi nak li Dios quixye reheb li cuakib chi cui̱nk: —Ayukex chirix li cui̱nk aꞌin nak ta̱numekꞌ saꞌ li tenamit ut camsihomakeb li cristian. Incꞌaꞌ te̱cuyeb xma̱c chi moco te̱ril xtokꞌoba̱leb ru.

Ezequiel 8:12

Li chanchan cui̱nk quixye cue: —At ralal cui̱nk, ¿ma xaqꞌue retal li cꞌaꞌru yo̱queb chixba̱nunquil eb li nequeꞌcꞌamoc be saꞌ xya̱nkeb laj Israel? Chixjunileb yo̱queb chixlokꞌoninquileb li yi̱banbil dios chi mukmu. Ut nequeꞌxye nak la̱in incꞌaꞌ nacuil li cꞌaꞌru nequeꞌxba̱nu. Nequeꞌxye nak la̱in xintzꞌekta̱na lix naꞌajeb.

Salmos 74:9

Ma̱cꞌaꞌ chic junak retalil nacꞌutu̱c re chiku xban nak ma̱cꞌaꞌ chic junak profeta. Ut ma̱ ani nayehoc ke joꞌ najtil chic takacꞌul li raylal aꞌin.

Isaías 3:3

Ta̱risiheb li nequeꞌtaklan saꞌ xbe̱neb li mero ciento chi soldado. Ta̱risiheb li cui̱nk li ni̱nkeb xcuanquil joꞌ eb ajcuiꞌ laj qꞌuehol naꞌleb. Ta̱risiheb li nequeꞌxnau xyi̱banquil xsahob ru riqꞌuin chꞌi̱chꞌ ut ta̱risiheb ajcuiꞌ li nequeꞌxnau chi us balakꞌic.

Ezequiel 17:12

—Patzꞌ reheb laj Israel li kꞌaxal kꞌetkꞌeteb ma xeꞌxtau ru li jaljo̱quil ru a̱tin li xaye reheb. Ye reheb nak aꞌan aꞌin lix ya̱lal. Lix reyeb laj Babilonia quicuulac Jerusalén ut quixcꞌam toj Babilonia li rey rochbeneb li nequeꞌtenkꞌan re.

1 Crónicas 9:1

Chixjunileb laj Israel tzꞌi̱banbil xcꞌabaꞌeb saꞌ li hu reheb lix reyeb laj Israel. Tzꞌi̱banbil xcꞌabaꞌeb aꞌ yal chanru li ralal xcꞌajoleb. Ut chixjunileb laj Judá queꞌcꞌameꞌ aran Babilonia xban nak queꞌxkꞌetkꞌeti ribeb chiru li Dios.