Isaías 3:17 - Li Santil hu

¹⁷ Re xqꞌuebal chixtojbaleb xma̱c la̱in tinqꞌueheb chi tꞌanecꞌ li rismal. Tꞌuruꞌ chic lix jolomeb ta̱cana̱k re xcutbal xxuta̱neb, chan li Ka̱cuaꞌ.

Q'eqchi Bible

¹⁷ Ab'an laa'in tinjo li rismal li xjolomeb' li rixqilaleb' Sión ut xutaanal te'kanaaq”, chan li Qaawa'.

Isaías 3:17 ပူးပေါင်းရင်းမြစ်များ

Jeremías 13:22

Ma̱re te̱ye saꞌ e̱chꞌo̱l, “¿Cꞌaꞌut nak yo̱co chixcꞌulbal li raylal aꞌin?” La̱ex yo̱quex chi rahobtesi̱c xban nak numtajenak le̱ ma̱c. E̱ma̱c ajcuiꞌ la̱ex nak yo̱ chi cꞌutecꞌ e̱xuta̱n.

Apocalipsis 16:2

Co̱ li xbe̱n ángel ut quixhoy li cuan saꞌ lix secꞌ saꞌ xbe̱n li ruchichꞌochꞌ. Ut quichal jun yajel saꞌ xbe̱neb chixjunileb li queꞌxcꞌul xnumbril lix cꞌabaꞌ li joskꞌ aj xul joꞌqueb ajcuiꞌ li queꞌxlokꞌoni lix jalam u̱ch. Queꞌxoxoꞌ rixeb ut kꞌaxal ra queꞌxcꞌul xban li yajel.

Miqueas 1:11

La̱ex li cuanquex aran Safir, ta̱cꞌutekꞌ e̱xuta̱n nak texchapekꞌ ut texcꞌamekꞌ chi tꞌustꞌu̱quex. La̱ex li cuanquex Zaanán incꞌaꞌ chic tex-e̱lk saꞌ le̱ tenamit xban e̱xiu. Ut la̱ex li cuanquex Bet-esel, texya̱bak xban nak ma̱ ani chic ta̱tenkꞌa̱nk e̱re.

Isaías 20:4

Lix reyeb laj Asiria ta̱numta̱k saꞌ xbe̱neb laj Egipto ut eb laj Etiopía. Tixchapeb li tenamit ut tixcꞌameb chi pre̱xil. Joꞌ ni̱nk joꞌ cocꞌ teꞌxic chi ma̱cꞌaꞌ xa̱b chi rok ut chi ma̱cꞌaꞌeb rakꞌ. Cꞌajoꞌ nak teꞌxuta̱na̱k eb laj Egipto nak teꞌxic chi tꞌustꞌu̱queb.

Nahum 3:5

Li nimajcual Dios quixye: —La̱in tinsach e̱ru la̱ex aj Nínive. Chanchan tꞌustꞌu texincanab nak tinmakꞌ che̱ru li cꞌaꞌru e̱re. Tincꞌut e̱xuta̱n chiruheb li xni̱nkal ru tenamit.

Deuteronomio 28:27

Li Ka̱cuaꞌ tixtakla li xox che̱rix joꞌ xeꞌxcꞌul eb laj Egipto. Ta̱cua̱nk li raylal saꞌ chixjunil le̱ tibel ut tixpati rib le̱ raylal ut cꞌajoꞌ nak ta̱cuotzꞌocokꞌ ut ma̱cꞌaꞌak xbanol.

Levítico 21:20

Chi moco li cꞌutzcꞌu rix, chi moco li metꞌ aj cui̱nk, chi moco li cuan xyajel li xnakꞌ ru, chi moco li cuan xox chirix, chi moco li sal rix, chi moco li tochꞌol xnakꞌ xtzꞌejcual naru nequeꞌcꞌanjelac chi qꞌuehoc mayej.

Cantares 3:11

Ex tukꞌ ixk li cuanquex Sión, quimkex chirilbal li rey Salomón. Cuan saꞌ xjolom li corona li quiqꞌueheꞌ re xban lix naꞌ saꞌ li cutan nak quisumla. Quiqꞌueheꞌ re saꞌ li cutan nak kꞌaxal sa saꞌ xchꞌo̱l.

Isaías 3:16

Li Ka̱cuaꞌ quixye ajcuiꞌ reheb: —Eb li ixk li cuanqueb Sión nequeꞌxnimobresi ribeb ut nequeꞌxtaksi li riloba̱l nak nequeꞌbe̱c. Kꞌetkꞌet nequeꞌiloc. Chanchan yo̱queb chi xajoc nak nequeꞌbe̱c. Ut nequeꞌrecꞌasi lix sahob ru li nequeꞌxqꞌue saꞌ xcux rokeb.

Isaías 3:18

Saꞌ eb li cutan aꞌan li Ka̱cuaꞌ ta̱risiheb lix sahob ru li nequeꞌxqꞌue saꞌ xcux rokeb. Ta̱risiheb lix sahob ru li nequeꞌxqꞌue saꞌ xjolomeb ut li nequeꞌxqꞌue saꞌ xpe̱quemeb.