Isaías 3:12 - Li Santil hu

¹² Eb li nequeꞌrahobtesin reheb lin tenamit toj sa̱jeb ut eb li ixk nequeꞌnumta saꞌ xbe̱neb. Ex intenamit, eb li nequeꞌcꞌamoc be che̱ru yo̱queb che̱balakꞌinquil ut chixcꞌambal e̱be chixba̱nunquil li incꞌaꞌ us.

Q'eqchi Bible

¹² Jun saaj al yo chi rahob'tesink re lintenamit, ut ixqeb' li neke'numtaak sa' xb'een. Ex intenamit, eb' laj k'amol eeb'e yookeb' cheb'alaq'inkil ut chi xk'amb'al eeb'e chi xb'aanunkil li ink'a' us.

Isaías 3:12 ပူးပေါင်းရင်းမြစ်များ

Isaías 3:4

Ut tixqꞌueheb li toj sa̱jeb chi takla̱nc saꞌ e̱be̱n. Ut aꞌaneb chic teꞌtakla̱nk e̱re.

Nahum 3:13

Le̱ soldado li cuanqueb saꞌ le̱ tenamit chanchanakeb chic li ixk xban nak incꞌaꞌ chic cauhakeb rib. Chanchan nak li oqueba̱l re le̱ tenamit teto chiruheb li xicꞌ nequeꞌiloc e̱re. Cꞌatbil nak teꞌosokꞌ lix puertil li oqueba̱l re le̱ tenamit.

San Mateo 15:14

Canabomakeb. Aꞌaneb mutzꞌeb ut nequeꞌxberesiheb li mutzꞌ. Ut cui li mutzꞌ nequeꞌxberesi li rech mutzꞌil, chi xcabichaleb teꞌtꞌanekꞌ saꞌ jul.—

Jeremías 5:31

Eb li profeta ticꞌtiꞌ nequeꞌxye. Ut eb laj tij nequeꞌxba̱nu joꞌ nequeꞌraj eb li profeta. Ut eb lin tenamit joꞌcan queꞌcuulac chiru. Abanan ¿cꞌaꞌru teꞌxba̱nu nak ta̱cuulak xkꞌehil li rakba a̱tin? chan li Ka̱cuaꞌ.

2 Reyes 11:1

Nak lix Atalía lix naꞌ laj Ocozías quirabi resil nak quicamsi̱c laj Ocozías, quixtakla xcamsinquil chixjunileb li ralal xcꞌajol li rey Ocozías, lix yum.

San Mateo 23:13

Ra cha̱lel saꞌ e̱be̱n, la̱ex aj tzꞌi̱b ut la̱ex aj fariseo, ex aj caꞌ pacꞌal u. Incꞌaꞌ nequecꞌut lix ya̱lal chiruheb li tenamit ut nequeram chiruheb lix cuanquil li Dios. La̱ex incꞌaꞌ nequeraj xkꞌaxtesinquil e̱rib rubel xcuanquil li nimajcual Dios ut incꞌaꞌ ajcuiꞌ nequecanabeb chixkꞌaxtesinquileb rib li ani nequeꞌraj.

Li xHu LAJ JOB 30:13

Nequeꞌxram lin be re nak incꞌaꞌ tine̱lelik. Ut ma̱ ani nakꞌusuc reheb re nak teꞌxcanab xba̱nunquil raylal cue.

Proverbios 28:16

Junak li acuabej ma̱cꞌaꞌ xnaꞌleb naxrahobtesi li tenamit. Abanan li acuabej li incꞌaꞌ naxra ru biomal, aꞌan najtak rok lix yuꞌam.

Eclesiastés 10:16

Tokꞌob ru li tenamit li cuan xrey toj sa̱j, xban nak toj ma̱cꞌaꞌ xnaꞌleb. Ut li nequeꞌtenkꞌan re li rey junes ninkꞌei̱c nequeꞌxcꞌoxla.

Isaías 19:14

Li Ka̱cuaꞌ quixsach xnaꞌlebeb re nak incꞌaꞌ us li naꞌleb li teꞌxqꞌue. Joꞌcan nak incꞌaꞌ na-el chi us li tenamit Egipto riqꞌuin li cꞌaꞌru naxba̱nu. Chanchaneb li calajenak li nequeꞌtacloc saꞌ lix xaꞌauheb.

Isaías 51:22

Aꞌan aꞌin li naxye li Ka̱cuaꞌ le̱ Dios, li Ka̱cuaꞌ li nacoloc reheb lix tenamit: —La̱in xexcuisi saꞌ li raylal li cuanquex cuiꞌ. Xnumeꞌ lin joskꞌil. Incꞌaꞌ chic te̱cꞌul li raylal.

Miqueas 3:5

Joꞌcaꞌin quixye li Ka̱cuaꞌ chirixeb li profeta li nequeꞌqꞌuehoc reheb lin tenamit chi ma̱cobc: —Tuktu̱quil usilal nequeꞌxtzꞌa̱ma saꞌ xbe̱neb li nequeꞌqꞌuehoc xcuaheb. Ut raylal nequeꞌxtzꞌa̱ma saꞌ xbe̱neb li ani incꞌaꞌ nequeꞌqꞌuehoc xcuaheb.