Isaías 3:16 - Li Santil hu

¹⁶ Li Ka̱cuaꞌ quixye ajcuiꞌ reheb: —Eb li ixk li cuanqueb Sión nequeꞌxnimobresi ribeb ut nequeꞌxtaksi li riloba̱l nak nequeꞌbe̱c. Kꞌetkꞌet nequeꞌiloc. Chanchan yo̱queb chi xajoc nak nequeꞌbe̱c. Ut nequeꞌrecꞌasi lix sahob ru li nequeꞌxqꞌue saꞌ xcux rokeb.

Q'eqchi Bible

¹⁶ Li Qaawa' kixye ajwi' chi jo'ka'in: “Eb' li ixq aj Sión q'axal neke'xk'e xwankil, neke'xja'ab' rib' naq neke'b'eek; jwal josq' josq' neke'ilok ut neke'xk'osatq li xyokb' yal re xk'eeb'al chi eek'ank li xsahob' ru li roqeb'.

Isaías 3:16 ပူးပေါင်းရင်းမြစ်များ

Isaías 4:4

Li Ka̱cuaꞌ saꞌ ti̱quilal ta̱rakok a̱tin ut ta̱risiheb lix ma̱usilal li cuanqueb Sión. Tixcuy xma̱queb li queꞌcamsin aran Jerusalén.

San Mateo 21:5

Ye reheb li tenamit aj Sión: —Cueꞌ chak le̱ Rey xchal e̱riqꞌuin. Tu̱lan ut cꞌojcꞌo chak chirix jun li bu̱r. Chirix jun chꞌina ral bu̱r xcomon li nequeꞌi̱kan yo̱ chak chi cha̱lc.— (Zac. 9:9; Isa. 62:11)

Cantares 3:11

Ex tukꞌ ixk li cuanquex Sión, quimkex chirilbal li rey Salomón. Cuan saꞌ xjolom li corona li quiqꞌueheꞌ re xban lix naꞌ saꞌ li cutan nak quisumla. Quiqꞌueheꞌ re saꞌ li cutan nak kꞌaxal sa saꞌ xchꞌo̱l.

Proverbios 30:13

Cuanqueb li nequeꞌxnimobresi ribeb ut nequeꞌxkꞌetkꞌeti ribeb chiruheb li ras ri̱tzꞌin.

San Lucas 23:28

Ut li Jesús quixsukꞌisi rib ut quirileb li ixk. Quixye reheb: —Ex ixk aj Jerusalén, mexya̱bac chicuix la̱in. Chexya̱bak ban che̱rix la̱ex ut chirixeb ajcuiꞌ le̱ ralal e̱cꞌajol.

Sofonías 3:11

Saꞌ eb li cutan aꞌan incꞌaꞌ chic texxuta̱nobresi̱k xban li incꞌaꞌ us xeba̱nu nak xexma̱cob ut xekꞌetkꞌeti e̱rib chicuu. La̱in tincuisiheb saꞌ e̱ya̱nk li kꞌetkꞌeteb ut li nequeꞌxnimobresi ribeb. Ut incꞌaꞌ chic ta̱cua̱nk li kꞌetkꞌetil saꞌ lin santil naꞌaj.

Isaías 24:4

Ta̱chakik li ruchichꞌochꞌ ut ta̱osokꞌ. Chixjunil li cuan saꞌ ruchichꞌochꞌ ta̱sachk. Ut ta̱sachekꞌ ajcuiꞌ ruheb li xni̱nkal tenamit.

Isaías 3:18

Saꞌ eb li cutan aꞌan li Ka̱cuaꞌ ta̱risiheb lix sahob ru li nequeꞌxqꞌue saꞌ xcux rokeb. Ta̱risiheb lix sahob ru li nequeꞌxqꞌue saꞌ xjolomeb ut li nequeꞌxqꞌue saꞌ xpe̱quemeb.

Isaías 1:8

Caꞌaj chic li tenamit Sión xcana sutsu xbaneb li xicꞌ nequeꞌiloc re. Nacꞌutun chanchan li chꞌina cab li cuan saꞌ xnaꞌaj li acui̱mk uvas. Chanchan li chꞌina cab saꞌ xnaꞌaj li acui̱mk melón.

Proverbios 16:18

Li ani naxkꞌetkꞌeti rib ta̱osokꞌ. Ut li ani naxnimobresi rib ta̱cubsi̱k xcuanquil.

Isaías 3:1

Qꞌuehomak retal. Li Ka̱cuaꞌ li kꞌaxal nim xcuanquil ta̱risi Jerusalén ut Judá li cꞌaꞌak re ru li nequecꞌojob cuiꞌ e̱chꞌo̱l. Ut ta̱risi le̱ cua ut le̱ haꞌ.

Isaías 3:4

Ut tixqꞌueheb li toj sa̱jeb chi takla̱nc saꞌ e̱be̱n. Ut aꞌaneb chic teꞌtakla̱nk e̱re.

Isaías 3:17

Re xqꞌuebal chixtojbaleb xma̱c la̱in tinqꞌueheb chi tꞌanecꞌ li rismal. Tꞌuruꞌ chic lix jolomeb ta̱cana̱k re xcutbal xxuta̱neb, chan li Ka̱cuaꞌ.

Proverbios 21:4

Li kꞌetkꞌetil ut li nimobresi̱nc ib, aꞌan ma̱c. Joꞌcan ajcuiꞌ lix cꞌaꞌuxeb li incꞌaꞌ useb xnaꞌleb.